"ساۋاتى بار ادام ارقاشان رەسمي اقپاراتقا سەنەدى. بلوگەرلەر سۇزگىدەن وتپەگەن اقپاراتتاردى ء وزىنىڭ وقىرماندارىن كوبەيتىپ, ولاردى قىزىقتىرۋ ءۇشىن عانا جىلدام جاريالاپ جاتادى. ال كاسىبي جۋرناليست ەڭ الدىمەن اقپاراتتىڭ شىنايىلىعى مەن ونىڭ زاڭعا سايكەستىگىن تەكسەرىپ, رەداكتورلار سۇزگىسىنەن وتكەن ماتەريالدى عانا جاريالايدى. كەي كەزدە بلوگەرلەردىڭ جاۋاپسىزدىعىنان جالعان اقپاراتتار تاراپ, ول تاقىرىپتار حالىق اراسىندا قىزۋ تالقىعا ءتۇسىپ جاتادى. سول اقپاراتتىڭ بارلىعىن رەسمي اقپاراتپەن قاراستىرىپ وتىرۋ كەرەك", دەدى ا.بالاەۆا.
ونىڭ ايتۋىنشا, جالعان اقپارات تاراتۋشى بلوگەرلەر ماسەلەسى الداعى ۋاقىتتا زاڭمەن رەتتەلەدى.
"بلوگەرلەر اقپاراتتىق قۇرالعا جاتپايدى. سوندىقتان زاڭ جۇزىندە ولاردىڭ ىستەرىنە ءبىز ەشقانداي شەكتەۋلەر جاساي المايمىز. ەگەر زاڭ وزگەرىپ, جاڭا تالاپتار بولىپ جاتسا, ونىڭ بارلىعى رەتتەلەتىن دۇنيە. وعان ۋاقىت كەرەك. بۇل ءبىزدىڭ مينيسترلىكتىڭ ناقتى جوسپارىندا بار. ونى ءبىز قوعاممەن اشىق تۇردە تالقىلاي وتىرىپ, زامان اعىمىنا سايكەس زاڭ جاساقتايمىز", دەدى ول.
وسى رەتتە مينيستر جالعان اقپاراتتى انىقتايتىن Stop Fake رەسۋرسى جايىندا ايتىپ ءوتتى.
"بۇگىندە جالعان اقپاراتتىڭ سانى كوبەيىپ كەتتى. سوندىقتان Stop Fake رەسۋرسى كۇندەلىكتى 1-2 جالعان اقپاراتتى تاۋىپ, ونى جوققا شىعارىپ وتىرادى. مەنىڭ ويىمشا, بۇل رەسۋرس حالىق اراسىندا جاقسى ناسيحاتتالۋى كەرەك. ادامدار وسىنداي رەسۋرستىڭ بارىن بىلسە, اقپاراتتاردى وزدەرى تەكسەرىپ وتىرادى", دەدى ايدا بالاەۆا.
