«قازاقستان رەسپۋبليكاسى ەنەرگەتيكا مينيسترلىگىنىڭ كەيبىر بۇيرىقتارىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار ءمينيسترىنىڭ م.ا. 2019 جىلعى 5 جەلتوقسانداعى №95 بۇيرىعىمەن استىق جينايتىن تراكتورلارعا, كومبايندارعا جانە سۇرلەم جينايتىن كومبايندارعا ءوندىرۋشى (يمپورتتاۋشى) تولەيتىن اۆتوكولىك قۇرالدارى مەن وزدىگىنەن جۇرەتىن اۋىل شارۋاشىلىق تەحنيكاسىنا قاتىستى تولەماقى كورسەتىلگەن تەحنيكانى جيناۋعا جانە كادەگە جاراتۋعا جىبەرىلەدى. وسىعان بايلانىستى كادەگە جاراتۋ الىمى دەپ اتالادى.
تراكتورلار مەن كومبايندارعا كادەگە جاراتۋ الىمىن ەنگىزۋگە بايلانىستى اۋىل شارۋاشىلىق ماشيناسىن جاساۋ سالاسىنىڭ ينۆەستيتسيالىق تارتىمدىلىعى ەداۋىر ارتتى. ماسەلەن, بىلتىر وتپەلى كەزەڭنىڭ شەكتەۋلى مەرزىمىن ەسكەرە وتىرىپ, ونەركاسىپتىك قۇراستىرۋ تۋرالى كەلىسىمدەر جاسالىپ, جەتەكشى الەمدىك برەندتەرمەن جوعارى ءونىمدى تەحنيكانى ءوندىرۋ يگەرىلدى. سونداي-اق كادەگە جاراتۋ الىمىن ەنگىزۋ بۇگىنگى مىناداي مىندەتتەردى شەشەدى: جاڭا وتاندىق تەحنيكانى ساتىپ الۋعا جەڭىلدىك سەرتيفيكاتتارىن جانە اقشالاي وتەماقى بەرۋ جولىمەن اۋىل شارۋاشىلىق تەحنيكاسىن كادەگە جاراتۋعا تاپسىرۋ بويىنشا حالىقتى ىنتالاندىرۋدى قامتاماسىز ەتۋ; اۋىل شارۋاشىلىق تەحنيكاسىن كادەگە جاراتۋدىڭ كەشەندى جۇيەسىن قۇرۋ; قازاقستان رەسپۋبليكاسىندا جاڭا زاۋىتتار اشۋ جانە جۇمىس ىستەپ تۇرعان وندىرىستىك الاڭداردى كەڭەيتۋ; وندىرىلەتىن تەحنيكانى وقشاۋلاندىرۋدى ارتتىرۋ, وزىندىك قۇنىن تومەندەتۋدى, جيىنتىقتاۋىشتاردىڭ جاڭا وندىرىستەرىن, قوسىمشا جۇمىس ورىندارىن قۇرۋدى جانە اۋىل شارۋاشىلىق تەحنيكاسىن ونەركاسىپتىك قۇراستىرۋ تۋرالى كەلىسىمدەر شەڭبەرىندە مىندەتتەمەلەردىڭ ورىندالۋىن قامتاماسىز ەتۋدى بىلدىرەدى.
وسىلايشا, اتالعان شارانى ەنگىزۋ ەكولوگيالىق سيپاتتاعى بىرقاتار پروبلەمالاردى شەشۋگە, فەرمەرلەرگە تەحنيكا پاركىن جاڭارتۋعا كومەكتەسۋگە مۇمكىندىك بەرەدى جانە ينۆەستيتسيالار تارتۋ مەن قوسىمشا جۇمىس ورىندارىن قۇرۋدى قوسا العاندا, جالپى قازاقستان ەكونوميكاسىنىڭ دامۋىن ىنتالاندىرۋعا ىقپال ەتەدى.
سونىمەن قاتار قازاقستان اۋماعىندا ءوز وندىرىستەرىن جەرگىلىكتەندىرۋ, CLAAS, PÖTTINGER, LOVOL, BUHLER, روستسەلماش, پەتەربۋرگ تراكتور زاۋىتى, متز, گومسەلماش جانە ت.ب. سياقتى الەمدىك برەندتەر جاڭا جۇمىس ورىندارىن قۇرۋعا مۇمكىندىك بەرەدى (بۇگىندە وندىرىستە شامامەن 1300 تۇراقتى جۇمىس ورنى قۇرىلدى جانە يمپورتتاۋشى كومپانيالار 350 ورىنعا دەيىن جۇمىس ورنىن قۇردى).
سونداي-اق كادەگە جاراتۋ الىمىن ەنگىزۋ شەڭبەرىندە پايدالانۋدان شىققان تەحنيكانى تاپسىرۋ باعدارلاماسىن باستاۋ جوسپارلانۋدا. وندا كادەگە جاراتۋعا تاپسىرىلعان ەسكى تەحنيكانىڭ ورنىنا جاڭا تەحنيكانى ساتىپ الۋ كەزىندە جەڭىلدىك سەرتيفيكاتى بەرىلەدى. جەڭىلدىك سەرتيفيكاتىنىڭ نومينالى زاڭنامادا بەلگىلەنگەن تارتىپپەن بەلگىلەنىپ, 1,5 ملن تەڭگەگە دەيىنگى سومانى قۇراۋى مۇمكىن, ەكى سەرتيفيكاتتى پايدالانعان كەزدە جەڭىلدىك 3 ملن تەڭگەگە دەيىنگى كولەمى قۇراۋى مۇمكىن. بۇگىندە كومبايندى مەتالل سىنىقتارىنا تاپسىرۋ كەزىندە وتەماقى 300-500 مىڭ تەڭگەنى قۇرايدى.
