ايماقتار • 17 قىركۇيەك، 2020

10 توننا استىقتى قولدى قىلماق بولعان

32 رەت كورسەتىلدى

سقو شال اقىن اۋدانىنداعى شارۋاشىلىقتاردىڭ بىرىندە شارت بويىنشا جۇمىس ىستەيتىن "ماز" اۆتوكولىگىنىڭ جۇرگىزۋشىسى قىرماننان 10 توننادان استام بيدايدى تيەپ شىعىپ، ونى قولدى قىلماق بولعان، دەپ حابارلايدى Egemen.kz.

ونىڭ قۇنى 800 مىڭ تەڭگەنىڭ ماڭايىندا. وسىنشا استىق جەتپەيتىنىن بىردەن كورگەن جشس قۇرىلتايشىسى اۋداندىق پوليتسياعا جۇگىنگەن.

پوليتسەيلەر "استىق" جەدەل-پروفيلاكتيكالىق ءىس-شاراسى شەڭبەرىندە ۇرلىقتىڭ بەتىن اشتى. جۇرگىزۋشى بيدايدى شىعارىپ، جاسىرىن جەرگە توككەنىن جانە تۇندە الىپ كەتىپ، ساتپاقشى بولعانىن ايتتى. ەگىس دالاسىندا توگىلگەن استىق ۇيىندىلەرى انىقتالىپ، قويماعا قايتارىلدى... اتالعان فاكتى سوتقا دەيىنگى تەرگەپ تەكسەرۋ جۇرگىزىلىپ، قك 188-بابى - "ۇرلىق" بويىنشا ءىس قوزعالدى. كۇدىكتىگە قاتىستى كەلۋ تۋرالى مىندەتتەمە تۇرىندەگى بۇلتارتپاۋ شاراسى تاعايىندالدى.

سونداي-اق ءۋاليحانوۆ اۋدانىندا دا مەحانيزاتور ءبىرشاما استىق پەن جانار-جاعارماي جىمقىرعان. ونىڭ قىلمىستىق ارەكەتتەرى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە "ۇساق-تۇيەك جىمقىرۋ" جانە "ۇرلىق" بويىنشا ەنگىزىلدى. استىق جيناۋ ناۋقانى بارىسىندا مەحانيزاتور وسىنداي تاسىلمەن دە قوسىمشا تابىس تاپپاقشى بولعان.

وراق باستالعالى وبلىس اۋماعىندا 20 قىلمىس تىركەلدى، ونىڭ ىشىندە جاڭا استىق ۇرلىعى – 12، جانار-جاعارماي ۇرلاۋدىڭ 4 فاكتىسى، سونداي-اق گەربيتسيدتەر مەن اۋىل شارۋاشىلىق تەحنيكاسى بولشەكتەرىنىڭ ۇرلىقتارى دا ورىن الدى.

 

سولتۇستىك قازاقستان وبلىسى

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار