مباپپە "پسج" باسشىلىعىنا كەلەسى جازدا كلۋبتان كەتكىسى كەلەتىنى جايىندا حابارلاعان. اتالعان كلۋب فۋتبولشىنىڭ ترانسفەرىنەن 325 ميلليون ەۋرو پايدا كورمەك. الايدا بۇل ەڭ مىقتى فۋتبول كلۋبتارى ءۇشىن دە تىم ۇلكەن سومما بولىپ وتىر.
ايتا كەتەيىك, 2022 جىلى مباپپە مۇلدە ەركىن اگەنت رەتىندە كەتە الادى. مادريدتىك "رەال" ول ءۇشىن 100 ميلليون ەۋرو عانا بەرۋگە دايىن.
قازىرگى كەزدە ول الەمدەگى ەڭ قۇندى فۋتبولشىلار كوشىن باستاپ تۇر. جىل باسىندا CIES Football Observatory زەرتتەۋ ورتالىعى الەمدەگى ەڭ قىمبات فۋتبولشىلاردىڭ جاڭارتىلعان رەيتينگىن جاريالاعان بولاتىن. وندا ك.مباپپە 265,2 ميلليون ەۋروعا باعالانىپ, تىزىمدە ءبىرىنشى بولعان ەدى. ال Transfermarkt فۋتبولشىنىڭ قازىرگى قۇنىن 180 ميلليون ەۋرو دەپ وتىر.
21 جاستاعى ويىنشى "پسج" ساپىندا 2017 جىلدان بەرى ويناپ كەلەدى. ول "موناكو" كومانداسىنان 180 ميلليون ەۋروعا اۋىسقان.
