وسىلاي دەپ اتالعان فوتوبايقاۋدىڭ جەڭىمپازدارى كەشە استانادا وتكەن سالتاناتتى جيىندا انىقتالدى. ال جەڭىمپاز سۋرەتتەر ارنايى كورمەگە قويىلدى.
كورمە «قازگيدرومەت» رمك باستاماسىمەن ۇيىمداستىرىلعان. بايقاۋ ۇستىمىزدەگى جىلدىڭ 5 ماۋسىمىندا جاريالانعان ەكەن. ال بۇل كۇن الەمدە قورشاعان ورتانى قورعاۋ كۇنى رەتىندە اتالىپ وتىلەدى.
وسىلاي دەپ اتالعان فوتوبايقاۋدىڭ جەڭىمپازدارى كەشە استانادا وتكەن سالتاناتتى جيىندا انىقتالدى. ال جەڭىمپاز سۋرەتتەر ارنايى كورمەگە قويىلدى.
كورمە «قازگيدرومەت» رمك باستاماسىمەن ۇيىمداستىرىلعان. بايقاۋ ۇستىمىزدەگى جىلدىڭ 5 ماۋسىمىندا جاريالانعان ەكەن. ال بۇل كۇن الەمدە قورشاعان ورتانى قورعاۋ كۇنى رەتىندە اتالىپ وتىلەدى.
بايقاۋ نەگىزىنەن ەلىمىزدىڭ تابيعاتىن سان ءتۇرلى قىرىنان تانىتىپ, سۇلۋلىعىن, قۇبىلمالى كليماتتىق مىنەزىن, اسقار-الا تاۋلارىن, نۋ ورماندارىن, كولدەرى مەن ءشولدەرىن, تابيعي قورىقتارىن, سول تابيعاتتى مەكەندەيتىن اڭدارى مەن قۇستارىن, تاعى-تاعىلارىن بۇگىنگى زامانعى قورشاعان ورتانى سۋرەتتەۋدىڭ جەتىك ءتاسىلى – فوتووبەكتيۆ ارقىلى جالپاق جۇرتقا پاش ەتۋدى ماقسات ەتىپتى. وعان ەلىمىزدىڭ تۇكپىر-تۇكپىرىنەن جالپى سانى 912 فوتوسۋرەت كەلىپ ءتۇسىپتى. ال كورمەگە ونىڭ 80-ءى عانا ىرىكتەلىپ الىندى. ولار 12-15 تامىز كۇندەرى ارنايى ماماندار, ەلىمىزدىڭ اتاقتى فوتوگرافتارى, سالا ماماندارىنان قۇرىلعان قازىلار القاسى شەشىمىمەن تاڭدالىنعان. ال ودان سوڭ ول تۋىندىلار ينتەرنەت-داۋىسقا سالىنىپ, اراسىنان جۇلدەگەرلەر انىقتالعان. ناتيجەسىندە, 1-ورىن يەگەرى 461 داۋىس جيناعان الماتىلىق ماقسات قۇسايىنوۆ دەپ تانىلدى. 2-ورىندى 312 داۋىسپەن – يرينا سوكول الدى, ول دا الماتى قالاسىنان. 3-ورىن 262 داۋىسپەن ماڭعىستاۋ وبلىسى اقتاۋ قالاسىنان تاتيانا پەرشاكوۆاعا بۇيىردى. ال ىنتالاندىرۋ سىيلىقتارى شىعىس قازاقستان وبلىسى, ۇلان اۋدانى, تارعىن اۋىلىنان كەلگەن داسكەن بايتيباەۆ جانە الماتىلىق ءسارسەنبەك قازىبەك ۇلى مەن تارازدىق التىنبەك قارتابايعا بەرىلدى.
كورمەگە قاتىسۋعا ەكى اي ۋاقىت بەرىلدى, ياعني 5 ماۋسىمنان 10 تامىزعا دەيىن ۇمىتكەرلەردىڭ سۋرەتتەرى قابىلداندى. قاتىسۋشىلاردى كاسىپقوي, اۋەسقوي دەپ بولمەگەن, جاس ەرەكشەلىكتەرىنە بايلانىستى دا ەشقانداي شەك قويىلماعان. جالپىعا ورتاق بايقاۋعا 10-نان 65 جاسقا دەيىنگى ازاماتتار قاتىسقان.
سالتاناتتى جيىن سوڭىندا فوتوكونكۋرسقا قاتىسىپ, سۋرەتتەرى كورمەگە قويىلعان ازاماتتاردىڭ بارلىعىنا ارنايى سىيلىقتار مەن سەرتيفيكاتتار تاپسىرىلدى. كورمەدەن كەيىن فوتوسۋرەتتەر قورشاعان ورتانى قورعاۋ مينيسترلىگىنىڭ جانە «قازگيدرومەت» رمك عيماراتتارىنىڭ دالىزدەرىنە ورنالاستىرىلادى.
«ەگەمەن اقپارات».
