كوكشەتاۋداعى №5510 اسكەري ءبولىمىنىڭ اۋلاسىندا «قۋاتتى اسكەر – قۋاتتى قازاقستان» پاتريوتتىق شاراسى اياسىندا بولاشاق 60 ساربازدى اسكەر قاتارىنا سالتاناتتى شىعارىپ سالۋ ءراسىمى وتكىزىلدى. جينالعان قاۋىمدى اقمولا وبلىسى اكىمىنىڭ ءبىرىنشى ورىنباسارى راشيت اكىموۆ پەن «نۇر وتان» پارتياسى وبلىستىق فيليالى ساياسي كەڭەسىنىڭ مۇشەسى, قالانىڭ قۇرمەتتى ازاماتى زۋرا شۋاتاەۆا, ۇلى وتان سوعىسىنىڭ ارداگەرى نيكولاي دەريگلازوۆ, وبلىستىق قورعانىس ىستەرى جونىندەگى دەپارتامەنت باسشىسى, پولكوۆنيك جانات ەرەجەپوۆ قۇتتىقتادى.
كوكشەتاۋداعى №5510 اسكەري ءبولىمىنىڭ اۋلاسىندا «قۋاتتى اسكەر – قۋاتتى قازاقستان» پاتريوتتىق شاراسى اياسىندا بولاشاق 60 ساربازدى اسكەر قاتارىنا سالتاناتتى شىعارىپ سالۋ ءراسىمى وتكىزىلدى. جينالعان قاۋىمدى اقمولا وبلىسى اكىمىنىڭ ءبىرىنشى ورىنباسارى راشيت اكىموۆ پەن «نۇر وتان» پارتياسى وبلىستىق فيليالى ساياسي كەڭەسىنىڭ مۇشەسى, قالانىڭ قۇرمەتتى ازاماتى زۋرا شۋاتاەۆا, ۇلى وتان سوعىسىنىڭ ارداگەرى نيكولاي دەريگلازوۆ, وبلىستىق قورعانىس ىستەرى جونىندەگى دەپارتامەنت باسشىسى, پولكوۆنيك جانات ەرەجەپوۆ قۇتتىقتادى.
سالتاناتتى شارا اۋعانستان مەن تاجىكستان شەكاراسىنداعى پشيحۆار قويناۋىندا ەرلىكپەن قازا تاپقان 17 جاۋىنگەردىڭ مەموريالدىق تاقتاسىنا گۇل شوقتارىن قويۋمەن باستالىپ, ءبىر مينۋتتىق ۇنسىزدىك جاريالاندى. اتالعان اسكەري ءبولىمنىڭ كومانديرى, پودپولكوۆنيك ءابدىمۇرات تاشىمبەتوۆ بولاشاق ساربازداردى اسكەري ۇرىس تەحنيكالارى مەن قارۋ-جاراقتار كورمەسىمەن تانىستىرىپ, جاۋىنگەرلىك ءومىر جايىندا اڭگىمەلەدى. «قازاقستاننىڭ اسكەري ساپىندا قىزمەت اتقارۋ – ءاربىر ازاماتتىڭ ابىرويلى پارىزى, وندا پاتريوتيزم مەن شىنايى دوستىق, قيىن سىندارعا توتەپ بەرەر قايسارلىق سەزىمدەرى قالىپتاسادى», دەپ اتاپ كورسەتتى ول.
اسكەري ءبولىم اۋلاسىندا قورعانىس مينيسترلىگى ش.ءۋاليحانوۆ اتىنداعى كادەت كورپۋسىنىڭ ۇرلەمەلى وركەسترى ورىنداعان رۋح كوتەرەر اۋەندەر قالىقتادى. اكتسيا بارىسىندا وبلىستىق ىشكى ىستەر دەپارتامەنتىنىڭ ارنايى ماقساتتاعى «ارلان» ۆزۆودىنىڭ اسكەري ۇرىس قيمىلدارى كورسەتىلدى. جۇرتشىلىق نازارىنا «كوكشەتاۋ» مادەنيەت سارايىنىڭ, ينتەرناتسيوناليست-جاۋىنگەرلەردىڭ «ارداگەر» توبىنىڭ كونتسەرتتىك باعدارلامالارى ۇسىنىلدى.
سونداي-اق, جاس ساربازداردىڭ كەڭەس وداعىنىڭ باتىرى مالىك عابدۋلليننىڭ مۇراجايىندا بولىپ, ەكىنشى دۇنيەجۇزىلىك سوعىس ارداگەرلەرىنىڭ ۇيلەرىنە كىرىپ شىعۋى جۇرەكتەرگە تاعىلىم مەن تولعانىس ۇيالاتقانىن ايتقىمىز كەلەدى.
باقبەرگەن امالبەك,
ەگەمەن قازاقستان».
اقمولا وبلىسى.
