جوعارعى بىلىكتى سپورتشىلار جانە سپورت رەزەرۆىن ازىرلەۋ باعىتىندا وليمپيادا رەزەرۆىن دايارلاۋ ورتالىعى, سپورتتا دارىندى بالالارعا ارنالعان مەكتەپ-ينتەرنات-كوللەدجى, وبلىستىق جوعارى سپورت شەبەرلىگى مەكتەبى جانە 21 بالالار مەن جاسوسپىرىمدەر سپورت مەكتەپتەرى جۇمىس جۇرگىزۋدە. بۇل مەكتەپتەردە 20 147 وقۋشى 45 سپورت تۇرىمەن تەگىن جاتتىعادى.
سونىمەن قاتار قىزىلوردا قالاسى جانە اۋداندارداعى 8 سپورتتىق كلۋبتا 13 613 ادام دەنە شىنىقتىرۋ جانە سپورتپەن تۇراقتى شۇعىلدانۋعا تارتىلعان.
حالىقتىڭ سپورتتىق نىساندارعا قولجەتىمدىلىگىن ارتتىرۋ ماقساتىندا, بالالار مەن جاسوسپىرىمدەر سپورت مەكتەپتەرى جەلىسىن ۇلعايتۋ جانە شۇعىلدانۋشىلار سانىن ارتتىرۋ بارىسىندا ءبىرشاما جۇمىستار جۇرگىزىلۋدە.
بۇل رەتتە "جۇمىسپەن قامتۋ جول كارتاسى" باعدارلاماسى اياسىندا سپورت سالاسى بويىنشا 22 جوبا جۇزەگە اسۋدا.
قازىرگى تاڭدا قىزىلوردا قالاسىنداعى بايداركا جانە كانوە ەسۋ بازاسىنىڭ قۇرىلىس مونتاج جۇمىستارى جۇرگىزىلۋدە. قالا جانە اۋدانداردا 8 جاتتىعۋ جانە ستريتبول الاڭدارىنىڭ قۇرىلىسى اياقتالىپ, پايدالانۋعا بەرىلدى.
سونداي-اق وبلىس كولەمىندەگى بالالار-جاسوسپىرىمدەر مەكتەپتەرىنىڭ عيماراتتارى, سپورت كلۋبىنا, سپورت الاڭدارىنا اعىمداعى جوندەۋ جۇمىستارى, ج. ءباحادۇر اتىنداعى وليمپيادالىق رەزەرۆتىڭ وبلىستىق مامانداندىرىلعان مەكتەپ-ينتەرنات-كوللەدجىنىڭ فۋتبول, ۆولەيبول جانە باسكەتبول الاڭدارىنا كۇردەلى جوندەۋ جۇمىستارى جۇرگىزىلدى.
سونىمەن قاتار№6 وبلىستىق وليمپيالادىق رەزەرۆتىڭ مامانداندىرىلعان بالالار-جاسوسپىرىمدەر مەكتەبىنىڭ تەڭگەرىمىندەگى ستاديونعا جانە جاڭاقورعان اۋدانى جاڭاقورعان كەنتىندەگى ورتالىق ستاديونعا قايتا جاڭعىرتۋ جۇمىستارى جۇرگىزىلۋدە.
2018-2019 جىلدارى وبلىستا 16 سپورت كەشەنى پايدالانۋعا بەرىلسە, بيىل مەملەكەتتىك - جەكەشەلىك ارىپتەستىك اياسىندا جوسپارلانعان 12 جوبانىڭ بەسەۋى ىسكە قوسىلدى. قالعان جەتەۋىن جانە وبلىستىڭ الەۋمەتتىك-ەكونوميكالىق دامىتۋدىڭ 2019-2022 جىلدارعا ارنالعان كەشەندى جوسپارىنا سايكەس 5 جوبانى كەزەڭ-كەزەڭىمەن جۇزەگە اسىرۋ كوزدەلىنىپ وتىر.
ء"نۇرسات" تەننيس ورتالىعىنىڭ 4 جابىق تەننيس كورتى جىل سوڭىنا دەيىن ىسكە قوسىلادى.
