نۇر-سۇلتاندا ۆولونتەرلىك باستامالاردى قولداۋ بويىنشا شاعىن گرانتتار بايقاۋى باستالدى. ونىڭ اياسىندا 22 جەڭىمپاز انىقتالىپ, ارقايسىسىنا 300 مىڭ تەڭگەدەن بەرىلەدى.
كونكۋرسقا 14-29 جاس ارالىعىنداعى جەكە تۇلعالارعا, باستاماشىل توپتارعا جانە نۇر-سۇلتان قالاسىنىڭ ۇكىمەتتىك ەمەس ۇيىم مۇشەلەرىنە قاتىسۋ رۇقسات ەتىلەدى. ءوتىنىش جەكەلەي بەرىلگەن جاعدايدا, ءوتىنىش بەرۋشى 14 جاستان جوعارى بولۋى ءتيىس.
باستاماشىل توپتىڭ اتىنان ءوتىنىش بەرگەن جاعدايدا, توپ جەتەكشىسى مەن مۇشەلەرى 14-29 جاس ارالىعىندا بولۋى ءتيىس. بايقاۋعا قاتىسۋعا باستاماشىل توپتىڭ باسشىسى بارلىق مۇشەلەرىن كورسەتە وتىرىپ, ءوتىنىمدى تىكەلەي بەرۋگە ءتيىس.
"جوبالار كەلەسى باعىتتار بويىنشا قابىلدانادى: ەكولوگيالىق اعارتۋ جۇمىستارى بويىنشا ۆولونتەرلىك جوبالار; وقۋشى, ستۋدەنت جاستار مەن الەۋمەتتىك توپتارعا ءبىلىم بەرۋگە باعىتتالعان جوبالار; بالالار جانە قارتتار ۇيىندەگى ادامداردى قولداۋعا باعىتتالعان جوبالار; مۇمكىندىگى شەكتەۋلى ادامداردى قولداۋعا باعىتتالعان جوبالار; مادەني-تاريحي مۇرانى ساقتاۋ جانە دامىتۋ, تاريحي ەسكەرتكىشتەردى, مادەني-مەموريالدىق كەشەندەردى قالپىنا كەلتىرۋ جانە ساقتاۋعا باعىتتالعان جوبالار; قۇقىق قورعاۋ جانە تابيعي, تەحنوگەندى سيپاتتاعى توتەنشە جاعدايلاردىڭ الدىن الۋ بويىنشا جوبالار; يننوۆاتسيالىق جوبالار; عىلىمي جاڭالىقتار; كومپيۋتەرلىك باعدارلامالاۋ; ەكسپەديتسيالار مەن ەكسكۋرسيالار ۇيىمداستىرۋعا ارنالعان جوبالار; الەۋمەتتىك مادەني جانە سپورتتىق جوبالار; شىعارماشىلىق جانە قايىرىمدىلىق ءىس-شارالار; مەديتسينالىق باعىتتاعى جانە كارانتين كەزىندە ىسكە اسىرىلاتىن جوبالار; ادەبيەت پەن تىلگە قاتىستى جوبالار; جاستار بەلسەندىلىگىن دامىتۋعا ارنالعان جوبالار; باپقا ساي كەلەتىن باسقا باعىتتار", – دەلىنگەن كونكۋرس ەرەجەسىندە.
جوبا كەلىسىمشارتقا قول قويىلعاننان باستاپ 2 اي كولەمىندە (قازان-قاراشا) جۇزەگە اسىرىلۋى ءتيىس. كارانتين رەجيمى كۇشەيتىلگەن جاعدايدا جوبالار ونلاين/وفلاين فورماتتا جۇرگىزىلەدى.
سونداي-اق جوبا اياسىندا ەڭبەكاقى تولەۋگە, كەڭسەنىڭ قامتىلۋىنا جانە باسقا دا اكىمشىلىك شىعىندارعا جۇمساۋعا بولمايدى. شىعىندار ۆولونتەرلىك باستامالاردى ىسكە اسىرۋ ءۇشىن ءتۇرلى شىعىس ماتەريالدارىنا (جابدىقتاۋ, قۇرال-سايمان, قۇرىلعىنى جالعا الۋ جانە ت.ب.) جۇمسالادى.
بايقاۋعا قاتىسۋ ءۇشىن وتىنىمدەردى PDF فورماتىندا 2020 جىلدىڭ 25 قىركۇيەگىنە (18:00) دەيىن volonter_zhastar@bk.ru ەلەكتروندى پوچتاسىنا جىبەرۋ قاجەت.
گرانت يەگەرلەرىن ىرىكتەۋ 2020 جىلدىڭ 30 قىركۇيەگىنە دەيىن جۇرگىزىلەدى.
ىرىكتەۋدىڭ اياقتالۋى تۋرالى حابارلاندىرۋ ۇيىمداستىرۋشىلاردىڭ رەسمي سايتى www.adyrna.kz مەن @NS_JASTARY instagram پاراقشاcىندا جاريالانادى. Instagram: @ADYRNA.KZ/ @NS_JASTARY.
ايتا كەتەيىك, كونكۋرس نۇر-سۇلتان قالاسىنىڭ جاستار ساياساتى ماسەلەلەرى باسقارماسىنىڭ تاپسىرىسىمەن "ۆولونتەرلىك باستامالاردى قولداۋ بويىنشا ءىس-شارالار كەشەنىن ۇيىمداستىرۋ جانە وتكىزۋ" جوباسى اياسىندا وتكىزىلۋدە. ۇيىمداستىرۋشى – "ادىرنا" ۇلتتىق-ەتنوگرافيالىق بىرلەستىگى. بارلىق سۇراقتار بويىنشا جوبا ۇيلەستىرۋشىسىنە + 7 (747) 933 91 09 تەلەفون ءنومىرى بويىنشا حابارلاسۋعا بولادى.
