وتكەن اپتانىڭ باستى وقيعاسىنىڭ ءبىرى – اقش پەن رەسەي فەدەراتسياسىنىڭ پرەزيدەنتتەرى باراك وباما مەن دميتري مەدۆەدەۆ چەحيانىڭ استاناسىندا ستراتەگيالىق شابۋىلداۋشى قارۋلاردى (سشق-3) قىسقارتۋ جونىندەگى شارتقا قول قويدى.
بۇرىنعى شارتتىڭ مەرزىمى وتكەن جىلعى جەلتوقساندا-اق ءوتىپ كەتكەن ەدى. ءبىراز ماسەلەلەر جونىندە كەلىسىمگە قول جەتپەي كەلگەن. ءتىپتى رەسەيدىڭ بۇل شارتتان ءبىر جاقتى شىعۋ مۇمكىندىگى بارلىعىن ەسكەرتكەن مالىمدەمەسى دە بولعان. بىراق ەكى دەرجاۆا باسشىلارى دا جاعدايدى تىم شيەلەنىستىرۋ جاقسىلىققا اپارمايتىنىن ۇعىپ, كەلىسىمگە توقتادى. سونىڭ ارقاسىندا ەكى جاقتىڭ يادرولىق ارسەنالىنىڭ ۇشتەن بىرىندەيى قىسقارماق.
سايلاۋ ەرتە وتەدى
اۆيااپاتتان قازا بولعان پولشا پرەزيدەنتى لەح كاچينسكيدىڭ العاشقى بيلىك مەرزىمى وسى جىلدىڭ اياعىنا تامان بىتۋگە ءتيىس ەدى. بۇل ەلدە پرەزيدەنت سايلاۋىنىڭ ناۋقانى باستالىپ تا كەتكەن بولاتىن. مارقۇم كاچينسكيدىڭ ءوزى دە ەكىنشى مەرزىمگە قايتا سايلانۋعا ءتۇسۋى مۇمكىن ەدى. ەندى جاعداي مۇلدە وزگەرىپ وتىر. كەزەكتەن تىس سايلاۋ بۇرىنىراق ءوتۋى مۇمكىن. ەل باسشىسىنىڭ مىندەتىن اتقارۋشى سەيم مارشالى ب.كوموروۆسكي كەزەكتەن تىس سايلاۋدىڭ بولاتىن ۋاقىتى جاقىندا جاريالاناتىنىن مالىمدەدى. كەتۋدىڭ سەبەبى نە؟ جۇما كۇنى بيلىكتەگى موڭعول حالىقتىق-رەۆوليۋتسيالىق پارتياسىنىڭ توراعاسى سانجين بايار ءوز قىزمەتىنەن كەتەتىنىن مالىمدەدى. كەتۋىنىڭ سەبەبىن ول دەنساۋلىعىنا بايلانىستىرىپ وتىر. ال ساياساتشىلار ونى سوڭعى كۇندەردەگى وقيعالارعا بايلانىستىرادى. دۇيسەنبى كۇنى ۋلان-باتوردىڭ كوشەسىنە بەس مىڭداي ادام ميتينگىگە شىعىپ, پارلامەنتتى تاراتۋدى, ۇكىمەتتىڭ قىزمەتىنەن كەتۋىن تالاپ ەتكەن بولاتىن. قازىر 2,7 ميلليون حالقى بار موڭعوليادا ادامداردىڭ 40 پايىزدايى كەدەيشىلىك شەگىنەن تومەن تۇرادى.
بيلىك ءۇشىن كۇرەس
ۇلىبريتانيادا 6 مامىردا وتەتىن پارلامەنت سايلاۋىنىڭ ناۋقانى باستالدى. وندا جەڭگەن پارتيانىڭ وكىلى بيلىك تىزگىنىن ۇستايدى. لەيبوريستەر, مىنە, 13 جىل بويى بيلىكتە. الدىمەن توني بلەر ءۇش مەرزىم پرەمەر-مينيستر بولسا, ودان ەستافەتانى قابىلداعان گوردون براۋن ءوز پارتياسىن جەڭىسكە جەتكىزە الا ما, جوق پا, ول بەلگىسىز. ال ولاردىڭ باس قارسىلاسى كونسەرۆاتورلار وسى جولى قالاي دا جەڭۋدى ماقسات ەتىپ وتىر.
وپپوزيتسيا ىدىراۋدا
كۇنى كەشە پرەزيدەنتتىككە تالاسقان يۋليا تيموشەنكونى ونىڭ دوستارى تاستاپ كەتىپ جاتىر. ساتقىندىق كىمنەن بولسا دا جاقسى ەمەس. بۇدان بۇرىن ءوز فراكتسياسىنىڭ دەپۋتاتتارىن ايماقتار پارتياسى 1 ميلليون دوللارمەن ساتىپ الىپ جاتىر دەپ مالىمدەسە, ونى دالەلدەۋ قيىن. بۇل ءۇشىن تيموشەنكونى پروكۋراتۋرا شاقىرىپ, جاۋاپ الۋدا. ارينە, ەشكىم اقشاعا ساتىلدىم دەي قويمايدى. بىراق تيموشەنكونىڭ باسقاعا وكپەلەيتىن ءجونى جوق, ءوزى دە كەزىندە ۆ.يۋششەنكونى ساتىپ كەتكەن. اسا ءىرى جاتتىعۋ سەنبى كۇنى پاكستاندا سوڭعى 20 جىلداعى ەڭ ۇلكەن اسكەري جاتتىعۋ باستالدى. وعان بارلىق اسكەر ءتۇرىنىڭ 45 مىڭ جاۋىنگەرلەرى مەن وفيتسەرلەرى قاتىسپاق. جاتتىعۋ كەزىندە قارۋلار مەن قۇرالداردىڭ جاڭا تۇرلەرى سىناقتان وتەدى. جۇرتشىلىق بۇل ءىرى جاتتىعۋدى كورشىلەرگە قىر كورسەتۋ دەپ قابىلدادى.
ەڭ ۇلكەن جالاقى
نە نارسەنىڭ بولسا دا تىم ارتىقتىعى ورەسكەل. باسقا ەلدەرگە قارىزى شاش-ەتەكتەن, ءوزى باسقا ەلدىڭ باسقىنشىلىعى جاعدايىندا كۇن كورىپ وتىرعان يراكتىڭ پرەمەر-ءمينيسترى نۋري ءال-ماليكيدىڭ ايلىق جالاقىسى 2 ميلليون دوللار ەكەن. جۇرت ونىڭ جالاقىسىن اقش پرەزيدەنتى باراك وبامانىڭ جالاقىسىمەن سالىستىراتىن كورىنەدى. ونىكى – 48 مىڭ دوللار. ماليكيدىڭ ءبىر ايدا تاپقانىن 3 جىلدا تابادى.
قىزبايتىن شام
ەۋرووداق ەلدەرى الداعى ۋاقىتتا ءداستۇرلى ەديسسون ويلاپ تاپقان قىزدىرىلىپ جارىق بەرەتىن ەلەكتر لامپالارىن شىعارمايتىن بولىپ وتىر. ولاردىڭ ورنىن ەلەكتر قۋاتىن ۇنەمدەيتىن شامدار باساتىن بولادى. ەۋرووداق ۇكىمەتى – ەۋروكوميسسيا سونداي شەشىمگە كەلىپتى. ال كونسەرۆاتيۆتەۋ كەلەتىن نەمىس جۇرتى ەسكى شامداردى بار كەزىندە كوپتەپ ساتىپ الىپ جاتقان كورىنەدى.
ازىرلەگەن ماماديار جاقىپ.
