ايماقتار • 16 قىركۇيەك، 2020

شاراپاتى مول شارۋاشىلىق

32 رەت كورسەتىلدى

سولتۇستىك قازاقستانداعى شارۋاسى دوڭگەلەنىپ، ءتۇتىنى ءتۇزۋ ۇشىپ تۇرعان شارۋاشىلىقتاردىڭ ءبىرى – م.جۇماباەۆ اۋدانىنىڭ اۋماعىندا ورنالاسقان «نوعايباي» جشس. وبلىستاعى ىرگەلى شارۋاشىلىقتاردىڭ ءبىرى دە وسى.

سەرىكتەستىكتىڭ باس ديرەكتورى التىن­بەك ساپاروۆ – جومارت جۇرەكتى ازامات. ول بىلتىر «جىل مەتسەناتى» اتاعىمەن ماراپاتتالعان. تۋعان اۋىلى كىرسە شىققىسىز بولىپ جايناپ تۇر. ءاربىر ۇيگە اۋىز سۋى تارتىلعان، كوشەلەر اس­فالت­تانعان. اۋىلداعى جۇمىسى قايناپ جاتقان فاپ، 200 ورىندىق كلۋب، جارقىراعان مەكتەپ ءۇيى مەن سپورت الاڭدارىن كورگەندە بۇل اۋىلدى جەردىڭ جۇماعى ما دەرسىڭ. بىرنەشە جاڭا ۇيلەر دە سالىنعان. تۇنگى جارىقتا سامالاداي بولىپ جايناپ تۇرادى.

بۇرىن «كراسنىي پارتيزان» دەپ اتالعان وسىناۋ قازاق اۋىلىنىڭ اتىنا وسى جەردى مەكەندەپ، ەلگە بيلىك جۇرگىزگەن نو­عايباي اقساقالدىڭ اتىن الىپ بەرگەن دە ساپاروۆتار اۋلەتى. نوعايباي – ال­تىن­بەكتىڭ ارعى اتاسى. ەلگە سىيىم­دى، ادىلەتتى، اقىلگوي بي بولعان. تەك­تى تۇل­عا­نىڭ ەسىمىن نەمەرەلەرى قايتا جاڭ­عىرت­تى.

بيىلعى جامان ىندەتپەن كۇرەستە التىنبەك ساپاروۆ بەلسەندىلىك تانىتىپ، الدىمەن وبلىستىق اۋرۋحاناعا 2،5 ملن تەڭگە كولەمىندە كومەك بەردى. ودان كەيىن «زەردە» قوعامى ۇيىمداستىرعان حالىققا كومەك بەرۋ قورىنا 500 مىڭ تەڭگەمەن ۇلەس قوستى. ءوزى وبلىستىق ءماسليحاتتىڭ دەپۋتاتى. قاشان كورسەڭ جۇزىنەن نۇر توگىلگەن ازامات ۇزاق جىلدان بەرى اۋىل شارۋاشىلىعى ءونىمىن وندىرۋمەن اينالىسادى. تابيعي تەكتىلىك ونىڭ ونە بويىنان ەسىپ، ۇلكەنگە ىزەتپەن، كىشىگە قۇرمەتپەن تۇرادى.

«نوعايباي» جشس-نىڭ ەگىس كولەمى 12 مىڭ گەكتارداي. بيىل سونىڭ 7 مىڭ گەكتارىنا بيداي ەگىلگەن. بيىلعى ىستىقتىڭ، جاۋىن-شاشىننىڭ از بولۋىنا قاراماي كۇتىمدى جەردىڭ استىعى جاقسى ءونىم بەرىپ جاتىر. جەرگە تىڭايتقىشتار مول سەبىلگەن، گەربيتسيد شاشۋ ۋاقتىلى جۇرگىزىلگەن. تاڭعى شىقتىڭ پايداسى دا ەگىسكە ءوز پايداسىن تيگىزگەن. سونىڭ ناتيجەسىندە وسى كۇنى گەكتار بەرەكەسى 19 تسەنتنەردەن اينالۋدا. شارۋاشىلىق ارپا، س ۇلى جانە مايلى داقىلدار دا ەگەدى. مال وسىرەتىندىكتەن 300 گەكتار جەرگە سۇرلەمدىك ازىق ەككەن.

قازىرگى اۋا رايىنىڭ قولايلىعىندا ءار كۇندى ءتيىمدى پايدالانعان شارۋا­شىلىق تەحنيكالارى كۇندىز-ءتۇن استىق باسىندا ءجۇر. سونىڭ ىشىندە جوعارى ساپالى 18 كومباين، استىق تاسىمالدايتىن ون شاقتى جۇك ءاۆتوموبيلى مەن تىركەمەلى تراكتورلار ەگىستىك دالاسى مەن قىرمان اراسىندا ۇزدىكسىز سابىلۋدا.

التىنبەك سەيپىل ۇلى ۇلكەن وراقتى الداعى 5-6 كۇندە تولىق اياقتايتىنىن ايتتى.

«اۋا رايى وسىلاي تۇرسا وراقتى تولى­عىمەن اياقتاۋعا جاقىنبىز. ەندى تەك ەڭبەگىمىزدىڭ جەمىسىن كورسەك بولدى. بيىل بيدايدىڭ ءۇشىنشى كلاسىنىڭ باعا­سى 88-90 مىڭ تەڭگەدەن اينالىپ تۇر. بۇل از ەمەس بولعانىمەن گەربيتسيدتەر مەن تىڭايتقىشتاردىڭ قىمباتتاۋىنا بايلانىستى بۇدان دا كوبىرەك بولسا، ءتىپتى جاقسى بولار ەدى»، دەيدى ول.

شارۋاشىلىق تۇرعىندارعا پاي بەرۋدە دە جومارتتىق تانىتادى. مۇنداعى تۇرعىنداردىڭ جەر ۇلەسى – 4 گەكتاردان بولعان. سوعان بەس تسەنتنەردىڭ اقشالاي بالاماسى بەرىلەدى. ونىڭ ۇستىنە جەر­گىلىكتى تۇرعىندارعا سابان، ءشوپ ءۇيىلىپ، جەم دە بەرىلەدى. ايتەۋىر، اۋىل تۇرعىندارى التىنبەككە ءدان ريزا.

شارۋاشىلىققا نوعايباي اۋىلىمەن قاتار كورشىلەس نادەجكا ەلدى مەكەنى دە قارايدى. قازىر ەكى اۋىلداعى بارلىق تۇرعىندار اراسىنان شارۋاشىلىق 80-دەي ادامدى جۇمىسپەن قامتىپ وتىر. ارينە، ماۋسىمدىق جۇمىستار اياقتالعان سوڭ جۇمىس ورىندارى قىسقاراتىنى ءسوزسىز. بىراق شارۋاشىلىق باسشىسى تىڭعىلىقتى جۇمىسشىلارىن تاراتپاي، ولارعا باسقا جۇمىس تاۋىپ بەرۋگە قام جاساپ ءجۇر.

مىنە، سولتۇستىكتەگى قۋاتتى شارۋا­شى­لىقتاردىڭ ءبىرىنىڭ قىسقاشا ايتقان­داعى تىنىس-تىرشىلىگى وسىنداي.

 

سولتۇستىك قازاقستان وبلىسى،

م.جۇماباەۆ اۋدانى

 

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار