ەلوردادا تۇرعىن ءۇي̆ سەرتيفيكاتىن الاتىنداردىڭ ساناتى كەڭەيتىلەدى

قوعام • 16 قىركۇيەك، 2020

ەلوردادا تۇرعىن ءۇي̆ سەرتيفيكاتىن الاتىنداردىڭ ساناتى كەڭەيتىلەدى

13 رەت كورسەتىلدى

ەلوردادا تۇرعىن ءۇي̆ سەرتيفيكاتىن الاتىنداردىڭ ساناتى كەڭەيتىلەدى. بۇل تۋرالى ەلوردا اكىمى التاي كولگىنوۆ ءوزىنىڭ Instagram پاراقشاسىندا جازدى، دەپ حابارلايدى Egemen.kz

ايىم ءداۋىت

"ەلوردادا تۇرعىن ءۇي̆ سەرتيفيكاتىن الاتىن ادامداردىڭ ساناتىن كەڭەي̆تەمىز. بۇرىن تىزىمدە تولىق ەمەس; كوپبالالى; مۇگەدەك بالا باعىپ وتىرعان وتباسىلار بولسا، قازىر تىزىمگە حالىقتىڭ الەۋمەتتىك از قامتىلعان ساناتتارىنىڭ ءبارىن قوسامىز. ونىڭ ىشىندە جەتىم بالالار دا قامتىلادى. ازاماتتاردى قابىلداۋ كەزىندە ءجيى كوتەرىلەتىن ماسەلەنىڭ ءبىرى – باسپانا. پاتەر الۋ جولدارىن قاراستىرۋدى وتىنگەن اسىراۋشىسى جوق بالالارمەن بىرنەشە رەت كەزدەستىم. ساناتتى كەڭەي̆تۋ قۇجاتىنىڭ جوسپارىن ءماسليحاتتىڭ الداعى سەسسياسىنا قاراۋعا بەرەمىز. قۇقىقتىق-نورماتيۆتىك پروتسەدۋرالار اياقتالعان سوڭ، سەرتفيكات الۋشىلار ساناتىنىڭ جاڭا ءتىزىمىن بەكىتەمىز. تۇرعىن ءۇي̆ سەرتفيكاتىنىڭ مولشەرى – 1 ملن تەڭگە. ولاردى "شاڭىراق" (5-10-20) جوباسىنا قولدانۋعا دا بولادى"، دەيدى التاي كولگىنوۆ.

بۇعان دەيىنگى بەكىتىلگەن تىزىمگە ەنگەن: جەتىم بالالار; I جانە II توپ مۇگەدەكتەرى; زەي̆نەتكەرلەر; ۇوس ارداگەرلەرى جانە سولارعا تەڭەستىرىلگەندەر; مەملەكەتتىك، قوعامدىق نەمەسە اسكەري تاپسىرما ورىنداۋ كەزىندە قازا بولعانداردىڭ وتباسىلارى قوسىلادى. سونىمەن بىرگە ەكولوگيالىق اپات كەزىندە، تابيعي نەمەسە تەحنوگەندىك تج كەزىندە باسپاناسىنان اي̆ىرىلعاندار; بوتەن ەلدەردىڭ اۋماعىندا ۇرىسقا قاتىسقاندار; "التىن القا"، "كۇمىس القا" يەگەرى نەمەسە ەرتەدە "باتىر انا" اتاعىن العان كوپبالالى انالار; I جانە II دارەجەلى "انا داڭقى" وردەنىمەن ماراپاتتالعاندار; كوپبالالى وتباسىلار جانە ت.ب. كىرەدى.

"مەملەكەت باسشىسىنىڭ تاپسىرماسىمەن بيىل قولجەتىمدى باسپانا قۇرىلىسىن ءۇش ەسەگە ۇلعاي̆تتىق.

بۇعان قوسا، قازاقستان يپوتەكالىق كومپانياسىمەن بىرلەسىپ، الەۋمەتتىك پاتەر الاتىنداردىڭ ساناتىن دا كەڭەي̆تتىك. بيىل 1 مىڭ پاتەردى دارىگەرلەر مەن مۇعالىمدەردەن باسقا الەۋمەتتىك قىزمەتكەرلەر، پوليتسيا، مادەنيەت جانە سپورت قاي̆راتكەرلەرى دە الا الادى"، دەيدى ەلوردا اكىمى.