استاناداعى قازاق گۋمانيتارلىق زاڭ ۋنيۆەرسيتەتىندە «ماڭگىلىك ەل» پىكىر-سايىس ءتۋرنيرى بولىپ ءوتتى. ەكى كۇنگە سوزىلعان ءسوز سايىسىنا ەلىمىزدىڭ 14 ايماعىنان 44 كوماندا, ياعني 100-دەن اسا ستۋدەنتتەر مەن وقۋشىلار قاتىستى.
ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى «پاراسات» جانە قازاق گۋمانيتارلىق زاڭ ۋنيۆەرسيتەتىنىڭ «وردا» پىكىر-سايىس كلۋبتارى «قازاقستان جاس دەپۋتاتتارىنىڭ اسسوتسياتسياسىمەن» بىرىگىپ ۇيىمداستىرعان ءىس-شاراعا ءبىلىم جانە عىلىم مينيسترلىگى قولداۋ كورسەتتى.
استاناداعى قازاق گۋمانيتارلىق زاڭ ۋنيۆەرسيتەتىندە «ماڭگىلىك ەل» پىكىر-سايىس ءتۋرنيرى بولىپ ءوتتى. ەكى كۇنگە سوزىلعان ءسوز سايىسىنا ەلىمىزدىڭ 14 ايماعىنان 44 كوماندا, ياعني 100-دەن اسا ستۋدەنتتەر مەن وقۋشىلار قاتىستى.
ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى «پاراسات» جانە قازاق گۋمانيتارلىق زاڭ ۋنيۆەرسيتەتىنىڭ «وردا» پىكىر-سايىس كلۋبتارى «قازاقستان جاس دەپۋتاتتارىنىڭ اسسوتسياتسياسىمەن» بىرىگىپ ۇيىمداستىرعان ءىس-شاراعا ءبىلىم جانە عىلىم مينيسترلىگى قولداۋ كورسەتتى.
بپف (بريتان پارلامەنتتىك فورماتى) جانە ۇزدىك ويىنشىنى انىقتايتىن لد (لينكولن-دۋگلوس) فورماتىندا وتكىزىلگەن پىكىرسايىس بارىسىندا جاستار «ماڭگىلىك ەل» بولۋدىڭ جولدارىن قاراستىراتىن مەملەكەتتىك ءتىلدى يگەرۋ, جوعارى وقۋ ورىندارى بىتىرۋشىلەرىن جۇمىسقا ورنالاستىرۋ سياقتى اكتۋالدى قارارلار ۇسىنىلىپ, تەرەڭ تالقىلاندى. «ماڭگىلىك ەل» تاقىرىبىنا ءار جاستىڭ ءوز پىكىرى بار. وسى پىكىرلەرىن ورتاعا سالىپ, ۇستانىمدارىن ايتۋدا. سوڭىندا سالماقتى ۇسىنىس-پىكىرلەر ىرىكتەلىپ, ءبىز ونى جاستار ساياساتىن قالىپتاستىرۋ جۇمىسىمىزدا قولداناتىن بولامىز», – دەدى ءبىلىم جانە عىلىم مينيسترلىگى جاستار ءىسى كوميتەتىنىڭ توراعاسى عابيدوللا وسپانقۇلوۆ.
تورەشىلەرگە وتە تارتىستى وتكەن سايىستىڭ ۇزدىكتەرىن انىقتاۋ وڭايعا تۇسكەن جوق. دەسەك تە, جوعارى دارەجەدە ويىن ورنەگىن كورسەتكەن استانالىق «وراتور مەن ديكتاتور» كومانداسى, بەكارىستان امانجولوۆ پەن نۇرتىلەۋ امانگەلدى جەڭىمپاز دەپ تانىلىپ, ءى ورىن كۋبوگى پەن نوۋتبۋككە يە بولدى. ءىى ورىن تاراز قالاسىنان كەلگەن «كوماندا ا» فراكتسياسى – مەيرامبەك ەرباتىروۆ پەن ايگۇل اسكەربەكوۆاعا بۇيىردى. قاراعاندى قالاسىنىڭ وكىلدەرى «ەسكى گۆارديا» فراكتسياسى – دانيار بيباسار مەن اباي وتارباەۆ جۇلدەلى ءىىى ورىندى ەنشىلەدى.
ەكى كۇندىك تارتىستى دودا اياقتالعاننان كەيىن بارشا قاتىسۋشىلار استانانىڭ كورىكتى جەرلەرىنە ساياحات جاساپ, كوڭىل كوتەردى. ۇيىمداستىرۋ دەڭگەيىنىڭ جوعارىلىعى, جۇلدە قورىنىڭ قوماقتىلىعى «ماڭگىلىك ەل» ءتۋرنيرىنىڭ ۇلكەن دارەجەدە وتۋىنە سەپتىگىن تيگىزدى.
اباي تلەنشيەۆ,
ەۇۋ جۋرناليستيكا جانە ساياساتتانۋ
فاكۋلتەتىنىڭ ءى كۋرس ستۋدەنتى.
