ايماقتار • 15 قىركۇيەك، 2020

ءوز ءدالىزىنىڭ جاناشىرى

17 رەت كورسەتىلدى

اقتاۋلىق سەرگەي ناۋموۆتىڭ ءوز تۇرعىن ءۇيىنىڭ ءوزى تۇراتىن قاباتىنداعى دالىزگە جاسا­عان جوندەۋ، ساندەۋ جۇمىستارى كوپ­شىلىكتى تاڭعالدىردى. قالاداعى 5-شاعىن اۋداننىڭ 22-ءۇيى – كوپقاباتتى ەسكى ءۇي. تۇرعىن ءۇي رەتىندە كونەرۋى ءوز الدىنا، ىشكى-سىرتقى قابىرعالارعا جازىلعان بىلاپىت سوز­دەر مەن الەم-جالەم سۋرەتتەر ءۇيدىڭ سيقىن، كوڭىلدىڭ سۇرقىن قاشىراتىن.

قورقىنىشتى كىرەبەرىسكە كىرىپ-شىعۋدان جۇيكەسى شارشاپ، كوڭىلى جۇدەگەن بولۋى كەرەك سەرگەي ءوز قاباتىن كىرەبەرىسىمەن قوسا جوندەۋدى بۇدان ءبىر جىل بۇرىن قولعا الىپتى. ول ءۇشىن ەرىنبەي تۇرعىندار دالاعا شىعارىپ تاستاعان قۇرىلىس قالدىقتارىن جيناپ، ءوز قاباتىنا تاسىدى. الدىمەن ۇزىن ءدالىزدى اكتەپ، ونان سوڭ ءوز قيالىمەن بەزەندىرۋ جۇمىستارىنا كىرىسكەن.

– قابىرعالار وتە لاس ەدى، ۇيگە كىرگەن-شىق­قاندا قۇددى ءبىر تۇرمەدە جۇرگەندەي اسەردە بولاسىڭ. كوپ ويلاندىم، بىراق ءبىر ساتتە ىسكە كىرى­سىپ كەتتىم. ءارى-بەرى وتكەندەر قازىر ءبىزدىڭ قابات­تى قو­ناقۇي مە دەپ قالادى، دەپ كۇلەدى 54 جاستاعى سەرگەي.

ەدەندى، قابىرعالاردى تۇتاستاي ءتۇرلى ۇلگىدە ساندەپ شىققان سەرگەي ءار بولىككە وزگەشە ءمان-ما­عىنا بەرۋگە تىرىسقان. كافەل مەن اعاش، تاس قالدىقتارى كادەگە جاراپ، ءبىر قاباتتىڭ تولىقتاي قاجەتىنە جاراپ تۇر. قابىرعادا تەڭىز ايدىنى مەن پالما اعاشىن، جارقىراعان كۇننىڭ بەينەسىن بەرگەن شەبەر ارنايى كارتينالاردى ءىلۋدى دە ۇمىت­پاعان.

سانتەحنيك بولىپ ناپاقا تاباتىن سەرگەيدىڭ ىسىنە كورشىلەرى ءدان ريزا. ماماندىعى قۇرىلىسشى بولماسا دا ءوزىنىڭ قيالىمەن شەبەرلىگىن ۇشتاستىرا ەڭبەك ەتكەن سەرگەيدىڭ ءىسىنىڭ جەمىسىن كورشىلەر كورۋدە. ەندى ولار ءوز قاباتتارىنا قورقىپ ەمەس قىزىعا، قۋانا، ءتىپتى ماساتتانا ەنەتىن بولدى. سەر­گەي­دىڭ ءىسى كوپكە ۇلگى بولىپ بۇل ءىستى وزگە كور­شىلەر جالعاستىرۋعا نيەتتى.

ءوز ءدالىزىن، ءوز قاباتىن ساندەۋدى ەلىمىزدەگى ءاربىر قالا تۇرعىنى ەستافەتا رەتىندە جالعاستىرسا دەيسىڭ...

 

ماڭعىستاۋ وبلىسى

 

سوڭعى جاڭالىقتار

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

پنەۆمونيادان تاعى 5 ادام كوز جۇمدى

كوروناۆيرۋس • بۇگىن، 09:35

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇلتتىڭ جاڭا بولمىسى

پىكىر • بۇگىن، 07:35

پيك-ءتىڭ ورنىنا – جاڭا ۇيىم

ايماقتار • بۇگىن، 07:27

ۇقساس جاڭالىقتار