وسى ۋاقىتقا دەيىن تەلەارنالاردا شەتەل كينولارى باسىمدىققا يە بولىپ كەلە جاتقانى انىق. تەلەارنالار ءبىر-بىرىمەن جارىسىپ, اسىرەسە, تۇرىك پەن كورەي تەلەحيكايالارىن كورەرمەنگە ۇسىنىپ كەلگەن بولاتىن.
سولاردىڭ ءبىرى – «قازاقستان» ۇلتتىق تەلەارناسى دا 2006 جىلدان باستاپ تۇرىك پەن كورەي تۋىندىلارىن كورسەتىپ كەلسە, ەندى وسى قاراشا ايىنىڭ 11 جۇلدىزىنان باستاپ, ۇلتتىق تەلەارنا شەتەلدىك تەلەحيكايالاردىڭ قوماقتى بولىگىن ازايتىپ, وتاندىق تەلەحيكايالاردىڭ سانىن ارتتىرۋدى كوزدەپ وتىر.
وسى ۋاقىتقا دەيىن تەلەارنالاردا شەتەل كينولارى باسىمدىققا يە بولىپ كەلە جاتقانى انىق. تەلەارنالار ءبىر-بىرىمەن جارىسىپ, اسىرەسە, تۇرىك پەن كورەي تەلەحيكايالارىن كورەرمەنگە ۇسىنىپ كەلگەن بولاتىن.
سولاردىڭ ءبىرى – «قازاقستان» ۇلتتىق تەلەارناسى دا 2006 جىلدان باستاپ تۇرىك پەن كورەي تۋىندىلارىن كورسەتىپ كەلسە, ەندى وسى قاراشا ايىنىڭ 11 جۇلدىزىنان باستاپ, ۇلتتىق تەلەارنا شەتەلدىك تەلەحيكايالاردىڭ قوماقتى بولىگىن ازايتىپ, وتاندىق تەلەحيكايالاردىڭ سانىن ارتتىرۋدى كوزدەپ وتىر.بۇل تۋرالى «قازاقستان» ۇلتتىق تەلەارنا باسشىلارى ارنايى وتكىزگەن بريفينگتە ءمالىم ەتىلدى. ولاردىڭ ايتۋىنشا, 2009 جىلى ۇلتتىق تەلەارنا تۇڭعىش وتاندىق ءونىم – «اعايىندى» تەلەحيكاياسىن كورسەتسە, سوڭعى جەتى جىل ىشىندە تەلەارنانىڭ ىشكى ونىمدەرىنىڭ سانى دا, ساپاسى دا ۇزدىكسىز ارتىپ, وتاندىق تەلەحيكايالاردىڭ قوماقتى قورى قالىپتاسىپتى. ماسەلەن, 2010 جىلى 84 بولىكتەن تۇراتىن ەكى سەريالى كينوتۋىندى كورسەتىلسە, ال 2011 جىلى ول جەتى سەريال بولىپ, 2012 جىلى بۇل كورسەتكىشتى ەكى ەسەگە ارتتىرىپ, 14 سەريال كورەرمەنگە جول تارتقان.
ال بيىلعى جىلى ۇسىنىلعان «تۋعان ەلدىڭ ءتۇتىنى», «ۇلجان», «پارىز», «كوك تارلاندارى», «ءومىر وتكەلدەرى» جانە تاعى باسقا دا تەلەحيكايالاردى كورەرمەندەر جىلى قابىلداپ, ۇلتتىق ارنانىڭ ارنايى تاپسىرىسىمەن تۇسىرىلگەن تەلەحيكايالاردىڭ رەيتينگى 2011 جىلدان باستاپ تۇراقتى تۇردە ءوسىپ كەلەدى. تولىقتاي قازاق تىلىندە حابار تاراتۋعا كوشكەن «قازاقستان» ۇلتتىق تەلەارناسىنىڭ 100 مىڭنان استام تۇرعىندارى بار ەلدى مەكەندەر اراسىندا كورسەتىلىمى 55 پايىزعا, ال ورتاشا تاۋلىكتىك ۇلەس كورسەتكىشى مەن رەيتينگىسى 47 پايىزعا وسسە, ونىڭ وسۋىنە وتاندىق تەلەحيكايالاردىڭ قوسقان ۇلەسى قوماقتى كورىنەدى.
بيىلعى جىلى 12 جاڭا باعدارلامانى وندىرىسكە ەنگىزگەن تەلەارنا الداعى جىلى شەتەل كينولارىن 65 پايىزعا قىسقارتىپ, ودان ۇنەمدەلگەن مول قاراجات وتاندىق ءونىم مەن باسقا دا باعدارلامالاردى تۇزۋگە مۇمكىندىك بەرەدى ەكەن.
بەرىك سادىر,
«ەگەمەن قازاقستان».
سۋرەتتى تۇسىرگەن ەرلان وماروۆ.
