وبلىس اكىمىنىڭ ورىنباسارى باقىتگۇل حامەنوۆانىڭ ايتۋىنشا, جوعارى ءبىلىمدى مەديتسينا قىزمەتكەرلەرىنىڭ تاپشىلىعى وڭىردەگى ەڭ كۇردەلى ماسەلەنىڭ بىرىنە اينالىپ وتىر. اسىرەسە پاندەميا باستالعان 300-گە جۋىق ماماننىڭ جەتىسپەۋى اتالعان سالاعا اۋىر سالماق سالدى. سول سەبەپتەن, وبلىس اكىمى ماحامبەت دوسمۇحامبەتوۆتىڭ تاپسىرماسىمەن مەديتسينا سالاسىن بىلىكتى ماماندارمەن قامتۋ ءۇشىن ناقتى قادامدار جاسالدى.
"اتاپ ايتقاندا, ماۋسىم, شىلدە ايلارىندا ايماققا 100-دەن استام جاس مامان تارتىلىپ, ولاردى ىنتالاندىرۋ, قولداۋ تەتىكتەرى كۇشەيتىلدى. سونىمەن قاتار, مەديتسينا سالاسىنا بەرىلەتىن گرانتتار سانى كوبەيتىلدى. ەندى وبلىس اكىمىنىڭ گرانتىنا يە بولعاندار م.وسپانوۆ اتىنداعى باتىس قازاقستان مەملەكەتتىك مەديتسينالىق ۋنيۆەرسيتەتىندە, قازاق مەديتسينا ۋنيۆەرسيتەتىندە, س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىندە, استانا مەديتسينالىق ۋنيۆەرسيتەتى مەن ۇلتتىق عىلىمي كارديوحيرۋرگيا ورتالىعىندا ءبىلىم الادى", دەيدى باقىتگۇل حامەنوۆا.
وسىلايشا, بيىل وبلىس اكىمىنىڭ گرانتىنا اسا ماڭىزدى سالالار بويىنشا جوعارى ءبىلىم الۋدى كوزدەگەن 189 جاس يە بولدى.
