شىلدە ايىنىڭ قورىتىندىسى بويىنشا حالىققا مەديتسينالىق كومەك كورسەتۋ كەزىندە 67 مىڭنان استام ءتۇرلى كەمشىلىك انىقتالدى, مەديتسينالىق ۇيىمدارعا سالىنعان ايىپپۇل سوماسى 240 ملن تەڭگەدەن استى.
"تمككك جانە ءمامس پاكەتتەرى بويىنشا قور جەتكىزۋشىلەرى حالىققا كورسەتكەن مەديتسينالىق قىزمەتتەر ءۇشىن اقى تولەۋ وسى قىزمەتتەردىڭ ساپاسى مەن كولەمىنە مونيتورينگ جۇرگىزىلگەننەن كەيىن عانا جۇرگىزىلەتىنىن اتاپ وتكەن ءجون. ءىس جۇزىندە كورسەتىلگەن جانە مەديتسينالىق كومەك كورسەتۋ ستاندارتتارى مەن ەرەجەلەرىن, سونداي - اق كلينيكالىق حاتتامالاردىڭ ۇسىنىمدارىن ساقتاي وتىرىپ, قۇجاتپەن راستالعان قىزمەتتەرگە اقى تولەنەدى", دەپ اتاپ ءوتتى قوردا.
انىقتالعان كەمشىلىكتىڭ ەڭ كوپ سانى جان باسىنا شاققانداعى نورماتيۆكە كىرمەيتىن, ءاربىر قىزمەت جەكە تولەنەتىن كونسۋلتاتسيالىق-دياگنوستيكالىق قىزمەتتەردى كورسەتۋمەن بايلانىستى. الەۋمەتتىك مەديتسينالىق ساقتاندىرۋ قورىنىڭ ساراپشىلارى جالپى قۇنى 85,5 ملن تەڭگەنى قۇرايتىن 62 مىڭنان استام وسىنداي كەمشىلىك تىركەدى. سونداي-اق, امبۋلاتوريالىق-ەمحانالىق كومەك كورسەتۋ كەزىندە 1,9 مىڭعا جۋىق اقاۋ, تاۋلىك بويى جۇمىس ىستەيتىن ستاتسيونارلاردا مەديتسينالىق كومەك كورسەتۋ كەزىندە 1,7 مىڭ فاكتى انىقتالدى.
شىلدە ايىندا قور ساراپشىلارى ناقتى كورسەتىلمەگەن قىزمەتتەردىڭ 2 مىڭنان استام جاعدايىن انىقتادى, ولار پاتسيەنتتەر العان بولىپ اقپاراتتىق جۇيەلەرگە ەنگىزىلگەن. وسىنداي جاعدايلار بويىنشا انىقتالعان بۇزۋشىلىقتار ءۇشىن مەديتسينالىق ۇيىمدارعا 16,2 ملن تەڭگەگە ايىپپۇل سالىندى.
وڭىرلەر اراسىندا كەمشىلىك فاكتىلەرى قوستاناي, الماتى وبلىستارىندا, الماتى قالاسىندا ءجيى كەزدەسەدى, پاۆلودار, جامبىل, اقمولا وبلىستارىندا كەمشىلىك ەڭ از انىقتالعان.
ء"تۇرلى مەملەكەتتىك بازالاردان دەرەكتەردى بىرىكتىرۋ جانە IT قۇرالدارىن قولدنۋ, وسى دەرەكتەردى وڭدەۋ مونيتورينگىنىڭ ساپاسىن ايتارلىقتاي ارتتىرادى. بۇل ادامي فاكتوردى ازايتۋعا مۇمكىندىك بەرەدى. قازىر قور ءارتۇرلى اج مەن رەگيسترلەردىڭ دەرەكتەرىن ءبىر الاڭدا ينتەگراتسيالاۋ ارقىلى مەديتسينالىق قىزمەتتەردىڭ ساپاسى مەن كولەمىنىڭ تولاسسىز مونيتورينگىن اج-دە قۇرۋ بويىنشا جۇمىس جۇرگىزۋدە. بۇل مونيتورينگ پروتسەسىن بارىنشا اۆتوماتتاندىرۋعا مۇمكىندىك بەرەدى", دەپ ءتۇسىندىردى امسق مەديتسينالىق كومەك كورسەتۋ ساپاسىنىڭ مونيتورينگتەۋ دەپارتامەنتىندە.
الەۋمەتتىك مەديتسينالىق ساقتاندىرۋ قورى "حالىق تاراپىنان قوعامدىق باقىلاۋ, ءبىر جاعىنان قورعا بۇزۋشىلىقتاردى انىقتاۋعا كومەكتەسەدى, ەكىنشى جاعىنان مەديتسينالىق ۇيىمداردى تارتىپكە كەلتىرەدى. سوندىقتان ءبىز قازاقستاندىقتاردى ءوز دەرەكتەرىن ءموبيلدى قوسىمشالاردا تەكسەرۋگە جانە سايكەسسىزدىكتەر انىقتالعان جاعدايدا قورعا نەمەسە قوردىڭ فيليالدارىنا حابارلاۋعا شاقىرامىز", دەپ اتاپ ءوتتى.
