ءبىلىم • 19 قىركۇيەك، 2020

“بولاشاق” حالىقارالىق ستيپەندياسىنىڭ يەگەرلەرى بەلگىلى بولدى

35 رەت كورسەتىلدى

"بولاشاق" حالىقارالىق ستيپەندياسى يەگەرلەرىنىڭ ءتىزىمى جاريالاندى. بۇل تۋرالى ءبىلىم جانە عىلىم ۆيتسە-ءمينيسترى ميراس داۋلەنوۆ ءوزىنىڭ Facebook-تەگى پاراقشاسىندا ءمالىم ەتتى، دەپ حابارلايدى Egemen.kz.

«بولاشاق» حالىقارالىق ستيپەندياسىن تاعايىنداۋدا كونكۋرستىق ىرىكتەۋدىڭ ادىلدىگى مەن اشىقتىعىن قامتاماسىز ەتۋگە باعىتتالعان ماڭىزدى قادام جاسالدى. ستيپەندياتتاردى ىرىكتەۋ پرەزيدەنتتىك جاستار كادرلىق رەزەرۆىنە ىرىكتەۋ ۇلگىسى بويىنشا تولىعىمەن اۆتوماتتاندىرىلعان. كونكۋرستىق ىرىكتەۋدىڭ ءار كەزەڭى پروكتورينگ جۇيەسى ارقىلى تسيفرلاندىرىلعان جانە بەينەتىركەۋگە الىندى. ءبىز كەشەندى تەستىلەۋ مەن سۇحباتتاسۋ پروتسەسىن وتكىزۋ ءتاسىلىن ساپالى ەتىپ وزگەرتتىك. ۇمىتكەرلەر وقۋ ورنىنا ءوز بەتىمەن ءتۇسۋى ءتيىس، سوندىقتان پاندىك سۇراقتار قويىپ، تەكسەرۋدىڭ قاجەتى جوق. ونىڭ ورنىنا ءبىز ۇمىتكەرلەردىڭ تالداۋ، سىني ويلاۋ، فاكتىلەردى ءتۇسىندىرۋ داعدىلارىن جانە ەرەكشە جاعدايلاردا بەيىمدەلۋ قابىلەتتەرىن باعالاۋعا نازار اۋداردىق» - دەدى م. داۋلەنوۆ.

 

ونىڭ ايتۋىنشا، بۇل داعدىلارسىز شەتەلدىك مىقتى جوعارى وقۋ ورىندارىندا وقۋدىڭ ەش ماعىناسى جوق. رەسپۋبليكالىق كوميسسيانىڭ شەشىمىمەن «بولاشاق» ستيپەندياسى 106 ۇمىتكەرگە بەرىلگەن.

«تاعى ءبىر باستى جاڭالىق، بارلىق ستيپەنديانتتىڭ ءبىلىم الۋ بارىسى بويىنشا مونيتورينگ حالىقارالىق باعدارلامالار ورتالىعىنىڭ جاڭا پورتالىندا تسيفرلىق فورماتتا جۇزەگە اسىرىلاتىن بولادى. ەندى ستيپەندياتتارعا جارتى جىلدا ءبىر رەت ترانسكريپتەردى سكانەرلەۋدىڭ، ەسەپتەر جازۋدىڭ جانە انىقتامالار جىبەرۋدىڭ قاجەتى جوق. بارلىق دەرەك بلوكچەين تەحنولوگياسىنا نەگىزدەلگەن جۇيەدە جينالادى. ال سول جۇيەدەگى كەز كەلگەن وزگەرىستەر اۆتوماتتى رەجيمدە تىركەلىپ، ساقتالادى. بۇل ستيپەنديانتتارعا قاتىستى اقپاراتتىڭ نەگىزسىز وزگەرۋىنە جول بەرمەيدى»، - دەي كەلە ستيپەندياتتاردى قۇتتىقتاپ، جاڭا بەلەستەردى باعىندىرۋدا تولاعاي تابىس تىلەدى.

ستيپەندياتتاردىڭ تولىق تىزىمىمەن مىنا سىلتەمە ارقىلى تانىسۋعا بولادى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار