كەزدەسۋ بارىسىندا X پلەنارلىق وتىرىسقا دايىندىق ماسەلەلەرى تالقىلاندى. پارلامەنت وكىلدەرىنىڭ فورۋمىن وتكىزۋ بيىل قازاقستاندا جوسپارلانعان بولاتىن. الايدا كوروناۆيرۋس پاندەمياسىنا بايلانىستى ونى وتكىزۋ كەلەسى جىلعا اۋىستىرىلدى.
ءماجىلىس توراعاسى نۇرلان نىعماتۋلين كەلەشەكتە اتالعان ىندەتكە بايلانىستى جاعدايدىڭ تۇراقتانىپ, تۇركىتىلدەس ەلدەردىڭ پارلامەنت وكىلدەرىنە ىنتىماقتاستىقتىڭ وزەكتى ماسەلەلەرى مەن ونىڭ پەرسپەكتيۆالىق باعىتتارىن تولىق اۋقىمدى فورماتتا تالقىلاۋعا مۇمكىندىك بولاتىنىنا سەنىم ءبىلدىردى.
ءوز كەزەگىندە تۇركپا باس حاتشىسى التىنبەك مامايۋسۋپوۆ اسسامبلەيانىڭ قىزمەتى تۋرالى حاباردار ەتىپ, ونىڭ جۇمىسى قازىرگى جاعدايلارعا بەيىمدەلگەنىن اتاپ ءوتتى.
ماسەلەن, تۇركپا-عا مۇشە پارلامەنت دەپۋتاتتارى, ەڭ الدىمەن, دەنساۋلىق ساقتاۋ سالاسى ماسەلەلەرى بويىنشا ءوزارا بەلسەندى ءىس-قيمىل جاساۋدا.
جۇزدەسۋ بارىسىندا تاراپتار تۇركىتىلدەس ەلدەر پارلامەنتشىلەرىنىڭ كەڭ اۋقىمدى ماسەلەلەر بويىنشا ودان ءارى جەمىستى جۇمىس ىستەيتىنىنە سەنىم ءبىلدىردى.
