الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى مونيتورينگتىك توبىنىڭ جۇمىس بارىسىندا بيىلعى جىلعى 7-14 قىركۇيەك ارالىعىندا 39 نىسان مەن 83 جەكە تۇلعانىڭ كارانتين رەجىمىن بۇزعانى انىقتالدى. سالىنعان ايىپپۇلدىڭ جالپى سوماسى 16 ملن 376 مىڭ تەڭگەنى قۇرايدى. اكىمشىلىك سوتتىڭ قاراۋىنا 1 ماتەريال جىبەرىلگەن.
الماتى قالاسى اكىمىنىڭ تاپسىرماسى بويىنشا 26 مونيتورينگ توپ كارانتين شارالارىنىڭ ساقتالۋىن باقىلاۋ ماقساتىندا جۇمىس ىستەۋدە. سانيتارلىق-ەپيدەميالىق تالاپتاردى ساقتاۋ كوروناۆيرۋس ينفەكتسياسىنىڭ ودان ءارى تارالۋىنا جول بەرمەۋ ءۇشىن ماڭىزدى. مونيتورينگتىك توپتاردىڭ قۇرامىنا اكىمدىكتەرىنىڭ وكىلدەرى, تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ, سونداي-اق پوليتسيا قىزمەتكەرلەرى كىرەدى.
كاسىپكەرلىك سۋبەكتىلەرى نەگىزىنەن دەزينفەكتسيالىق قۇرالداردىڭ بولماۋى, جۇمىس, ماسكا رەجىمىن جانە ت.ب. ساقتاماعان. مىسالى, الماتى قالاسى تۇركسىب اۋدانىنىڭ مونيتورينگتىك توبىنىڭ جۇمىسى بارىسىندا "لامازي" مەيرامحاناسىندا 60 ادامعا ارنالعان ۇيلەنۋ تويىن (قۇدالىق) وتكىزگەن. وسىعان ۇقساس زاڭ بۇزۋشىلىق مەدەۋ اۋدانىنداعى "ايلينا" مەيرامحاناسىندا تىركەلگەن. كاسىپكەرلەردىڭ ارقايسىسىنا قاتىستى حاتتاما تولتىرىلىپ, 230 اەك كولەمىندە ايىپپۇل سالىندى.
17 تامىزدان باستاپ وسى ۋاقىتقا دەيىن مونيتورينگتىك توپتار 9 مىڭنان استام تەكسەرۋ جۇرگىزگەن. اكىمشىلىك ءتارتىپ بۇزۋ تۋرالى 3 756 حاتتاما تولتىرىلىپ, 1635 نىسان ءوز ەركىمەن قىزمەتىن توقتاتقان. ماسكا رەجىمىن بۇزعانى ءۇشىن 3366 جەكە تۇلعاعا, ونىڭ ىشىندە اربات اۋماعىندا - 69 ادامعا ايىپپۇل سالىندى. كارانتين شارالارىنىڭ ساقتالۋىن باقىلاۋ جونىندەگى جەكە جۇمىس قوعامدىق كولىكتە جۇرگىزىلەدى. ال 27 تامىزدان بەرگى ارالىقتا ماسكا تاقپاعانى ءۇشىن 61 جەكە تۇلعاعا ايىپپۇل سالىنعان.
