كەشە پرەزيدەنت جانىنداعى ورتالىق كوممۋنيكاتسيالار قىزمەتىندە ءداستۇرلى بريفينگ ءوتتى. باسقوسۋدىڭ بۇل جولعى قوناقتارى اۋىل شارۋاشىلىعى ۆيتسە-مينيسترى ءمۇسىلىم ومىرياەۆ پەن «قازاگرو» ۇبح» اق ءتوراعاسى دۋلات ايتجانوۆ بولدى.
اۋىل شارۋاشىلىعى ۆيتسە-ءمينيسترى م.ومىرياەۆ ۇستىمىزدەگى جىلدىڭ 11 قازانىندا وتكەن ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ سىن ەسكەرتۋلەرى مەن تاپسىرمالارىنا سايكەس مينيسترلىك قىزمەتىنىڭ باعىتتارى جايلى, اتاپ ايتقاندا:
كەشە پرەزيدەنت جانىنداعى ورتالىق كوممۋنيكاتسيالار قىزمەتىندە ءداستۇرلى بريفينگ ءوتتى. باسقوسۋدىڭ بۇل جولعى قوناقتارى اۋىل شارۋاشىلىعى ۆيتسە-مينيسترى ءمۇسىلىم ومىرياەۆ پەن «قازاگرو» ۇبح» اق ءتوراعاسى دۋلات ايتجانوۆ بولدى.
اۋىل شارۋاشىلىعى ۆيتسە-ءمينيسترى م.ومىرياەۆ ۇستىمىزدەگى جىلدىڭ 11 قازانىندا وتكەن ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ سىن ەسكەرتۋلەرى مەن تاپسىرمالارىنا سايكەس مينيسترلىك قىزمەتىنىڭ باعىتتارى جايلى, اتاپ ايتقاندا: تۇراقتاندىرۋ قورلارى, ەتتىڭ ەكسپورتى, اۋىل شارۋاشىلىعى شيكىزاتىن قايتا وڭدەۋشى كاسىپورىنداردىڭ وندىرىستىك قۋاتتىلىعىن جۇكتەۋ, سونداي-اق, مەملەكەتتىك سۋبسيديالار تۋرالى ايتتى.
تۇراقتاندىرۋ قورلارىن قالىپتاستىرۋ كەزىندە كەيبىر وڭىرلەردە ۇكىمەت قاۋلىسىمەن بەكىتىلگەن الەۋمەتتىك ماڭىزى بار ازىق-ت ۇلىك تىزىمىنە ەنگىزىلمەگەن ونىمدەر ساتىپ الىنعان. ولارعا الماتى جانە استانا قالالارى, جامبىل وبلىسى جاتادى. وعان قوسا ۋاقىتىلى ساتىپ الىنباۋى ەسەبىنەن ونىمدەر ۇزاق ۋاقىت ساقتالىپ, ولاردىڭ باعاسىنىڭ قىمباتتاۋى بايقالعان. سونداي-اق, بولىنگەن قاراجاتتىڭ ءبىر بولىگىن ەكىنشى دەڭگەيلى بانكتەرگە دەپوزيتكە سالىپ قويۋ جاعدايلارى دا بار. تۇراقتاندىرۋ قورلارىن قالىپتاستىرۋ مەن پايدالانۋ ەرەجەلەرىندە ۋاقىتشا پايدالانىلماعان قاراجاتتى, ازىق-ت ۇلىكتى ساقتاۋ, تاسىمالداۋ جانە باسقا اكىمشىلىك شىعىنداردى وتەۋ ءۇشىن دەپوزيتكە ورنالاستىرۋ مۇمكىندىگى كوزدەلگەن.
بۇل رەتتە تۇراقتاندىرۋ قورلارى قىزمەتىن تالداۋ وڭ ناتيجەلەردى كورسەتۋدە: وبلىستاردىڭ كوبىندە 2011-2012 جىلدارى بۇرىنعى جىلدارمەن سالىستىرعاندا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسى تومەن بولعان. مۇنى ەسكەرە كەلە قازىرگى كەزدە ازىق-ت ۇلىك ونىمدەرىنىڭ تۇراقتاندىرۋ قورلارىن قالىپتاستىرۋ مەن پايدالانۋ ءتارتىبىن جەتىلدىرۋ جوسپارلانعان.
وتاندىق ەت ءونىمىنىڭ كولەمىن ۇلعايتۋ جانە وزىندىك قۇنىن ءتومەندەتۋ ماقساتىندا قازىرگى ۋاقىتتا ءىرى قارا ەتىنىڭ ەكسپورتتىق الەۋەتىن دامىتۋ باعدارلاماسى جۇزەگە اسۋدا. باعدارلاما بورداقىلاۋ الاڭدارىن قاجەتتى بورداقىلاۋ كونتينگەنتىمەن قامتاماسىز ەتۋ ءۇشىن تاۋارلىق تابىندى قالىپتاستىرۋعا باعىتتالعان.
2012 جىلدان باستاپ سەلەكتسيالىق جانە تۇقىمدىق جۇمىستاردى جۇرگىزۋگە انالىق مال باسىن سۋبسيديالاۋ مەحانيزمى ەنگىزىلگەن.
«اگروبيزنەس-2020» باعدارلاماسىندا قارجىنىڭ قولجەتىمدىلىگىن ارتتىرۋ, جاڭا تەحنيكا مەن جابدىقتاردى ساتىپ الۋعا ينۆەستيتسيالىق سۋبسيديالار بەرۋ, زايمداردى كەپىلدەندىرۋ جولدارىمەن ءونىمنىڭ وزىندىك قۇنىن ازايتۋ شارالارى كوزدەلگەن. مال شارۋاشىلىعىن دامىتۋعا رەسپۋبليكالىق بيۋدجەتتەن بولىنگەن قاراجات كولەمى 2014 جىلدان باستاپ 35 پايىزعا كوبەيتىلمەك.
قايتا وڭدەۋ سالاسىن دامىتۋ اياسىندا شەبەر-جوسپار ازىرلەنگەن. ونىڭ ماقساتى قايتا وڭدەۋ كاسىپورىندارىن مودەرنيزاتسيالاۋ مەن قايتا قۇرۋ, ءسۇت پەن ەتتى دايىنداۋ ورىندارىن قۇرۋعا باعىتتالعان. مۇنىڭ ناتيجەسى قايتا وڭدەۋ كاسىپورىندارىنىڭ قۋاتتىلىعىن جۇكتەۋگە, تيىسىنشە, ازىق-ت ۇلىك ونىمدەرىنىڭ ءوندىرىسىن ارتتىرۋعا مۇمكىندىك بەرەدى.
«وسى جىلدىڭ سوڭىنا دەيىن ءبىز 68 ينۆەستيتسيالىق جوبانى ىسكە قوسۋدى كوزدەيمىز. اتالعان جوبالاردىڭ ىشىندە ءسۇت فەرمالارى, مال بورداقىلاۋ الاڭدارى, جىلىجايلار, تامشىلاتىپ سۋارۋ تەحنولوگياسى, قۇس فابريكالارى جانە وزگە دە كاسىپورىندار بار. قازىرگى كەزدە ءبىز 27 جوبانى ىسكە قوستىق. ولاردىڭ ىشىندە مال شارۋاشىلىعىنا ارنالعان 11 جوبا بار. الداعى ەكى ايدا ونىڭ بارلىعىنا مال جەتكىزىلۋى ءتيىس. ال قالعان 30 جوبا اياقتالۋعا جاقىن. قازىر ءتيىستى قۇجاتتار جيناقتالعان سوڭ, ولاردى دا پايدالانۋعا بەرەتىن بولامىز», – دەيدى «قازاگرو» ۇبح» اق توراعاسى دۋلات ايتجانوۆ.
ءابدىراحمان قىدىربەك,
«ەگەمەن قازاقستان».
