سىرتقى ىستەر ءمينيسترى ەرلان ىدىرىسوۆ BNews.kz پورتالىنىڭ ستۋدياسىندا بولىپ, «2050» ستراتەگياسى اياسىنداعى سىرتقى ساياسي تاپسىرمالاردى جۇزەگە اسىرۋ» تاقىرىبىندا وتكەن ونلاين-كونفەرەنتسياعا قاتىستى, دەپ حابارلادى قر ءسىم-ءىنىڭ ءباسپاسوز قىزمەتى.
سىرتقى ىستەر ءمينيسترى ەرلان ىدىرىسوۆ BNews.kz پورتالىنىڭ ستۋدياسىندا بولىپ, «2050» ستراتەگياسى اياسىنداعى سىرتقى ساياسي تاپسىرمالاردى جۇزەگە اسىرۋ» تاقىرىبىندا وتكەن ونلاين-كونفەرەنتسياعا قاتىستى, دەپ حابارلادى قر ءسىم-ءىنىڭ ءباسپاسوز قىزمەتى.
ءسىم باسشىسى قازاقستاننىڭ سىرتقى ساياسي باعىتى تۋرالى ينتەرنەت قولدانۋشىلار سۇراقتارىنا جاۋاپ بەرىپ, قازاقستان پرەزيدەنتى «2050» ستراتەگياسىندا العا قويعان تاپسىرمالاردىڭ جۇزەگە اسىرىلۋ بارىسىمەن تانىستىردى. اقش, رەسەي, قىتاي جانە ورتالىق ازيا ەلدەرىمەن قارىم-قاتىناس تاقىرىبى, قازاقستاننىڭ باسقا مەملەكەتتەرمەن حالىقارالىق ۇيىمدار شەڭبەرىندەگى ىنتىماقتاستىعى كەڭىنەن ءسوز بولدى. ە.ىدىرىسوۆ ءوزىنىڭ لاتىن امەريكاسى ەلدەرىنە ساپارىندا العان اسەرلەرىمەن ءبولىسىپ, ساپاردىڭ نەگىزگى ناتيجەلەرى جونىندە, سونىڭ ىشىندە ارگەنتينا, چيلي جانە برازيليا ەلدەرىمەن ۆيزاسىز كىرىپ-شىعۋ كەلىسىمدەرى تۋرالى ايتىپ بەردى.
سونىمەن قاتار, سىرتقى ساياسات ۆەدومستۆوسىنىڭ باسشىسى ترانسشەكارالىق سۋلار ماسەلەسىن شەشۋدە سىرتقى ىستەر مينيسترلىگى قابىلداپ وتىرعان شارالاردى ءتۇسىندىرىپ, ۆيزالىق ماسەلەلەر مەن قازاقستان ازاماتتارىنىڭ شەتەلدەردە قۇقىقتارىن قورعاۋ ماسەلەلەرىنە ەرەكشە نازار اۋداردى.
ونلاين-كونفەرەنتسيانىڭ بەينە ماتەريالى مەن ءماتىنىن www.bnews.kz سايتىنان كورۋگە بولادى.
