ەلباسى • 16 قىركۇيەك، 2020

ەلباسىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى

390 رەت كورسەتىلدى

ەلباسىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى، دەپ حابارلايدى Egemen.kz ەلباسىنىڭ ءباسپاسوز قىزمەتىنە سىلتەمە جاساپ.

كەزدەسۋدە حالىقتىڭ دەنساۋلىعى مەن ەكونوميكالىق قاۋىپسىزدىگىن قامتاماسىز ەتۋ ماسەلەلەرى قارالدى. ەڭ الدىمەن قاۋىپسىزدىك كەڭەسىنىڭ توراعاسى دارىگەرلەردىڭ، پوليتسيا قىزمەتكەرلەرىنىڭ، اسكەري قىزمەتكەرلەردىڭ جانە كوروناۆيرۋس ينفەكتسياسىمەن كۇرەسۋگە ۇلەس قوسقان باسقا دا سالا وكىلدەرىنىڭ جانقيارلىق ەڭبەگىن اتاپ ءوتتى.

كەزدەسۋ بارىسىندا دەنساۋلىق ساقتاۋ ءمينيسترى ا.تسوي قازىرگى ەپيدەميالىق قاۋىپ-قاتەرلەرگە دايىندىق تۋرالى بايانداما جاسادى. سونىمەن قاتار قاۋىپسىزدىك كەڭەسىنىڭ مۇشەلەرى ۇلتتىق ەكونوميكا ءمينيسترى ر.دالەنوۆتىڭ الەۋمەتتىك-ەكونوميكالىق دامۋدىڭ قازىرگى تاۋەكەلدەرى مەن ولاردى الدىن الۋ شارالارى تۋرالى، سونداي-اق ءبىلىم جانە عىلىم ءمينيسترى ا.ايماعامبەتوۆتىڭ ءبىلىم بەرۋ پروتسەسىنىڭ تۇراقتىلىعىن قامتاماسىز ەتۋ ماسەلەلەرى تۋرالى ەسەپتەرىن تىڭدادى.

نۇرسۇلتان نازارباەۆ جاھاندىق پاندەميانىڭ "ەكىنشى تولقىنىنا" رەسۋرستاردى دايىنداۋ، الدىن-الۋدىڭ كەشەندى شارالارىن ازىرلەۋ قاجەتتىگىن، سونداي-اق سىرقاتتانۋ دەڭگەيىن شىنايى باعالاۋ مەن بولجاۋدىڭ ماڭىزدىلىعىن اتاپ ءوتتى.

– داعدارىستان كەيىنگى كەزەڭدەگى دامۋ بولجامىن، قاۋىپ-قاتەرلەر مەن مۇمكىندىكتەردىڭ تۇجىرىمدامالىق جوسپارىن ازىرلەۋ قاجەت. داعدارىستان كەيىنگى كەزەڭدەگى دامۋ جوسپارىن بۇگىنگى جاعدايلاردى ەسكەرە وتىرىپ، تاعى دا پىسىقتاۋ كەرەك. ءبىز پاندەميامەن كۇرەستىڭ ەڭ قيىن ستسەناريىنە جانە ونىمەن بايلانىستى قاۋىپ-قاتەرلەرگە دايىن بولۋىمىز كەرەك، – دەدى قاۋىپسىزدىك كەڭەسىنىڭ توراعاسى.

سونىمەن بىرگە كەزدەسۋ بارىسىندا قۇقىق قورعاۋ ورگاندارىنا قىلمىستىق احۋالدىڭ ناشارلاۋىنا جانە قىلمىستىڭ وسۋىنە جول بەرمەۋ، سونداي-اق الدىن الۋ شارالارىن ازىرلەۋ تاپسىرىلدى.

– حالىقتى ازىق-ت ۇلىكپەن جانە ءدارى-دارمەكتەرمەن ۇزدىكسىز قامتاماسىز ەتۋ، الەۋمەتتىك ماڭىزى بار تاۋارلاردىڭ باعاسى مەن تاريفتەردى نەگىزسىز وسىرۋگە جول بەرمەۋ ءۇشىن ءتيىستى شارالار قابىلداۋ ماڭىزدى. سونداي-اق جىلىتۋ ماۋسىمىنا ساپالى دايىندىق جاساپ، باسقا دا وزەكتى ستراتەگيالىق ماسەلەلەرگە كوڭىل ءبولۋ كەرەك، – دەپ قورىتىندىلادى قاۋىپسىزدىك كەڭەسىنىڭ توراعاسى.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

ۇقساس جاڭالىقتار