ايماقتار • 19 قىركۇيەك، 2020

الىستان جەتكەن العىس

69 رەت كورسەتىلدى

قۇقىق قورعاۋ ورگاندارىنىڭ قىزمەتكەرلەرى وزدەرىنىڭ اتىنا حالىقتىڭ اتىنان العىس ايتىلىپ جاتسا ريزا بولىپ قالادى. ويتكەنى، ولار دا پەندە عوي. كوبىنەسە حالىق نارازىلىعىن عانا ەستيتىن ولار بىزگە دە جىلى سوزدەر ايتىلادى ەكەن دەپ كوڭىلدەرى دە كوتەرىلىپ، جۇمىستارىنا دەگەن ىنتاسى دا ارتىپ قالادى. 

ال كوشى-قون قىزمەتىنىڭ ينسپەكتورى، كاپيتان رايحان بەستاەۆاعا العىس حات ءتىپتى الىستاعى پولشادان جەتىپتى. بۇرىن سقو-نىڭ تايىنشا اۋدانىندا تۇرىپ كەلىپ، كەيىن پولشاعا قونىس اۋدارعان 66 جاستاعى ەۆگەنيا انتونوۆنا قازاقستانعا قوناققا كەلىپ، قايتا كەتەرىندە اياق استىنان پروبلەما بولىپ، ونىڭ ۇشاققا كەشىگىپ قالۋ قاۋپى تۋادى. سول كەزدە كاپيتان رايحان بەستاەۆا ونىڭ ىسىنە جاناشىرلىقپەن ارالاسىپ، بيۋروكراتيالىق كەدەرگىلەردەن تەز وتكىزىپ، ماسەلەسىن شەشىپ بەرەدى. قازاقستاندىق شەنەۋنىكتىڭ بۇل ىسىنە ريزا بولعان پولياك قىزى ونى ۇمىتپاي، العىسىن ايتىپ، حات جازىپ جىبەرگەن ەكەن. وندا بىلاي دەلىنگەن: "رايحان، سالەمەتسىز بە؟! مەن ادامدارعا دەگەن ءىلتيپاتىڭىز، مەيىرىمدىلىگىڭىز ءۇشىن سىزگە شىن جۇرەكتەن العىس ايتقىم كەلەدى. كاسىبيلىك كورسەتىپ، جاعدايدى تۇسىنگەنىڭىز ءۇشىن راحمەت. وسىنداي قىزدى تاربيەلەگەن اتا-اناڭىزعا العىسىم شەكسىز، دەنساۋلىقتارى مىقتى بولسىن. باقىتتى بول! بارلىق كوشى-قون قىزمەتىنىڭ قىزمەتكەرلەرىنە كورسەتكەن كومەكتەرى ءۇشىن كوپتەن-كوپ راحمەت ايتامىن".

"ادامداردىڭ ريزاشىلىعىنا بولەنۋ ءبىز ءۇشىن زور قۋانىش. مەنىڭ كوشى-قون قىزمەتىندە جۇمىس ىستەگەنىمە 5 جىل بولدى، وسى جىلدار ىشىندە جۇزدەگەن ءتۇرلى قۇجات رەسىمدەدىم. ولاردىڭ ارقايسىسىنىڭ ارتىندا ادام تاعدىرى تۇر، ەگەر ءبىز ءوز ۇلەسىمىزدى قوسىپ، ادامدارعا كومەگىمىزدى تيگىزسەك، ءبىز وسىعان قۋانامىز"، - دەيدى رايحان بەستاەۆانىڭ ءوزى. 

وسىنداي قىزمەتكەرلەر باسقا دا شەنەۋنىكتەرگە ۇلگى بولسا، قانەكي.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار