بۇل تۋرالى قىتاي مەملەكەتتىك كەڭەسىنىڭ مۇشەسى جانە سىرتقى ىستەر ءمينيسترى ۆان ي شانحاي ىنتىماقتاستىق ۇيىمىنا (شىۇ) مۇشە ەلدەردىڭ سىرتقى ىستەر مينيسترلەرىنىڭ كەزدەسۋىندە مالىمدەدى.
شەشىم ءتورت ەلدىڭ سىرتقى ىستەر مينيسترلەرىمەن ۆيرۋسپەن كۇرەسۋ ءۇشىن پاندەمياعا قارسى ىنتىماقتاستىقتى تەرەڭدەتۋ تۋرالى پىكىر الماسقاننان كەيىن قابىلداندى.ۆان ءيدىڭ ايتۋىنشا, ەلدەر پاندەمياعا قارسى كۇرەستە ءبىر-ءبىرىن جان-جاقتى جانە ءتيىمدى تۇردە قولدادى. ەندى مينيسترلەر ءتورت سالادا شارا قابىلداۋعا كەلىستى.
بىرىنشىدەن, بەس ەل پاندەمياعا قارسى ىنتىماقتاستىقتى نىعايتادى, دۇنيەجۇزىلىك دەنساۋلىق ساقتاۋ ۇيىمىن ونىڭ ۇيلەستىرۋشى ءرولىن بەرىك قولدايدى جانە ۆيرۋسقا گەوگرافيالىق بەلگى بەرۋگە باعىتتالعان كەز-كەلگەن ارەكەتكە قارسى بولادى.
ەكىنشىدەن, ولار پاندەمياعا قارسى جەتىستىكتەردى شوعىرلاندىرادى جانە كەڭەيتەدى.
ۆان ي قىتاي پاندەميامەن كۇرەسۋ ءۇشىن ماتەريالدار ساتىپ الۋ, مامانداردى وقىتۋ, تاجىريبە الماسۋ جانە ءدارى-دارمەكتەردى ازىرلەۋدەگى ىنتىماقتاستىق, سونداي-اق مۇددەلى تاراپتارمەن بايلانىس تەتىكتەرىن قۇرۋدى جەدەلدەتۋ سياقتى باسقا ەلدەرگە ءوز مۇمكىندىكتەرى شەگىندە كومەك كورسەتۋدى جالعاستىرۋعا دايىن ەكەنىن ايتتى.
ۇشىنشىدەن, ولار ۆاكتسينانى ازىرلەۋ, ءوندىرۋ جانە ساتىپ الۋ سالاسىنداعى ىنتىماقتاستىقتى بەلسەندى تۇردە ىلگەرىلەتەتىن بولادى.
تورتىنشىدەن, كورشى ەل ءداستۇرلى قىتاي مەديتسيناسىندا ىنتىماقتاستىق ورناتۋعا كۇش سالادى, ويتكەنى قىتاي حالىق دەنساۋلىعى ءۇشىن ءارتۇرلى ەلدەردىڭ قاجەتتىلىكتەرىن قامتاماسىز ەتۋدە ءداستۇرلى قىتاي مەديتسيناسىن قولدانۋعا دايىن.
