ءسوز باسىندا "نازارباەۆ زياتكەرلىك مەكتەپتەرى" دببۇ باسقارما ءتورايىمى كۇلاش ءشامشيدينوۆا ارىپتەستەرىنە تاعىلىمى مول كەزدەسۋدىڭ قادىرلى قوناعى, قازاقستان رەسپۋبليكاسىنىڭ ەڭبەك سىڭىرگەن قايراتكەرى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى, "استانا وپەرا" مەملەكەتتىك وپەرا جانە بالەت تەاترىنىڭ باس ديريجەرى, ديريجەرلەردىڭ كوپتەگەن ەۋروپالىق كونكۋرستارىنىڭ جەڭىمپازى الان بورىباەۆتى تانىستىردى.
جۇلدىزدى ماەسترونىڭ كاسىبي جەتىستىكتەرى قازاقستاننىڭ مۋزىكالىق ونەرىن ەلىمىزدە عانا ەمەس, كۇللى الەمگە پاش ەتتى. بۇگىندە ديريجەر وسلو, حەلسينكي, گامبۋرگ, بەرلين, ميلان, مەلبۋرن, اقش, كورەيا, جاپونيا مەن ۇلىبريتانيانىڭ فيلارمونيالىق وركەسترلەرىمەن ونەر كورسەتەدى.
"الەمنىڭ ءارتۇرلى مۋزىكالىق توپتارىمەن بىرلەسە جۇمىس جاساۋعا بەيۆەربالدى قارىم-قاتىناس ءتىلى – مۋزىكا ءتىلى كومەكتەسەدى", دەيدى ماەسترو.
كەزدەسۋ بارىسىندا الان اسقار ۇلى جينالعان ونلاين اۋديتورياعا بارشا وركەسترلارى سەكىلدى ۆيرتۋالدى ءارى شەبەر ديريجەرلىق ەتە ءبىلدى. ونىڭ كاسىبي تاڭداۋىنا ىقپال ەتكەن بالالىق شاقتىڭ قىزىقتى وقيعالارى, ەلىمىزدەگى جانە شەتەلدەگى شىعارماشىلىق جەتىستىكتەرى, وپەرالىق ونەرىنىڭ بولاشاعى, جاڭا جوبالارى, سونداي-اق, گ. مالەردىڭ اتى اڭىزعا اينالعان سيمفونيا №8, بىرەگەي قويىلىم "مىڭ قاتىسۋشىنىڭ سيمفونياسى" جانە احمەت جۇبانوۆ پەن لاتيف ءحاميديدىڭ "اباي" وپەراسىنىڭ جاڭا نۇسقاسى – اتالعانداردىڭ بارلىعى ايرىقشا تالانت يەسىنىڭ جانكۇيەرلەرىنىڭ قىزىعۋشىلىعىن تۋدىردى.
"كلاسسيكالىق مۋزىكا ءومىردى تۇسىنۋگە جانە وعان شىنايى قۋانا بىلۋگە كومەكتەسەدى", دەيدى الان بورىباەۆ. جۇلدىزدى ماەسترونىڭ ومىرلىك ۇستانىمى – "باستاعان ىسىڭدە جەتىستىككە جەتكەن سايىن, جاڭا شىڭداردى باعىندىرىپ, جاڭا ماقساتتارعا قول جەتكىزگىڭ كەلەدى".
كوپشىلىككە كەڭ تاراعان "شابىت" باعدارلاماسى "نازارباەۆ زياتكەرلىك مەكتەپتەرى" دەربەس ءبىلىم بەرۋ ۇيىمىنىڭ ەلوردالىق قىزمەتكەرلەرى وتاندىق ايگىلى ونەر قايراتكەرلەرىمەن جۇزدەسۋگە مۇمكىندىك الاتىن پەداگوگيكالىق شەبەرلىك ورتالىعىنىڭ تابىستى جوباسى.
