ايماقتار • 16 قىركۇيەك، 2020

پەتروپاۆلدا 30 شارشى مەتردى ءورت شارپىدى

18 رەت كورسەتىلدى

بۇگىن پەتروپاۆلدىڭ قاق ورتاسىنداعى ن.نازارباەۆ كوشەسىندەگى ءنومىرى 225 بەس قاباتتى ۇيدەن كۇندىزگى ساعات 11 كەزىندە ءورت شىعىپ، تۇرعىندار مەن ءورت سوندىرۋشىلەردى ابىگەرگە سالدى، دەپ حابارلايدى Egemen.kz

جەدەل جەتكەن قالانىڭ №1 جانە №2 ءورت ءسوندىرۋ بولىمدەرىنىڭ قىزمەتكەرلەرى  ورتتە قالعان 25 ادامدى قۇتقارىپ، 50-گە جۋىق ادامدى ەۆاكۋاتسيالادى. سولاردىڭ ىشىندە 6 بالا ەۆاكۋاتسيالاندى. ادام شىعىنى جوق.

1

ءورتتىڭ شىعۋ سەبەبى الدىن الا بولجامعا قاراعاندا ەلەكتر جابدىقتارىن قاۋىپتى قولدانۋدان تۋعان. ءورتتىڭ وشاعى ءبىرىنشى قاباتتاعى ءبىر بولمە بولعان. الايدا ءتۇتىن كىرەبەرىستەگى بارلىق پاتەرلەرگە جايىلىپ، تۇرعىنداردى تۇنشىقتىرا باستاعان. سوندىقتان جوعارى قاباتتاعى تۇرعىندار اۆتوساتىمەن تۇسىرىلگەن. ال تومەنگى قاباتتاعىلاردى ءورت سوندىرۋشىلەر ارناۋلى قۇرالدار كيگىزىپ، دالاعا شىعاردى.

ءورت تۇسكى ساعات 12.30 تولىعىمەن ءسوندىرىلدى. ونىڭ شارپىعان اۋماعى 30 مەتر. بۇل تومەنگى قاباتتاعى پاتەردىڭ ەكى بولمەسى.

سوڭعى جاڭالىقتار

ۇقساس جاڭالىقتار