نۇر-سۇلتانداعى كوپپاتەرلى ۇيلەر جىلىتۋ ماۋسىمىنا دايىن

ەلوردا • 16 قىركۇيەك، 2020

نۇر-سۇلتانداعى كوپپاتەرلى ۇيلەر جىلىتۋ ماۋسىمىنا دايىن

21 رەت كورسەتىلدى

ەلوردادا جىلىتۋ ماۋسىمىنا دايىندىق كەستە بويىنشا جۇرگىزىلىپ كەلەدى، دەپ حابارلايدى Egemen.kz ەلوردا اكىمدىگىنە سىلتەمە جاساپ.

ايىم ءداۋىت

نۇر-سۇلتانداعى كوپ پاتەرلى ۇيلەردىڭ باسىم بولىگى جىلۋ قوسۋعا دايىن. اتاپ ايتقاندا، 2597 تۇرعىن ءۇي نىساندارىندا وسىعان قاجەتتى بارلىق جۇمىستار جۇرگىزىلدى. بۇل تۋرالى قالالىق وتىن-ەنەرگەتيكالىق كەشەن جانە كوممۋنالدىق شارۋاشىلىق باسقارماسى حابارلادى.

ۆەدومستۆونىڭ مالىمەتىنشە، جىلۋ بەرۋگە دەنساۋلىق ساقتاۋ نىساندارى دا تولىق دايىن. 180 ءبىلىم بەرۋ مەكەمەسىنىڭ 178-ءى جىلۋ قابىلداي الادى، مادەنيەت نىساندارى 86% دايىن. ەلوردادا ەنەرگيا كوزدەرىنىڭ نەگىزگى جانە قوسالقى جابدىقتارىن جوندەۋ 93،2% ورىندالدى. ەلوردالىق وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسىنىڭ مالىمەتىنشە، جەو-1 جىلۋ بەرۋ ماۋسىمىنا 90،6% دايىن.

"بۇل نىساندا № 2 تۋربواگرەگات، № 4 سۋ جىلىتۋ قازاندىعى، № 6 سۋ جىلىتۋ قازاندىعى كۇردەلى جوندەۋدەن ءوتتى. قازىرگى ۋاقىتتا № 3 تۋربوگەنەراتوردى، وتىن-كولىك تسەحىن، حيميالىق تسەحتى، ەلەكتر تسەحىن، جىلۋ اۆتوماتيكاسى مەن ولشەۋ تسەحىن جوندەۋ جالعاسۋدا"، دەپ حابارلادى باسقارما.

جەو-2 – 91،1% ىسكە قوسۋعا دايىن. وندا ءتورت تۋربواگرەگات، بەس ەنەرگەتيكالىق جانە التى سۋ جىلىتۋ قازاندىعى جوندەلدى. قالا ماڭىنداعى التى تۇرعىن الابىنا قىزمەت كورسەتەتىن "استانا-ەنەرگيا" اق اۋداندىق قازاندىقتارى 98% جۇمىسقا دايىن. بۇگىنگى كۇنى ستانتسيالاردا نورماتيۆتىك 20 تاۋلىكتىك وتىن قورى جيناقتالعان.

ورتالىقتاندىرىلعان جىلۋمەن جابدىقتاۋ، سۋمەن جابدىقتاۋ جانە سۋ بۇرۋ جۇيەلەرىنىڭ جىلۋ جەلىلەرى جىلىتۋ ماۋسىمىنا تولىق دايىن. ەلەكتر جەلىلەرىن جوندەۋ جاقىندا اياقتالادى. بۇدان بۇرىن حابارلانعانداي، ەلوردادا جىلىتۋ ماۋسىمى كوشەدەگى ورتاشا تاۋلىكتىك اۋا تەمپەراتۋراسى بەس تاۋلىك ىشىندە 10 گرادۋس جانە ودان تومەن بولعان كەزدە باستالادى.

بۇدان باسقا، تۇرعىن ءۇي الاپتارىندا گازبەن جابدىقتاۋ جەلىلەرىن سالۋ بويىنشا جانە تەحنيكالىق شارتتار بەرۋ جۇمىستارى جالعاسۋدا. مىسالى، جەلەزنودوروجنىي تا گاز تاراتۋ جەلىلەرى – 100% جابدىقتالسا، ونەركاسىپتىك جانە كوكتال-2 – 95%، كوكتال-1 – 80% سالىندى. بۇل جۇمىستار اگروگورودوك، وڭتۇستىك-شىعىس تۇرعىن الابىندا دا جۇرگىزىلۋدە. وسى تۇرعىن الاپتارداعى ۇيلەر، ونىڭ ىشىندە اگروقالاشىقتاعى ۇيلەردىڭ ءبىر بولىگى بيىلعى جىلىتۋ ماۋسىمىندا گازبەن جىلىتىلۋى مۇمكىن.

ۇيلەردى گازبەن جابدىقتاۋ جەلىلەرىنە قوسىلىپ، تەگىن تەحنيكالىق شارت الۋ ءۇشىن تۇرعىن الاپتارىندا فرونت-كەڭسەلەر اشىلدى. سونىمەن قاتار بيىل جەو-1 جانە جەو-2 قازاندىقتارىن گازعا كوشىرۋ جوسپارلانۋدا.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز