قازاقستاننىڭ باستى ۇلتتىق اۋە تاسىمالداۋشىسى – «ەير استانا» كومپانياسى استانا مەن لوندوننىڭ حيتروۋ اۋەجايى اراسىندا جاڭا رەيس ورناتىپ, ونىڭ اپتالىق مولشەرىن ۇشەۋگە دەيىن ۇلعايتتى. كەشە ەلوردا اۋەجايىندا وسىعان ارنالعان جيىن بولىپ ءوتتى. رەيس تۇساۋكەسەرىنە ىشكى ىستەر مينيسترلىگىنىڭ, كولىك جانە كوممۋنيكاتسيا مينيسترلىگىنىڭ, ۇلىبريتانيا ەلشىلىگىنىڭ, «سامۇرىق-قازىنا» ۇلتتىق ءال-اۋقات قورىنىڭ, «ەير استانا» اۋە كومپانياسى مەن بۇقارالىق اقپارات قۇرالدارىنىڭ وكىلدەرى قاتىستى.
تۇساۋكەسەر سالتاناتى ءوتىپ بولعان بويدا اۋە كومپانياسىنىڭ جەتەكشىلەرى باستاعان العاشقى رەيستىڭ جولاۋشىلارىنىڭ ءبىرى رەتىندە ءبىز دە ءبىر توپ جۋرناليسپەن بىرگە الىستاعى البيون جەرىنە قاراي اتتاندىق.
قازاقستاننىڭ باستى ۇلتتىق اۋە تاسىمالداۋشىسى – «ەير استانا» كومپانياسى استانا مەن لوندوننىڭ حيتروۋ اۋەجايى اراسىندا جاڭا رەيس ورناتىپ, ونىڭ اپتالىق مولشەرىن ۇشەۋگە دەيىن ۇلعايتتى. كەشە ەلوردا اۋەجايىندا وسىعان ارنالعان جيىن بولىپ ءوتتى. رەيس تۇساۋكەسەرىنە ىشكى ىستەر مينيسترلىگىنىڭ, كولىك جانە كوممۋنيكاتسيا مينيسترلىگىنىڭ, ۇلىبريتانيا ەلشىلىگىنىڭ, «سامۇرىق-قازىنا» ۇلتتىق ءال-اۋقات قورىنىڭ, «ەير استانا» اۋە كومپانياسى مەن بۇقارالىق اقپارات قۇرالدارىنىڭ وكىلدەرى قاتىستى.
تۇساۋكەسەر سالتاناتى ءوتىپ بولعان بويدا اۋە كومپانياسىنىڭ جەتەكشىلەرى باستاعان العاشقى رەيستىڭ جولاۋشىلارىنىڭ ءبىرى رەتىندە ءبىز دە ءبىر توپ جۋرناليسپەن بىرگە الىستاعى البيون جەرىنە قاراي اتتاندىق.
ماقساتىمىز – اسپان استىنان ساياحات سىزاتىن التى ساعاتتان استام اۋە جولىن باستان وتكەرىپ, العاشقى مارشرۋت جونىندەگى اسەرىمىزدى قالىڭ جۇرتقا جەتكىزۋ.
شىنىندا دا وسى ايتىلعان ۋاقىتتىڭ شىرعاسىندا كوڭىلگە تۇيگەن ويلارىمىز دا, العان ادەمى اسەرىمىز دە كوپ بولدى. ولاردىڭ ءبارىن ەندى ءتورت كۇننەن سوڭ, ياعني ەلگە امان-ەسەن جەتىپ العاننان كەيىن اسىقپاي وتىرىپ قاعازعا ءتۇسىرمەك نيەتتەمىز. ازىرگە ايتارىمىز, جىلدان جىل اسقان سايىن قاناتىن كەڭگە جايىپ, الەۋەتى ارتىپ كەلە جاتقان ەلىمىز تۇرعىندارىنىڭ وزگە ەلدەردىڭ جۇرتىمەن ارالاستىعى دا ايتارلىقتاي ارتا تۇسكەن ەكەن. «بارماسا, كەلمەسە جات بولاتىنىن» بىلەتىن ءبىزدىڭ اعايىندار قازىر جاعدايلارى كەلىپ تۇرعان سوڭ شەت ەلدەرگە ءجيى اتباسىن بۇرىپ, ساپار سانىن كوبەيتىپتى. مىنا اشىلىپ جاتقان قوسىمشا رەيس تە سول قاجەتتىلىكتەن تۋىنداپ وتىرسا كەرەك.
قوسىمشا دەمەكشى, كومپانياداعىلاردىڭ تۇسىندىرۋىنە قاراعاندا, بۇل رەيس بۇرىننان بار الماتى – لوندون جانە استانا – فرانكفۋرت باعىتتارىن تولىقتىراتىن بولادى. دالىرەك ايتقاندا, لوندونعا بەت تۇزەيتىن جاڭا قاتىناس ءاربىر سارسەنبى سايىن اۋە كەمەسىن الماتى – لوندون – استانا – الماتى, ءاربىر بەيسەنبى سايىن الماتى – استانا – لوندون – الماتى, ال سەنبى سايىن الماتى – لوندون –الماتى باعىتتارىنا ۇشىرىپ تۇرادى.
ءسوزدىڭ ورايىندا جاڭا رەيس قىزمەتىن ەكونوم-كلاسس بويىنشا ەكى جاققا پايدالانۋشىنىڭ بارلىق الىمدارىن قوسىپ ەسەپتەگەندە, 110 870 تەڭگەدەن, ال بيزنەس-كلاسس ءۇشىن 522 999 تەڭگەدەن تولەيتىنىن ايتا كەتەيىك. سول سياقتى استانا–لوندون باعىتىندا ۇشۋ 6 ساعات 50 مينۋت ۋاقىتتى السا, لوندون–استانا ارا قاشىقتىعىنىڭ ۋاقىتتىق مولشەرى 6 ساعات 20 مينۋتپەن ولشەنەتىنىن دە وسىندا كەلگەلى بەرى ەستىپ جاتىرمىز.
بىرقاتار ماعلۇماتتاردى ءبىز «ەير استانا» كومپانياسى اق پرەزيدەنتى پيتەر فوستەردەن الدىق. «ءبىز ۇلىبريتانياعا رەيستەر سانىن ارتتىرا العانىمىزعا قۋانىپ وتىرمىز, – دەدى ول. – وسى ارقىلى ءبىز استانا مەن لوندون اراسىنداعى جولاۋشىلار تاسقىنىن ۇلعايتىپ قانا قويماي, سونىمەن بىرگە, العاش رەت ەكى ەل ورتالىعىن تىكەلەي بايلانىستىرۋعا قول جەتكىزدىك. ۇلىبريتانيا پرەمەر-ءمينيسترى دەۆيد كەمەرون قازاقستانعا جاساعان ساپارىنان سوڭ بىردەن قابىلداعان وسى شەشىم ەكى ەل اراسىنداعى قارىم-قاتىناستىڭ كۇشەيىپ كەلە جاتقانىن بايقاتادى. بۇل ءبىر جاعى استانادا 2017 جىلى وتەتىن ەكسپو كورمەسىنە دەگەن ىنتانىڭ ارتىپ كەلە جاتقانىن بىلدىرەدى».
وسىلايشا ءانى-مىنە دەگەنشە كوگىلدىر سۋلار قورشاپ جاتقان جاسىل جەلەكتى بريتانيا جەرىنە دە كەلىپ قالىپپىز. ايتقانداي, لوندوننىڭ اسپانى ادەتتەگىدەي ب ۇلىڭعىرلاۋ ەكەن. قانشا دەگەنمەن, تەرىستىك دەگەن اتى بار عوي, اۋا رايى دا بىزگە قاراعاندا سالقىنداۋ سياقتى. بىراق ءبىر ۇشاق قونىپ, ءبىر ۇشاق ۇشىپ جاتقان حيتروۋدىڭ ىعى-جىعى اۋەجايى ناعىز قايناعان قىزۋ تىرشىلىكتىڭ ورتاسىندا تۇرعان سەكىلدى. ءتۇس اۋا عانا استانا اياسىندا تۇرعان بىزگە ەندى البيون جەرى قۇشاق جايدى.
جانبولات اۋپباەۆ,
«ەگەمەن قازاقستان» –لوندوننان.
