مەديتسينالىق ماماندىقتارعا دەگەن سۇرانىس قانا ەمەس, سونىمەن قاتار تالاپكەرلەر تاراپىنان قىزىعۋشىلىق ارتقانىن بايقايمىز. بيىل 1500-گە جۋىق ادام قۇجاتتارىن تاپسىردى. تالاپكەرلەردى تارتۋ ونلاين رەجىمىندە 2020 جىلعى 20 ماۋسىمنان 2020 جىلعى 25 تامىزعا دەيىن جۇزەگە اسىرىلدى.
بۇل ءۇردىس تۇسىنىكتى, ەپيدەميانىڭ العاشقى كۇندەرىنەن باستاپ بارلىق مەديتسينالىق قىزمەتكەرلەر قارقىندى جۇمىس ىستەۋگە تارتىلدى. شىلدە ايىندا ىندەتتىڭ ورشىگەن كەزىندە 4500-دەن استام مەديتسينالىق قىزمەتكەر, اتاپ ايتار بولساق, دارىگەرلەر, مەيىربيكەلەر جانە زەرتحاناشىلار كوۆيدتىك اۋرۋحانالارعا جۇمىلدىرىلدى. ارينە, بارلىق مەديتسينا قىزمەتكەرلەرى – بۇگىنگى كۇننىڭ باتىرلارى. ال جاستار ءۇشىن ولار حالىقتىڭ دەنساۋلىعىن ساقتاۋدا تۇرعان اق حالاتتىلاردىڭ قاھارماندارىنا اينالدى.
ەرەسەكتەر اراسىندا دا مەديتسينالىق ماماندىقتارعا سۇرانىس ارتقانىن اتاپ وتكەن ءجون. سونىمەن, بيىل تالاپكەرلەردىڭ جاسى 54 جاسقا دەيىن ءوستى. بيىل «مەيىربيكە ءىسى» ماماندىعىنا 482 تالاپكەر ەرەكشە قىزىعۋشىلىق بىلدىرسە, بۇل تالاپكەرلەردىڭ 56,3%-ىن قۇرايدى.
ورايى كەلىپ تۇرعاندا, 1981 جىلى الماتى قالاسى قوعامدىق دەنساۋلىق باسقارماسى نەگىزىندە جوعارى مەديتسينالىق كوللەدجى قۇرىلعانىن ايتا كەتۋ كەرەك. كوللەدج جالپى مەيىربيكەلەر, فەلدشەرلەر, اكۋشەرلەر, مەديتسينالىق زەرتحاناشىلار, دانتيستەر مەن فارماتسەۆتەردى دايىندايدى. پراكتيكالىق دەنساۋلىق ساقتاۋدى قارقىندى دامىتۋ ءۇشىن باسەكەگە قابىلەتتى مامانداردى دايىنداۋدا جەتەكشى ءبىلىم بەرۋ ۇيىمى بولۋعا ۇمتىلىپ وتىر.
ادەتتە, تالاپكەرلەر 9 جانە 11 سىنىپتان كەيىن وقۋعا تۇسۋگە ءوتىنىش بەرە الادى. وقۋ مەرزىمى 3 جىلدان 4 جىلعا دەيىنگى ارالىقتى قامتيدى. بارلىق تۇلەكتەر كاسىبي تەحنيكالىق ءبىلىم تۋرالى ديپلوم الادى. كوللەدجدى بىتىرگەننەن كەيىن ماماندار باسەكەگە قابىلەتتى, تاۋەلسىز كاسىبي قىزمەتكە دايىن جانە الماتى قالاسىنىڭ مەديتسينالىق ۇيىمدارىندا سۇرانىسقا يە.
جوعارى مەديتسينالىق كوللەدج – قازاقستان رەسپۋبليكاسىنىڭ تەحنيكالىق جانە كاسىپتىك ءبىلىم بەرۋدىڭ جەتەكشى وقۋ ورىندارىنىڭ ءبىرى. كوللەدج وقىتۋدىڭ يننوۆاتسيالىق تەحنولوگيالارىن ەنگىزە وتىرىپ, ءبىلىم بەرۋ قىزمەتتەرىن ۇسىنۋ بويىنشا جوعارى ساپانى قامتاماسىز ەتەدى. كوللەدج تۇلەكتەرى جۇمىسپەن قامتۋ نارىعىندا ەركىن باسەكەگە ءتۇسىپ, ەلىمىزدىڭ مەديتسينالىق ۇيىمدارىندا تابىستى جۇمىس ىستەي الادى.
الماتى
