*الماتىدا جىل باسىنان بەرى 18 مىڭعا جۋىق جۇمىس ورنى اشىلدى. كەشە بۇل تۋرالى مالىمدەگەن قالا اكىمى احمەتجان ەسىموۆ وڭتۇستىك استانادا ەكونوميكالىق بەلسەندى تۇرعىندارعا شاققاندا جۇمىسسىزدار رەتىندە تىركەلگەندەردىڭ ۇلەسى 0,2 پايىزدى قامتىپ وتىرعانىن ايتتى.
*الماتىدا جىل باسىنان بەرى 18 مىڭعا جۋىق جۇمىس ورنى اشىلدى. كەشە بۇل تۋرالى مالىمدەگەن قالا اكىمى احمەتجان ەسىموۆ وڭتۇستىك استانادا ەكونوميكالىق بەلسەندى تۇرعىندارعا شاققاندا جۇمىسسىزدار رەتىندە تىركەلگەندەردىڭ ۇلەسى 0,2 پايىزدى قامتىپ وتىرعانىن ايتتى.
*كەشەدەن باستاپ «الماتى-2 – ارىس-1» باعىتىندا قوسىمشا جەدەل جولاۋشىلار پويىزى ىسكە قوسىلدى. ول اپتاسىنا ءبىر رەت, الماتى-2 ستانساسىنان جۇما, ارىستان سەنبى كۇندەرى اتتانادى. سوستاۆ قۇرامىندا 10 ۆاگون, ونىڭ ىشىندە 5 كۋپە, 5 پلاتسكارتتى ۆاگون بار.
*پاۆلوداردا «يننوۆاتسيا – بولاشاق ەنەرگياسى» اتتى حالىقارالىق يننوۆاتسيالىق فورۋم بولدى. ونىڭ پلەنارلىق وتىرىسىندا وبلىس اكىمى ەرلان ارىن: «ءبىز جاعىمدى يننوۆاتسيالىق كليماتتى قالىپتاستىرۋعا, وڭىرىمىزگە وراسان زور ەكونوميكالىق الەۋەت پەن باي تابيعي رەسۋرسى بار شەتەلدىك, وتاندىق جانە قارجىلىق ورتالىقتاردى تارتۋعا قىزىعۋشىلىق تانىتامىز» دەپ اتاپ ءوتتى.
*شىعىس قازاقستان وبلىسىنىڭ كوكپەكتى اۋدانىندا مۇقتاج جاندارعا پاتەر كىلتتەرى تاپسىرىلدى. وبلىس اكىمى بەردىبەك ساپارباەۆ «جاسامپاز ىستەر – اۋىل كەلەشەگىنىڭ قامى ءۇشىن» اتتى كەرۋەن جۇمىسىنىڭ اياسىندا وتكەن شارادا, سونداي-اق, ولارعا ءتۇرلى كولەمدە ماتەريالدىق كومەك ۇسىندى.
*شىمكەنتتە قالانىڭ ەڭ قارت تۇرعىنى جانە جاس سابيىنە قۇرمەت كورسەتىلدى. «قالا كۇنى» مەرەكەسى اياسىندا وتكەن شارادا شاھار باسشىسى دارحان ساتىبالدى باستاعان قۇتتىقتاۋشى توپ 104 جاستاعى نازىم مامبەتالي اجەيدىڭ شاڭىراعىندا بولىپ, سىي رەتىندە ءۇي كينوتەاترىن تارتۋ ەتتى. ال 28 قازان كۇنى دۇنيەگە كەلگەن قالانىڭ ەڭ جاس تۇرعىنى قاسىمجومارت شىرەنبايعا وزىنە لايىقتى سىي-سياپات جاسالدى.
*قىزىلوردادا مۇناي كومپانيالارى تۇماۋعا قارسى ۆاكتسينا ەگۋگە قاراجات ءبولدى. بۇل تۋرالى وبلىستىق مەملەكەتتىك سانيتارلىق-ەپيدەميولوگيالىق قاداعالاۋ باسقارماسى باستىعىنىڭ ورىنباسارى ۇلبوسىن احاناەۆا مالىمدەدى.
*اتىراۋ وبلىسى جىلىوي اۋدانىندا اپاتتى ۇيلەر تۇرعىندارى باسپانامەن قامتاماسىز ەتىلدى. وسى ماقساتتا, وبلىستىق جۇمىلدىرۋ دايىندىعى باسقارماسى مەن «تەڭىزشەۆرويل» كومپانياسىنىڭ كەلىسىمشارت جاساسۋى اراسىندا 195,0 ملن. تەڭگەگە قۇلسارى قالاسىنان 64 پاتەر ساتىپ الىندى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.
