ساياسات • 16 قىركۇيەك، 2020

قوستانايدا پرايمەريزگە 833 ادام قاتىسۋدا

14 رەت كورسەتىلدى

پرايمەريزگە قاتىسۋشىلاردىڭ ەكىنشى لەگى اياسىندا بۇگىن قوستانايداعى جاستار سارايىندا اشىق جارىسسوزدەر ءوتتى، دەپ حابارلايدى Egemen.kz

ايماقتا پارتياىشىلىك ىرىكتەۋدىڭ ۇگىت كەزەڭىندە 164 پىكىرسايىس وتكىزۋ جوسپارلانعان. پرايمەريزگە جالپى سانى 833 ادام قاتىسۋدا. ولاردىڭ ءبارى اشىق پىكىرسايىسقا قاتىسۋعا قۇقىلى.

بۇگىنگى دەبات بارىسىندا ۇمىتكەرلەر بيلىك پەن بۇقارا حالىق اراسىنداعى بايلانىستى نىعايتۋ، جولداردىڭ جوندەلۋ ساپاسى، كاسىپكەرلىكتى دامىتۋ، ازاماتتاردىڭ ازىق-ت ۇلىك سەبەتىن ەسەلەۋ، دەنساۋلىق سالاسىن جاقسارتۋ سياقتى وزەكتى ماسەلەلەردى تالقىلادى.

پارتياىشىلىك ىرىكتەۋ اياسىنداعى العاشقى ءجارىسسوز 14 قىركۇيەكتە وبلىس ورتالىعىندا ءوتتى. پىكىرسايىس ەكى كەزەڭنەن تۇرادى: ءبىرىنشى راۋندتا ۇمىتكەرلەر وزدەرىنىڭ سايلاۋ الدىنداعى باعدارلامالارىمەن تانىستىرادى، ال ەكىنشى راۋندتا "سۇراق-جاۋاپ" سەسسياسىنا قاتىسادى.⠀

"قاتىسۋشىلاردىڭ ارقايسىسىنىڭ ءوز سايلاۋالدى باعدارلاماسى دايىن. ۇگىت-ناسيحات جۇمىستارىنىڭ بارىسى تۋرالى ولار ۇيىمداستىرۋ كوميتەتىنە حاباردار ەتەدى، ماتەريالداردى www.primaries.kz سايتتا نەمەسە ارنايى ءموبيلدى قوسىمشادا ورنالاستىرادى. ولارمەن كەز كەلگەن پارتيا مۇشەسى تانىسا الادى. قازىرگى تاڭدا ءبىزدىڭ قاتىسۋشىلار ءارتۇرلى قاۋىم وكىلدەرىمەن كەزدەسۋ وتكىزۋدە،سونداي-اق وبلىستىق فيليالدىڭ الەۋمەتتىك جەلىلەرىندەگى پاراقشادا تىكەلەي ەفيردە كورسەتىلەتىن قوعامدىق پىكىرتالاسقا دا قاتىسۋدا"، دەدى پارتيانىڭ قوستاناي قالالىق فيليالى توراعاسىنىڭ ءبىرىنشى ورىنباسارى عازيز احمەتچين.⠀

ايتا كەتۋ كەرەك، پىكىرسايىس ءار ۇمىتكەر ءۇشىن، ۇگىت-ناسيحات جۇمىستارىنىڭ مىندەتتى شارتى. ول  ونلاين داۋىس بەرۋ باستالاردان ءبىر كۇن بۇرىن، ياعني 30 قىركۇيەكتە اياقتالادى.

سوڭعى جاڭالىقتار

ۇقساس جاڭالىقتار