قوعام • 18 قىركۇيەك، 2020

قازاقستاندا ونكولوگيالىق ناۋقاستاردى تەكسەرۋ حاتتاماسى وزگەردى

13 رەت كورسەتىلدى

كوروناۆيرۋس پاندەمياسىنا بايلانىستى قازاقستان ونكولوگيامەن اۋىراتىن ناۋقاستاردى تەكسەرۋ، اۋرۋحاناعا جاتقىزۋ جانە ەمدەۋ الگوريتمدەرى مەن حاتتامالارىن وزگەرتۋگە ءماجبۇر بولدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە دەنساۋلىق ساقتاۋ مينيسترلىگىنىڭ باس ونكولوگى، "قازاق ونكولوگيا جانە راديولوگيا عىلىمي-زەرتتەۋ ينستيتۋتى" اق باسقارما ءتورايىمى ديليارا قايداروۆا مالىمدەدى، دەپ حابارلايدى Egemen.kz.

"كۆي پاندەمياسى مەديتسينا قىزمەتكەرلەرى ءۇشىن دە، پاتسيەنتتەر ءۇشىن دە جاڭا ەرەجەلەر ەنگىزۋدى تالاپ ەتەدى. تىكەلەي ماماننان كەڭەس الۋ ءۇشىن COVID-19 تاپسىرىلعان ەكسپرەسس-تەست ناتيجەسى تەرىس بولۋى كەرەك، ال ستاتسيونارعا جاتقىزۋ ءۇشىن ناۋقاستىڭ COVID-19 تاپسىرعان پتر-تالداۋىنىڭ تەرىس ناتيجەسى عانا قاجەت. كۆي كەيدە سيمپتومسىز جانە جەڭىل وتەدى، بىراق يممۋنيتەتتىڭ تومەندەۋىنە بايلانىستى قاتەرلى ىسىككە قارسى ەمدەۋ كەزىندە كوروناۆيرۋس تۋدىرعان پنەۆمونيانىڭ كلينيكالىق بەلگىلەرى انىقتالادى. سوندىقتان ءبىز بارلىق پاتسيەنتتەرگە كت نەمەسە وكپە رەنتگەنىن مىندەتتى تۇردە جاسايمىز"، دەدى ديليارا قايداروۆا.

ونىڭ ايتۋىنشا، COVID-19 تالداۋىنان باسقا، جالپى قان تالداۋى، بيوحيميا، كواگۋلوگرامما، اقتق، گەپاتيت، ەلەكتروكارديوگرامما، وكپە رەنتگەنى سياقتى ادەتتەگى تالداۋلار الىنادى. ونىڭ ءبارىن بۇرىنعىداي تۇرعىلىقتى نەمەسە تىركەلگەن جەرى بويىنشا ەمحانالاردا تاپسىرۋعا بولادى.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار