"Nur Otan" پارتياسىنىڭ پرايمەريز وتكىزۋ كەستەسىنە سايكەس ۇيىمداستىرىلعان ساياسي دودادا "Nur Otan" پارتياسى تۇركىستان وبلىستىق فيليالى توراعاسىنىڭ ورىنباسارى بەيسەن تاجىباەۆ قۇتتىقتاۋ ءسوز سويلەپ, قاتىسۋشىلارعا ساتتىلىك تىلەدى. ء"بىر داۋىرلەردە اشىق اسپان استىنداعى امفيتەاترلار كۇش سايىسى وتەتىن ورىندار بولسا, قازىر كونە شاھاردا بۇل ورىن وي سايىستىراتىن ورتالىققا اينالدى. رەسپۋبليكا بويىنشا پرايمەريزگە قاتىسۋشىلاردىڭ 1144-ءى تۇركىستان وبلىسىنان قاتىسىپ وتىر. سونىڭ ىشىندە تۇركىستان قالاسىنان 106 ۇمىتكەر باق سىناۋعا بەل بايلاپتى. مۇنداي دەباتتاردان تارتىنباۋ كەرەك. وي تۇكپىرىندەگى جوسپارلارىڭىزدى, باعدارلامالارىڭىزدى اشىق ايتىپ, جۇرتشىلىققا تانىستىرعان ءجون. سىزدەردى اشىق باسەكەدە ءتيىستى تالاپ پەن مەن ەرەجەنى ساقتاي وتىرىپ, جوعارى دەڭگەيدە پىكىر تالاستىرادى دەپ سەنەمىن. ەلباسىنىڭ باستاماسىن قولداپ, تۇركىستاندى دامىتۋ باعىتىندا ەڭبەك سىڭىرەدى دەپ ەسەپتەيمىن. قاسيەتتى تۇركىستان تورىندە ساياسي قادامدى باستاپ, ادالدىق پەن ادامدىقتى تۋ ەتىپ شىعاتىندارىڭىزعا سەنىمدىمىن", – دەدى بەيسەن داۋلەت ۇلى.
ەركىن فورماتتاعى دەباتقا قاتىسۋشىلار كوكەيدە جۇرگەن ويلارىن ايتىپ, ءبىر-ءبىرىنىڭ سايلاۋالدى باعدارلامالارى بويىنشا سۇراقتارىن قويدى. "ۋادە بەرۋ – وڭاي. ونى ورىنداۋ بار. كەلەشەكتە دەپۋتات بولعان تۇلعالار دا وسى امفيتەاتردا, ەل الدىندا ەسەپ بەرسە", – دەيدى پرايمەريزگە قاتىسۋشىلار.
جالپى تۇركىستان وبلىسىندا 30 قىركۇيەككە دەيىن 200-دەي جاريا پىكىرسايىس ۇيىمداستىرىلىپ, وعان 1100-دەن استام كانديداتتار قاتىسۋى كەرەك. بۇگىندە 16 اۋدان, قالادا جاريا پىكىرسايىستار وتكىزىلۋدە.
