ايماقتار • 20 قىركۇيەك، 2020

ماڭعىستاۋلىقتار جاھاندىق تازالاۋعا قاتىستى

64 رەت كورسەتىلدى

اقتاۋدا "دۇنيەجۇزىلىك تازالىق كۇنى" 19 قىركۇيەكتە تاڭعى ساعات 10:00-دە باستالدى، دەپ حابارلايدى Egemen.kz

وبلىس بويىنشا تازالاۋ جۇمىستارىنا 1250 ەرىكتى قاتىستى. ونىڭ ىشىندە 580 مەملەكەتتىك قىزمەتشى، 430 ۆولونتيور، 240 بەي-جاي قارامايتىن تۇرعىندار، ال جينالعان قوقىس بولسا 115 توننادان اسىپ ءتۇستى. ونىڭ 15 - شىنى، 42 - پلاستيك، 24 - رەزەڭكە، 27 - قاعاز، سونىمەن قاتار 7 توننا مەتالل وڭدەۋگە بەرىلدى.

ماڭعىستاۋ وبلىسىنىڭ ەكولوگيا دەپارتامەنتى مەن وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى "كىشى ويماشى" اۋماعىن تازالاۋعا شىققان اكتسيا قاتىسۋشىلارىن جەكە قورعانىس قۇرالدارىمەن، سونىڭ ىشىندە انتيسەپتيكتەرمەن، قولعاپتارمەن، بەتپەپدەلەرمەن، قوقىسقا ارنالعان ارنايى پاكەتتەرمەن جانە ت.ب. قامتاماسىز ەتتى. تازالىق اكتسياسىنا كەز-كەلگەن ادام قاتىسا الدى. ۇەۇ جانە قوعامدىق ۇيىمداردىڭ بەلسەندى وكىلدەرىنىڭ اراسىندا "ەكو ماڭعىستاۋ"، "ماڭعىستاۋ تابيعاتى"، "ەcojer" قاۋىمداستىعى، "نەۆادا-سەمەي" قوزعالىسى، "تابيعي ورتا"، "ECO Safari Aktau"، ۆولونتەرلەر جانە تاعى باسقالارىن اتاپ وتۋگە بولادى.

"جىل سايىن ميلليونداعان ادام ەستونيادا پايدا بولعان "دۇنيەجۇزىلىك تازالىق كۇنى " ازاماتتىق اكتسياسىنا بەلسەندى قاتىسادى. قوعامدىق جانە قورىق ورىندارىن قوقىستان تازارتۋ شارالارى الەمنىڭ 180-گە جۋىق ەلىندە جۇرگىزىلەدى. شەتتە قالماي، اتالعان ءىس - شارانى قولداۋعا كەلگەندەردىڭ بارلىعىنا العىس ايتامىز"، - دەيدى ماڭعىستاۋ وبلىسىنىڭ ەكولوگيا دەپارتامەنتىنىڭ باسشىسى رۋسلان توكەنوۆ.

دۇنيەجۇزىلىك تازالىق كۇنى - بۇل ەلدىڭ الەمدى قالاي وزگەرتە الاتىندىعىنىڭ مىسالى. بارلىعى ادامزاتتىڭ قولىندا جانە قالاعان ناتيجەگە قول جەتكىزۋگە بولادى.  ەڭ باستىسى - جاقسى جاققا دەگەن ۇمتىلىستىڭ بارى قۋانتادى.

ء"بىز تازالىققا بەت العان ميلليونداعان ادامداردىڭ قاتارىندامىز. وسى اكتسياعا قاتىسا وتىرىپ، ءبىز ءوز قولىمىزبەن وزگەرىستەر جاساي الاتىنىمىزدى تاعى دا دالەلدەدىك. اسىرەسە ەرىكتىلەر قوزعالىسىنىڭ قاتىسۋشىلارىنىڭ بەلسەندىلىگى ەرەكشە قۋانتتى"، - دەيدى ماڭعىستاۋ وبلىسى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى دۇيسەن قۇسبەكوۆ.

مىنە، وسىلايشا 13 جىل قاتارىنان ميلليونداعان ادامدار "World cleanup ءDay"ىرى اكتسياسىنا قاتىسىپ كەلەدى. 2019 جىلى بۇل شارا 169 ەلدىڭ ەرىكتىلەرىن بىرىكتىردى. ولار ساياباقتاردى تازالاپ، وزەندەردىڭ،  كولدەردىڭ جانە تەڭىزدەردىڭ جاعالارىن تۇرمىستىق قوقىستاردان تازارتۋدى قولعا العان.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار