قازاقستاندىق ساربازداردىڭ سۇيەكتەرى وتكەن جىلى «ەسكە الۋ ۆاحتاسى» اكتسياسى اياسىندا تابىلعان بولاتىن. قازا بولعانداردىڭ مەدالوندارىندا ساقتالعان مالىمەتتەرى نەگىزىندە ولاردىڭ اتى-جوندەرى مەن شاقىرۋ ورنى انىقتالدى. ازىقان نۇعىمانوۆ تۆەر وبلىسىندا, جاعىپار قايلاروۆ لەنينگرادتا ۇرىسقا قاتىسقان.
ولار اقمولا وبلىسى, ءبىرجان سال اۋدانى, ستەپنياك قالاسى مەن الماتى وبلىسى, ىلە اۋدانى, جەتىگەن اۋىلىندا جەرلەندى. مايداندا قازا تاپقان جاۋىنگەر ازىقان نۇعىمانوۆتىڭ تۋىستارىن تابۋ ازىرگە مۇمكىن بولمادى. ونى جەرلەۋمەن ءبىرجان سال اۋدانىنىڭ اكىمدىگى اينالىسادى, ونى اۋداندىق اسكەري كوميسساريات مايدانعا شاقىرعان (بۇرىنعى ەڭبەكشىلدەر اۋدانى). ال جەتىگەن كەنتىندە جاعىپار قايلاروۆتىڭ تۋىستارى جاۋىنگەردى تۋعان جەرىندە جەر قوينىنا تاپسىرۋ شاراسىن ۇلكەن تولقىنىسپەن كۇتۋدە. جەرلەۋ راسىمىنە قورعانىس مينيسترلىگىنىڭ, جەرگىلىكتى اتقارۋشى ورگانداردىڭ وكىلدەرى, ارداگەرلەر مەن اۋىل تۇرعىندارى قاتىسادى.
قازاقستاندىق جاۋىنگەرلەردىڭ سۇيەكتەرىن تابىستاۋ جانە جەرلەۋ بويىنشا دايىندىق جۇمىستارى قورعانىس مينيسترلىگىنىڭ اسكەري اتتاشە اپپاراتىنىڭ جانە قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ جاردەمىمەن ءوتتى.
