رۋحانيات • 15 قىركۇيەك، 2020

يزرايلدە ءال-ءفارابيدىڭ 1150 جىلدىعىنا ارنالعان ەسكەرتكىش تاقتا اشىلدى

519 رەت كورسەتىلدى

بيىل ۇلى فيلوسوف ءارى عالىم ءابۋ ناسىر ءال-ءفارابيدىڭ تۋعانىنا 1150 جىل. وسىعان وراي، ءيزرايلدىڭ حايفا قالاسىندا عۇلاماعا ەسكەرتكىش تاقتا ورناتىلدى، دەپ حابارلايدى Egemen.kz.

ەسكەرتكىش تاقتانىڭ سالتاناتتى اشىلۋىنا حايفا قالاسى مۋنيتسيپاليتەتى قولداۋ كورسەتكەن. يگى شاراعا قازاقستاننىڭ يزرايلدەگى قۇرمەتتى كونسۋلى دەۆيد ليۋكسەمبۋرگ، عالىمدار، جوو باسشىلارى مەن باق وكىلدەرى قاتىستى.  جيىن بارىسىندا قازاقستاننىڭ يزرايلدەگى ەلشىسى ساتىبالدى بۇرشاقوۆ ءال-فارابيدىڭ تاعىلىمى مەن مۇراسىنا قاتىستى پىكىرىن ءبىلدىرىپ، ونىڭ ادامزات ءۇشىن ماڭىزدىلىعىن اتاپ ءوتتى. 

"بيىل شىعىستىڭ اريستوتەلى، ەكىنشى ۇستاز اتانعان ءابۋ ءناسىر ال-ءفارابيدىڭ تۋعانىنا 1150 جىل. ول تەك قازاق حالقى ءۇشىن ەمەس، الەم ەلدەرى ءۇشىن دە اتاۋلى مەيرام. سوندىقتان، وسىناۋ تاريحي قالادا ۇلى ويشىل اتىنداعى كوشە بويىندا ەسكەرتكىش تاقتا ورناتىلدى. بۇل ءال-فارابي بابامىزعا دەگەن قۇرمەتىمىز"، دەدى ەلشى. 

سالتاناتتى شاراعا ونلاين رەجيمدە ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆ تا قاتىستى.

" ۇلى بابامىزدىڭ فيلوسوفياسى بىزگە جانە كەلەر ۇرپاققا ۇلكەن مۇرا. ءبىز ءال-ءفارابيدى تانۋ ارقىلى الەمدى تانيمىز. ءال-فارابي اتىنداعى قازۇۋ-دە ۇلى ويشىلدىڭ وسيەتى ارقىلى ەلىىزدىڭ بولاشاعىن، جاستاردى تاربيەلەپ وتىرمىز"، دەدى رەكتور. 

سالتاناتتى راسىمگە قاتىسقان حالىقارالىق تۇركى اكادەمياسىنىڭ پرەزيدەنتى، اكادەميك  دارحان قىدىرالى ءال-ءفارابيدىڭ ادامزات رۋحانياتىنداعى ورنىنىڭ ەرەكشە ەكەنىن، سوندىقتان تاريحي حايفا قالاسىنداعا عۇلاماعا ارنالعان ەسكەرتكىش تاقتا ورناتىلۋى ەلىمىز ءۇشىن قۇرمەت ەكەنىن اتاپ ءوتتى. 

ء"ال-ءفارابيدىڭ الەۋمەتتىك فيلوسوف رەتىندەگى ماڭىزى زور. ونىڭ ايگىلى "ىزگى قالا تۋرالى" تراكتاتى الدىڭعى ۇرپاقتاردىڭ رۋحاني-فيلوسوفيالىق تاجىريبەسىن ءسىڭىرىپ قانا قويماي، باتىس ەۋروپاداعى الەۋمەتتىك ويدىڭ، اسىرەسە ۋتوپيالىق فيلوسوفتاردىڭ دامۋىنا ايتارلىقتاي اسەر ەتتى. اريستوتەلدەن كەيىنگى ەكىنشى ۇستازدىڭ اتىنداعى كوشە - دوستىقتىڭ كوشەسى بولعاي. بارشاڭىزدى ەرەكشە قۋانىشپەن قۇتتىقتايمىن"، دەدى ول. 

ايتا كەتەيىك، ءيزرايلدىڭ حايفا قالاسىندا ءال-فارابي اتىنداعى كوشە 1960 جىلى اشىلعان. 

 

 

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار