«بۇل ءۇزىلىس قاۋىپسىزدىك پەن ادامداردىڭ دەنساۋلىعىن ءبىرىنشى ورىنعا قوياتىنىمىزدى كورسەتتى. زەرتتەۋشىلەرىمىزدى ءتيىمدى ۆاكتسينا جاساۋ جۇمىسىنا قايتا جينايمىز», دەدى دەنساۋلىق حاتشىسى مەتت حانكوك.
سونىمەن بىرگە ۋنيۆەرسيتەت وكىلدەرى مۇنداي ناتيجەنىڭ الدىن الا بولجانعانىن دا حابارلادى. ولاردىڭ ايتۋىنشا, سىناما جاسالعانداردىڭ ىشىندە بىرنەشەۋىنىڭ شاعىم ءتۇسىرۋى قالىپتى ءارى كۇتىلگەن جاعداي. بۇدان ءارى ۇلىبريتانيا ءدارى-دارمەك جانە دەنساۋلىق ساقتاۋ ونىمدەرىن قاداعالاۋ اگەنتتىگىنىڭ ۇسىنىستارىمەن جۇمىستى جالعاستىراتىنىن مالىمدەدى.
ال ددۇ بۇعان دەيىن ۆاكتسينا سىنالعان 180 ادامنىڭ ءالى ەشقايسىسىندا كلينيكالىق سىناق مەرزىمىن اياقتاماعانىن حابارلادى. ۋنيۆەرسيتەت قىزمەتكەرلەرى دايىندالىپ جاتقان ۆاكتسينانىڭ ءتيىمدى بولاتىنىنا سەنەتىنىن جانە ساتىلىمعا شىعاتىنىنا ءۇمىتتى ەكەنىن ايتتى. «1 جانە 2-سىنالىمدار جاسالدى. ەندى 3-سىنالىم ءساتتى بولىپ, ۆاكتسينا اسەرىن كورەمىز دەپ سەنەمىز», دەيدى ولار. 3-سىنالىمعا اقش, ۇلىبريتانيا, برازيليا مەن وڭتۇستىك افريكادان, جالپى العاندا 30 مىڭعا جۋىق قاتىسۋشى شاقىرىلعان.
