كەشە پرەمەر-مينيستر سەرىك احمەتوۆتىڭ توراعالىعىمەن وتكەن ۇكىمەت وتىرىسىندا 2013-2015 جىلدارعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسى قارالدى.
ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ 2013-2015 جىلدارعا ارنالعان رەسپۋبليكالىق بيۋدجەتكە ۇسىنىلعان تۇزەتۋلەر تۋرالى باياندادى.
كەشە پرەمەر-مينيستر سەرىك احمەتوۆتىڭ توراعالىعىمەن وتكەن ۇكىمەت وتىرىسىندا 2013-2015 جىلدارعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسى قارالدى.
ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ 2013-2015 جىلدارعا ارنالعان رەسپۋبليكالىق بيۋدجەتكە ۇسىنىلعان تۇزەتۋلەر تۋرالى باياندادى.مينيستر 2013 جىلعا ارنالعان رەسپۋبليكالىق بيۋدجەتتى ناقتىلاۋ بويىنشا ۇسىنىس مەملەكەت باسشىسىنىڭ ۇستىمىزدەگى جىلدىڭ 11 قازانىندا ۇكىمەتتىڭ كەڭەيتىلگەن وتىرىسىندا ايتقان تاپسىرمالارىن ەسكەرە وتىرىپ, ماكروەكونوميكالىق كورسەتكىشتەردىڭ بولجامى جانە وسى جىلعى 9 ايداعى شىعىستار بويىنشا ەسەپتەردى ناقتىلاۋ بارىسىنداعى تۇزەتۋلەر نەگىزىندە قالىپتاستىرىلعانىن اتاپ ءوتتى.
بۇل ناقتىلاۋدىڭ نەگىزگى مىندەتى جىلدىڭ قورىتىندىسى بويىنشا بولجانعان قوسىمشا تۇسىمدەردى ءتيىمدى پايدالانۋ بولىپ تابىلادى, دەدى ە.دوساەۆ. سونىمەن قاتار, ول اعىمداعى جىلدىڭ الەۋمەتتىك-ەكونوميكالىق دامۋ بولجامىنداعى ورىن العان نەگىزگى وزگەرتۋلەرگە توقتالدى.
مينيستر كەلتىرگەن مالىمەتتەرگە سۇيەنسەك, 2013 جىلى ەلىمىزدىڭ ىشكى جالپى ءونىمىنىڭ نومينالدىق كولەمى 34 444,3 ملرد. تەڭگەنى قۇرادى. ول مامىر ايىنداعى ماقۇلدانعان كورسەتكىشتەن 153,3 ملرد. تەڭگەگە جوعارى. تۇتاستاي العاندا, 2013 جىلى ىشكى جالپى ءونىمنىڭ ناقتى ءوسىمى جوسپارلانعان 6 پايىزدىق دەڭگەيگە بولجانىپ وتىر. ال ينفلياتسيا بويىنشا پارامەترلەر بۇرىن بولجانعان جىل اياعىنداعى 6-8 پايىز كولەمىندە ساقتالۋدا. ترانسفەرتتەردى ەسەپتەمەگەندە, 2013 جىلى رەسپۋبليكالىق بيۋدجەتكە كىرىس بەكىتىلگەن جوسپارداعىدان 20 ملرد. تەڭگەگە ارتىق, ياعني 3 608,3 ملرد. تەڭگە كولەمىندە باعالانىپ وتىر.
ۇلتتىق قوردان الىنعان كەپىلدى ترانسفەرتتىڭ كولەمى بەكىتىلگەن 1 380 ملرد. تەڭگە دەڭگەيىندە ساقتالۋدا. مۇناي باعاسى بولجامىنىڭ وسۋىنە بايلانىستى ۇلتتىق قورعا مۇناي سەكتورىنان تۇسەتىن ءتۇسىم 407,3 ملرد. تەڭگەگە ارتىپ, بارلىعى 3,4 ترلن. تەڭگەنى قۇرايدى دەپ كوزدەلۋدە.
بۇل كەزەڭدەردە, سونىمەن قاتار, تاۋ-كەن جانە وڭدەۋ ونەركاسىبىنىڭ كەيبىر سالالارى بويىنشا تومەندەۋ جاعىنا قاراي تۇزەتۋ جۇرگىزىلگەنىن اتاپ وتۋگە بولادى. كومىر مەن ليگنيتتى ءوندىرۋ سالاسىندا 4,6 پايىزدىق تارماققا, قارا مەتاللۋرگيا سالاسىندا 13,0 پايىزدىق تارماققا جانە مۇنايدى قايتا وڭدەۋ سالاسىندا 3,7 پايىزدىق تارماققا ءوسۋ قارقىنى تومەندەپتى. سونىمەن قاتار, سەرپىندى دامۋ قارقىنىنا بايلانىستى ماشينا جاساۋ مەن اقپارات جانە بايلانىستىڭ ءوسۋى تيىسىنشە 7,0 جانە 3,0 پايىزدىق تارماققا ۇلعايعان. بۇدان باسقا, بولجانىپ وتىرعان استىقتىڭ جوعارى شىعىمىنا وراي اۋىل شارۋاشىلىعى ونىمدەرىن وندىرۋدە بولجامدى كولەمدەردىڭ 0,6 پايىزدىق تارماققا ارتۋى كۇتىلىپ وتىر. Tاۋار نارىقتارىنداعى الەمدىك باعانىڭ وزگەرۋىنە بايلانىستى, مۇنايدىڭ ءبىر باررەلىنە الەمدىك باعانىڭ بولجامدىق دەڭگەيى 106,3 اقش دوللارىنا دەيىن ۇلعايدى. ماسەلەن, الدىن الا ەسەپتەۋلەر بويىنشا سوڭعى 9 ايدا مۇنايدىڭ ورتاشا باعاسى ءبىر باررەلىنە 108,7 اقش دوللارى دەڭگەيىندە قالىپتاستى جانە مۇنايدىڭ باعاسى ءبىر باررەلىنە 100 اقش دوللارى دەڭگەيىندە ساقتالعان جاعدايدا 2013 جىلدىڭ قورىتىندىسى بويىنشا ورتاشا جىلدىق باعا ءبىر باررەلىنە 106,3 اقش دوللارى شەگىندە كۇتىلەدى. بۇل رەتتە مەتالدار باعاسىنىڭ جيىنتىق بولجامدى يندەكسى 93,8 پايىزعا دەيىن تومەندەگەن. تومەندەۋ التىننىڭ بولجامدى باعاسىنىڭ – 19,3 پايىزعا, ءاليۋمينيدىڭ – 11,2 پايىزعا, مىستىڭ – 10,6 پايىزعا, مىرىشتىڭ 7,1 پايىزعا ازايۋى ەسەبىنەن بولىپ وتىر, دەپ ءتۇسىندىردى مينيستر.
ە.دوساەۆ اتاپ وتكەندەي, بيۋدجەت تاپشىلىعىن 80 ملرد. تەڭگەگە قىسقارتۋ, ياعني 870,6 ملرد.-تان 790,6 ملرد. تەڭگەگە قىسقارتۋ, رەسپۋبليكالىق بيۋدجەتتىڭ شىعىسىن 6 033,4 ملرد. تەڭگەگە دەيىن وڭتايلاندىرۋ ۇسىنىلۋدا. تۇتاستاي العاندا, شىعىستىڭ قىسقارتىلۋى 165,8 ملرد. تەڭگەنى قۇرايدى. بۇل قارجىنىڭ ءبىر بولىگى, اتاپ ايتساق, 100 ملرد. تەڭگەسى تومەندە اتالعان جوبالارعا جۇمسالادى. ماسەلەن, «جەزقازعان–بەينەۋ» تەمىر جول جەلىسىنىڭ قۇرىلىسىنا 30,0 ملرد. تەڭگە باعىتتالسا, بۇل قازاقستاننىڭ ورتالىق وڭىرلەرىنەن جانە دوستىق ستانساسىندا قازاقستاننىڭ باتىس وڭىرلەرىنە جانە ودان ءارى ەۋروپاعا جۇك تاسىمالىنا تىكەلەي جول اشۋ ارقىلى تاسىمالداۋ قاشىقتىعىن 1200 شاقىرىمعا قىسقارتۋعا ءمۇمكىندىك بەرەدى. ودان ءارى ۇدەمەلى يندۋستريالىق-يننوۆاتسيالىق دامۋ باعدارلاماسىن ورىنداۋ اياسىندا ەكونوميكا سالالارىن ءارتاراپتاندىرۋ ماسەلەلەرىن شەشۋ ءۇشىن «قازاقستاننىڭ دامۋ بانكى» اكتسيونەرلىك قوعامىنىڭ جارعىلىق كاپيتالىن ۇلعايتا وتىرىپ, ۇلتتىق ەكونوميكانىڭ باسەكەگە قابىلەتتىگىن جانە تۇراقتىلىعىن قامتاماسىز ەتۋ ءۇشىن «بايتەرەك» ۇلتتىق باسقارۋشى حولدينگى» اكتسيونەرلىك قوعامىنىڭ جارعىلىق كاپيتالىن ۇلعايتۋعا 30 ملرد. تەڭگە بولىنبەك. ال ەكسپو-2017-ءنى وتكىزۋگە دايىندىققا 20 ملرد. تەڭگە, «قولجەتىمدى باسپانا-2020» باعدارلاماسى اياسىندا استانا قالاسىنىڭ وكىلەتتى مەكەمەسىنىڭ «سامۇرىق-قازىنا» ۇلتتىق ءال-اۋقات قورىنىڭ الدىنداعى مىندەتتەرىن ورىنداۋ ءۇشىن استانا قالاسىنىڭ اپاتتى جاعدايداعى تۇرعىن ۇيلەرىن بۇزۋ جوباسىن ىسكە اسىرۋعا بەرىلگەن نەسيەلەردى قايتارۋعا 20 ملرد. تەڭگە جۇمسالماق.
تالقىلاۋ ناتيجەسىندە 2013-2015 جىلدارعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسى ماقۇلداندى. اتالمىش زاڭ جوباسىن پارلامەنت ماجىلىسىنە ۇستىمىزدەگى جىلدىڭ 5 قاراشاسىنا دەيىن ەنگىزۋ جوسپارلاندى.
وتىرىستى قورىتىندىلاعان پرەمەر-مينيستر ءتيىستى باسشىلارعا ناقتىلانعان بيۋدجەتكە قاتىستى بiرقاتار تاپسىرمالار جۇكتەدى. س.احمەتوۆ سونداي-اق شىعىستاردى دۇرىس بولجاماۋ, ساپاسىز جوسپارلاۋ سياقتى بيۋدجەت باعدارلاماسى اكىمشىلەرىنىڭ جۇمىستارىنداعى تيىمسىزدىكتەرگە نازار اۋداردى. وسىعان وراي ۇكىمەت باسشىسى مەملەكەتتىك ورگاندار باسشىلارىنا بيۋدجەت باعدارلاماسىن يگەرۋگە جاۋاپتى ادامداردى جازاعا تارتۋ تۋرالى ۇسىنىستار دايىنداۋدى تاپسىردى.
دينارا بىتىكوۆا,
«ەگەمەن قازاقستان».
