ەرلان قياسوۆ 1973 جىلى الماتى قالاسىندا دۇنيەگە كەلگەن. قازاق مەملەكەتتىك مەديتسينا ۋنيۆەرسيتەتىن, ورتالىق ازيا ۋنيۆەرسيتەتىن, ءال-فارابي اتىنداعى قازاق ۇلتتىق ۋنيۆەرسيتەتىن تامامداعان.
ەڭبەك جولىن 1990 جىلى "الماتى قالاسىنىڭ جەدەل مەديتسينالىق جاردەم اۋرۋحاناسى" قارقىندى تەراپيا رەانيماتسيا بولىمشەسىنىڭ سانيتارى بولىپ باستادى. 1997-1999 جىلدارى — الماتى قالاسىنداعى قر اۋە كولىگىندەگى ورتالىق سانيتارلىق-ەپيدەميولوگيالىق ستانتسياسىنىڭ سانيتارلىق دارىگەرى, دارىگەر-ەپيدەميولوگى.
1999 جىلدان باستاپ 2020 جىلعا دەيىن قر پرەزيدەنتى ءىس باسقارماسىنىڭ مەديتسينالىق ورتالىعىنىڭ قۇرىلىمىندا — سانيتارلىق-ەپيدەميولوگيالىق ستانتسيادا جالپى گيگيەنا بويىنشا سانيتارلىق دارىگەر, جەدەل ءبولىم مەڭگەرۋشىسى, سانەپيدقاداعالاۋ باسقارماسىنىڭ ەپيدەميولوگيالىق ءبولىمىنىڭ باستىعى, "سانيتارلىق-ەپيدەميولوگيالىق ساراپتاما ورتالىعى" رمك ديرەكتورى, باسشىنىڭ ورىنباسارى بولىپ جۇمىس ىستەدى.
