قاڭتار ايىنىڭ باسىندا شىمكەنت قالاسىنداعى حالىققا قىزمەت كورسەتۋ ورتالىعى جانىندا ورتكە ورانعان جەڭىل كولىك ىشىندە قاراۋسىز قالعان ەكى بالانى قۇتقارىپ قالعان كوكسارايلىق جىگىت امانگەلدى سادىبەكوۆ جونىندە بىرقاتار اقپارات قۇرالدارى جارىسا جازدى.
قاڭتار ايىنىڭ باسىندا شىمكەنت قالاسىنداعى حالىققا قىزمەت كورسەتۋ ورتالىعى جانىندا ورتكە ورانعان جەڭىل كولىك ىشىندە قاراۋسىز قالعان ەكى بالانى قۇتقارىپ قالعان كوكسارايلىق جىگىت امانگەلدى سادىبەكوۆ جونىندە بىرقاتار اقپارات قۇرالدارى جارىسا جازدى. بەيبىت كۇننىڭ باتىرى اتانعان وسى جىگىتتىڭ ەرلىگى اتاۋسىز قالعاندىقتان, سەناتور قۋانىش ايتاحانوۆ كوزسىز ەرلىك جاساعان امانگەلدىنى مەملەكەتتىك ناگراداعا ۇسىنۋ جونىندە ءتيىستى مينيسترلىككە حات جولداپ, ىقپال ەتۋىن سۇرادى. جاقىندا توتەنشە جاعدايلار مينيسترلىگىنەن قۋانىشتى حابار جەتتى. وقو توتەنشە جاعدايلار دەپارتامەنتىنىڭ ءماجىلىس زالىندا ماراپاتتاۋ راسىمىنە شاقىرعان حات كەلدى. وقو توتەنشە جاعدايلار دەپارتامەنتىنىڭ باستىعى, پولكوۆنيك ءۋاليحان ەرەجەپوۆ «امانگەلدى بۇيراباي ۇلىنىڭ كورسەتكەن ەرلىگى جاستارىمىزعا ۇلگى بولۋى كەرەك. لاۋلاپ جانىپ جاتقان جەڭىل كولىكتىڭ ىشىنە كىرمەك تۇگىلى, قورقىپ, الىستان باقىلاپ تۇرعاندار دا بولدى. ەكى بالانىڭ ءومىرىن ساقتاپ قالعانى ءۇشىن ءبىزدىڭ مينيسترلىكتىڭ ارنايى بۇيرىعىمەن بەرىلگەن «توتەنشە جاعدايداعى ەرلىگى ءۇشىن» مەدالىن تاپسىرۋعا رۇقسات ەتىڭىزدەر», دەپ امانگەلدىنىڭ كەۋدەسىنە ءتوسبەلگىنى تاقتى.
توپەن امىربەك.
وڭتۇستىك قازاقستان وبلىسى,
وتىرار اۋدانى.
