ادام ءۇشىن باۋىر ەتىنەن جارالعان بالاسىنان ارتىق كىم بار! ال ونى توعىز اي بويى كوتەرىپ, دۇنيەگە اكەلگەن انا ءۇشىن شە؟ الەمنىڭ جارىعىن سىيلاعان انا ءوزى ءۇشىن ماڭگى ءسابي بولىپ قالاتىن پەرزەنتىن ءومىر بويىنا قىزعىشتاي قورىپ وتپەيتىن بە ەدى! جوق, ولاي ەتپەيتىندەر دە بار ەكەن.
ادام ءۇشىن باۋىر ەتىنەن جارالعان بالاسىنان ارتىق كىم بار! ال ونى توعىز اي بويى كوتەرىپ, دۇنيەگە اكەلگەن انا ءۇشىن شە؟ الەمنىڭ جارىعىن سىيلاعان انا ءوزى ءۇشىن ماڭگى ءسابي بولىپ قالاتىن پەرزەنتىن ءومىر بويىنا قىزعىشتاي قورىپ وتپەيتىن بە ەدى! جوق, ولاي ەتپەيتىندەر دە بار ەكەن.
ولاي ەتپەگەنى سول, قانىن دا, جانىن دا بەرگەن اناسى سول ءبىر جاپىراق بالاسىن بوتەن بىرەۋگە بار-جوعى 150 مىڭ تەڭگەگە ساتىپ جىبەرمەكشى دە بولىپتى.
بۇل وقيعا الماتى قالاسىندا ورىن العان. ىشكى ىستەر مينيسترلىگىنىڭ رەسمي وكىلى ءنۇردىلدا ورازدىڭ مالىمدەۋىنشە, الماتى قالالىق ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى قازان ايىنىڭ باسىندا جالعا العان پاتەرىندە ءوزىنىڭ جاڭا تۋعان نارەستەسىن ءبىر وتباسىعا 150 مىڭ تەڭگەگە ساتپاق بولعان وڭتۇستىك قازاقستان وبلىسىنىڭ 40 جاستاعى تۇرعىنىن قۇرىقتاعان.
«بۇگىندە اتالعان فاكتىگە قاتىسى بار بارلىق قاتىسۋشىلارعا ەشقايدا كەتپەۋ جونىندە بۇلتارتپاۋ شاراسى قولدانىلىپ, قىلمىستىق ءىس قوزعالدى», – دەپ اتاپ كورسەتتى ن.وراز.
وسىدان كەيىن, «بۇل ءومىر نە بولىپ بارادى؟!» دەگەندى اركىم-اق ەرىكسىز ايتاتىن شىعار.
مۇرات ايتقوجا.
