ايماقتار • 20 قىركۇيەك، 2020

ۋچاسكەلىك ينسپەكتورلار جەلتوقسان ايىنا دەيىن بارلىق تۇرعىندارمەن جەكە تانىسادى

22 رەت كورسەتىلدى

جالپى ەلىمىز بويىنشا «ۋچاسكە» جەدەل-پروفيلاكتيكالىق ءىس-شاراسىنا سايكەس بارلىق سولتۇستىكقازاقستاندىق  ۋچاسكەلىك پوليتسيا ينسپەكتورلارى ءوز قاراماعىنداعى ءار ۇيگە، ءار پاتەرگە بارىپ، جەكە تانىسىپ، ءوزىنىڭ بايلانىس نومىرلەرى كورسەتىلگەن ۆيزيتكالارىن تاراتادى، دەپ حابارلايدى Egemen.kz.

«ۋچاسكە» وپەراتسياسىنىڭ ماقساتى – وبلىستىڭ ءاربىر تۇرعىنىنا، اۋىلدىقتارعا، قالالىقتارعا وزدەرىنىڭ ۋچاسكەلىك ينسپەكتورىمەن اڭگىمەلەسۋگە، تانىسۋعا، تەلەفون نومىرلەرىن الۋلارىنا جاعداي جاساۋ، - دەپ اتاپ ءوتتى سقو پد باستىعىنىڭ ءبىرىنشى ورىنباسارى پوليتسيا پولكوۆنيگى قانات ايتباەۆ.

قازىر بۇل جۇمىس جالعاسىپ كەلەدى. وبلىس بويىنشا 5633 جەر ءۇي مەن 2877 پاتەر، ونىڭ ىشىندە 205 جالدامالى پاتەر ارالاندى. سونداي-اق، ساياجايلار باقىلاۋدا، 5 مىڭنان استام ساياجاي ۇيلەرى تەكسەرىلدى. بۇرىن سوتتالعان ادامداردى، پروبلەمالى وتباسىلاردى، سونداي-اق قارۋ يەلەرىن تەكسەرۋگە ەرەكشە كوڭىل بولىنەدى. باستى مىندەت – قىلمىستار مەن قۇقىق بۇزۋشىلىقتاردىڭ الدىن الۋ جانە ۋاقتىلى انىقتاۋ.

سولتۇستىك قازاقستان وبلىسىنداعى بارلىق 289 ۋچاسكەلىك پوليتسيا ينسپەكتور كۇن سايىن اكىمشىلىك ۋچاسكەلەرىندەگى ۇيلەرگە كىرىپ، تۇرعىندارمەن تانىسادى. سونىمەن قاتار 202 ۋچاسكەلىك پوليتسيا پۋنكتتەرىندە ازاماتتاردى قابىلدايدى. حالىقتىڭ كوپ شوعىرلانۋىنا بايلانىستى وبلىس ورتالىعى – پەتروپاۆل قالاسىنا قىزمەت كورسەتەتىن پوليتسەيلەردىڭ جۇكتەمەسى اۋىر. 97 ۋچاسكەلىك پوليتسيا ينسپەكتورى 13 «تىرەك» پۋنكتتەرىندە قىزمەت كورسەتەدى. بيىلعى 8 ايدىڭ ىشىندە قالالىق ۋچاسكەلىك پوليتسيا ينسپەكتورلارىنىڭ قاتىسۋىمەن 1810 قىلمىستىڭ بەتى اشىلىپ، 16 مىڭنان استام ءتۇرلى اكىمشىلىك قۇقىق بۇزۋشىلىقتار انىقتالدى.

«ۋچاسكە» وپەراتسياسى شەڭبەرىندەگى جۇيەلى پروفيلاكتيكالىق جۇمىس قىستىڭ العاشقى كۇنىنە دەيىن جالعاسىپ، 1 جەلتوقساندا اياقتالادى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ۇقساس جاڭالىقتار