اۋىلداعى الەۋمەتتىك از قامتىلعان 4 وتباسى باسپانالى بولدى. تۇرعىندارعا نالىباەۆتار اۋلەتى ءۇي سالىپ بەرگەن. ءتورت ءۇيدىڭ قۇرىلىسىنا جالپى سومماسى 30 ملن تەڭگە جۇمسالىپتى. قونىس تويلارىن تويلاپ, قۋانىشتارى قويىندارىنا سىيماعان وتباسىلاردىڭ قايىرىمدى اۋلەتكە ايتار العىسى شەكسىز. باسپانالى بولعانداردىڭ ءبىرى – 4 بالانىڭ اناسى نۇرباقىت دارمەنوۆا. وسى ۋاقىتقا دەيىن پاتەر جاعالاپ, ءار ءۇيدىڭ شاڭىراعىندا كۇنەلتىپ كەلگەن كوپبالالى انانىڭ بار تاپقان تايانعانى بالالارىنىڭ تاماعىنان ارتىلمايدى. وتاعاسىنان ەرتەرەكتە ايىرىلىپ, ازاپتى كۇندەردى باستان كەشىرگەن بۇل وتباسى باسپانامىز بولسا دەگەن ارماندارىنىڭ ورىندالعانىنا قۋانىشتى. قايىرىمدى اۋلەتتىڭ وتاناسى شەكەر بەكبولاتوۆا بۇگىنگە دەيىن اۋىلداعى 11 از قامتاماسىز ەتىلگەن وتباسىعا جانە جالعىزىلىكتى جاندارعا كومەك قولىن سوزىپ كەلەدى. بۇل وتباسىلاردىڭ مەكتەپكە باراتىن بالالارىنىڭ وقۋ قۇرالدارى مەن كيىم كەشەكتەرىن تۇگەندەۋدى دە وزىنە مىندەتتەپ العانداي. جومارت جۇرەك ازىق-ت ۇلىككە دە جاردەمىن اياعان ەمەس.
ء«حالى مۇشكىل جاندارعا قولدان كەلگەنشە قايىرىمدىلىق جاساپ, بارىڭمەن ءبولىسۋ – يماندىلىقتىڭ بەلگىسى. قانداستارعا قارىمتاسىز قايىرىمدىلىقتى ۇدايى جاساعان قازاقتىڭ ءبىرىمىز», دەيدى شەكەر انا. كوپكە ۇلگى بولاتىن قايىرىمدى ىسكە اۋىل تۇرعىندارى دا ۇنەمى قولداۋ كورسەتىپ كەلەدى. ال قايىرىمدى اۋلەتتىڭ يگى ىستەرى مۇنىمەن شەكتەلمەك ەمەس.
اۋداندا الدىڭعى جىلدارى كوممۋنالدىق تۇرعىن ءۇي رەتىندە 64 ازاماتقا ءۇي بەرىلدى. ونىڭ ىشىندە 13 جەتiم, ياعني اتا-اناسىنىڭ قامقورلىعىنسىز قالعان بالالار بار. سونداي-اق 9 كوپبالالى وتباسى باسپانالى بولعان-دى. بيىل 3 وتباسىعا كوممۋنالدىق تۇرعىن ءۇي بەرۋ كوزدەلۋدە. سونداي-اق تۇرعىن ءۇي-كوممۋنالدىق دامۋدىڭ 2020-2025 جىلدارعا ارنالعان «نۇرلى جەر» مەملەكەتتىك باعدارلاماسى اياسىندا ساتىپ الۋ قۇقىعىنسىز 7 وتباسىنا تۇرعىن ءۇي ساتىپ الۋ كوزدەلۋدە. كەلەسى جىلى بيۋدجەت قاراجاتى ەسەبىنەن 8 وتباسىعا كوممۋنالدىق تۇرعىن ءۇيدىڭ قۇرىلىسى باستالادى.
بۇگىندە وبلىستا از قامتىلعان وتباسىلار سانى وتكەن جىلمەن سالىستىرعاندا 4 ەسەگە ازايعان. ماماندار كومەككە مۇقتاجداردىڭ ازايۋىن كوپبالالى وتباسىلاردىڭ بولەك ساناتقا شىعىپ, ارنايى الەۋمەتتىك جاردەماقى الۋىمەن بايلانىستىرىپ وتىر. اتاپ ايتقاندا, وبلىستا بيىلدىڭ 1 تامىزىنا دەيىن از قامتىلعان 27,5 مىڭ وتباسىعا 7706,9 ملن تەڭگە جاردەماقى, سونداي-اق كەپىلدەندىرىلگەن الەۋمەتتىك توپتاما 1-6 جاستاعى 35 877 بالاعا 1104,3 ملن تەڭگە تاعايىندالعان. ال اتاۋلى الەۋمەتتىك كومەك الۋشىلاردىڭ ىشىندە ەڭبەككە قابىلەتتى 9944-ءى جۇمىسپەن قامتىلىپ وتىر. ودان بولەك, توتەنشە جاعداي كەزىندە ءساۋىر-مامىر ايلارىندا 160,6 مىڭ ادام 2,2 ملرد تەڭگەگە ازىق-ت ۇلىكپەن, تۇرمىستىق زاتتارمەن قامتاماسىز ەتىلدى. «قامقورلىق» باعدارلاماسى اياسىندا 1643 ومىرلىك قيىن جاعدايعا تاپ بولعان وتباسى انىقتالىپ, ونىڭ ىشىندە 35 وتباسى تۇرعىن ۇيمەن قامتىلعان. سونىمەن قاتار 1643 وتباسىعا 341,7 ملن تەڭگەگە دەمەۋشىلەر ەسەبىنەن كومەكتەر كورسەتىلگەن.
تۇركىستان وبلىسى
