الماتىدا جاقىندا عانا قۇرىلعان ورتالىق ازيا ۋنيۆەرسيتەتىندە فيلولوگيا عىلىمدارىنىڭ دوكتورى گ.س.بالتاباەۆا جەتەكشىلىك ەتەتىن «كۇلتەگىن» رەسپۋبليكالىق ادەبي-تاريحي تانىمدىق, ەتنوگرافيالىق جانە ونەر بىرلەستىگىنىڭ ۇيىمداستىرۋىمەن وتكەن اقىن قاسىمحان بەگمانوۆپەن كەزدەسۋ كەشى ستۋدەنتتەرگە زور اسەر سىيلادى.
الماتىدا جاقىندا عانا قۇرىلعان ورتالىق ازيا ۋنيۆەرسيتەتىندە فيلولوگيا عىلىمدارىنىڭ دوكتورى گ.س.بالتاباەۆا جەتەكشىلىك ەتەتىن «كۇلتەگىن» رەسپۋبليكالىق ادەبي-تاريحي تانىمدىق, ەتنوگرافيالىق جانە ونەر بىرلەستىگىنىڭ ۇيىمداستىرۋىمەن وتكەن اقىن قاسىمحان بەگمانوۆپەن كەزدەسۋ كەشى ستۋدەنتتەرگە زور اسەر سىيلادى.
سۇراق-جاۋاپ فورماتىندا وتكەن كەزدەسۋدە جاستاردىڭ پوەزياعا قاتتى قىزىعاتىنى, اقىندار شىعارماشىلىعىنان جاقسى تانىس ەكەندىكتەرى بايقالدى. ءوزىنىڭ كەزىندە قازاق پوليتەحنيكالىق ينستيتۋتىندا ستۋدەنت بولعاندىعىن ەسكە العان اقىن شىعارماشىلىق جولدى تاڭداۋىنا ينستيتۋتتاعى ۇستازى لۇقپان سىدىقوۆتىڭ, ول اشقان «قىزعالداق» ادەبي بىرلەستىگىنىڭ ىقپالى زور بولعاندىعىن تەبىرەنە ورتاعا سالدى.
«مۇستافاداي ەر, كەنەسارىداي حان قايدا؟» دەگەن شالداردىڭ اڭگىمەسىن ەستىپ وسكەن اقىن, الاشورداشىلاردىڭ اراسىنان مۇستافا ءومىرىن زەرتتەۋ ءۇشىن مۇستافا جۇرگەن جولدارمەن ءوتۋدى جوسپارلايدى. زەرتتەۋدىڭ ءناتيجەسىندە «مۇستافا شوقاي جولىمەن» اتتى دەرەكتى فيلم دۇنيەگە كەلدى. 2011 جىلى ول «جىلدىڭ ەڭ ۇزدىك دەرەكتى ءفيلمى» اتالىمىندا جەڭىمپاز دەپ تانىلدى.
ءانشى, سازگەر باۋىرجان ءوسكەنبەكوۆ, «جەبە» توبى, شابا, ەركەبۇلان كاكىموۆ, ەسقارا قازىبەك, التىنباي ايماعانبەتوۆ, دينارا ناميالى, ايدانا تىلەۋبەرگەنوۆا سياقتى جاس ونەرپازدار قاسىمحان اعالارىنىڭ سوزىنە جازىلعان اندەردى شىرقادى.
ايدانا قۋانتحانوۆا.
