ايماقتار • 17 قىركۇيەك، 2020

ەلدەن جالتارسا دا جازادان جالتارا المادى...

694 رەت كورسەتىلدى

2016 جىلى بۇزاقىلىق جاساپ، سوتتالعان سولتۇستىكقازاقستاندىق العاشىندا چەرنوگوريا رەسپۋبليكاسىنا قاشىپ كەتكەن ەدى. ەكىجاقتى ۇستاپ بەرۋ تۋرالى كەلىسىمشارتقا سايكەس قىلمىسكەر ۇستالىپ، قازاقستانعا قايتارىلعان. ال 2018 جىلى ول باس بوستاندىعىنان ايىرۋ ورنىنان شارتتى تۇردە مەرزىمىنەن بۇرىن بوساپ شىعىپ، زاڭمەن كوزدەلگەن شەكتەۋلەردى ورىنداماي، تاعى دا شەتەلگە قاشىپ كەتكەن. ءسويتىپ، ەكى جىلداي پوليتسيادان جاسىرىنىپ جۇرگەن.

رەسەيلىك ارىپتەستەرمەن تىعىز قارىم-قاتىناستىڭ ارقاسىندا بۇزاقىنىڭ ىزىنە ءتۇسۋ مۇمكىن بولىپ، ول رف استراحان وبلىسىندا ۇستالدى. قازىرگى ۋاقىتتا 28 جاستاعى ايىرتاۋ اۋدانىنىڭ تۋماسى ەتاپپەن اكەلىنىپ، پەتروپاۆلداعى تەرگەۋ وقشاۋلاعىشىنا قامالدى.

ءوز كەزەگىندە قازاقستاندىق پوليتسيا دا رەسەيلىك ارىپتەستەرى ىزدەپ جۇرگەن قىلمىسكەدىڭ ءبىزدىڭ ەلدىڭ اۋماعىندا قۇرىقتاپ، ەتاپپەن ەلىنە جونەلتتى. ول رەسەيدىڭ قورعان وبلىسى پەتۋحوۆو قالاسىندا قىلمىس جاساعانى ءۇشىن ىزدەۋدە بولعان.  21 جاستاعى قىلمىسكەكەر پەتروپاۆلدىق ىزشىلدەردىڭ قىراعى كوزىنەن قۇتىلا المادى.

جىل باسىنان بەرى قىلمىستىق قۋدالاۋ ورگاندارىنان جاسىرىنىپ جۇرگەن بارلىعى 35 قىلمىسكەر ۇستالدى. ونىڭ 9-نا وتكەن جىلدارى ىزدەۋ جاريالانعان.

"16-17 قىركۇيەك ارالىعىندا "ىزدەۋ" جەدەل-پروفيلاكتيكالىق ءىس-شاراسى وتۋدە، ونىڭ اياسىندا ىزدەستىرۋدەگى ادامداردى ىزدەۋگە باعىتتالعان كۇشەيتىلگەن ءىس-شارالار وتكىزىلەدى. قويىلعان مىندەتتەردى ورىنداۋ ءۇشىن قوسىمشا رەسۋرستار پايدالانىلادى. ارينە، بۇل جۇمىس تۇراقتى جۇرگىزىلەدى جانە جەدەل قىزمەتتەردىڭ جۇمىسىنداعى باسىمدىلىق بولىپ تابىلادى. حالىقارالىق ىنتىماقتاستىق جاساۋعا كوپ ءمان بەرىلەدى، بىرلەسكەن جۇمىستىڭ ناتيجەسىندە بيىل عانا 16 قىلمىسكەر ۇستالدى"، دەيدى سقو پد كريمينالدىق پوليتسيا باسقارماسىنىڭ ءبولىم باستىعى، پوليتسيا پودپولكوۆنيگى سەيىلحان جۇماعۇلوۆ.

سولتۇستىك قازاقستان وبلىسى

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار