اۋە قورعانىسى كۇشتەرى باس قولباسشىسىنىڭ بۇرىنعى ورىنباسارى اسقار بولدەشوۆ پەن ونىڭ كاسىپكەر دوسى تالعات جۇماحانوۆ ەكەۋى وسىنشاما كولەمدەگى بيۋدجەت اقشاسىن ىڭ-شىڭسىز ءبولىپ الا سالماق بولىپتى. سول ءۇشىن ايىپتىلار ورىندىعىنا وتىرىپ, وزدەرىنە قاتىستى سوتتىڭ العاشقى پروتسەسىن باستان وتكىزىپ ۇلگەردى. بۇل تۋرالى كتك تەلەارناسى حابارلادى.
اۋە قورعانىسى كۇشتەرى باس قولباسشىسىنىڭ بۇرىنعى ورىنباسارى اسقار بولدەشوۆ پەن ونىڭ كاسىپكەر دوسى تالعات جۇماحانوۆ ەكەۋى وسىنشاما كولەمدەگى بيۋدجەت اقشاسىن ىڭ-شىڭسىز ءبولىپ الا سالماق بولىپتى. سول ءۇشىن ايىپتىلار ورىندىعىنا وتىرىپ, وزدەرىنە قاتىستى سوتتىڭ العاشقى پروتسەسىن باستان وتكىزىپ ۇلگەردى. بۇل تۋرالى كتك تەلەارناسى حابارلادى.
اينالىپ كەلىپ, قۇقىق قورعاۋشىلاردىڭ قولىنا تۇسكەن بۇل ەكى جان اياماس دوستار مۇنىڭ بۇرقىراپ جاتقان قاينار كوزى رەتىندە اسكەري ءبولىمنىڭ قارۋ-جاراق قويماسىنىڭ اينالاسى دەپ بىلگەن. ءتاتتى ارماننىڭ قۇشاعىنا تىتىرەنبەي قويىپ كەتكەن بۇلار كاسىپكەردىڭ كاسىبى ازىق-ت ۇلىك تاۋارلارىن جەتكىزىپ تۇرۋمەن عانا شەكتەلەتىنىن دە ەسكەرمەيدى. ءسويتىپ, قارۋ-جاراق پەن وق-ءدارىنىڭ ءيىسى مۇرنىنا دا بارمايتىن بيزنەسمەن وسىنداعى دوسىنىڭ ارقاسىندا سول بويىنشا وتكەن تەندەرگە قاتىسىپ, ونى ۇتىپ تا الادى. سونىڭ ارقاسىندا قوس سىبايلاس «س-300 زەنيتتى-زىمىران كەشەنىنە قوسالقى بولشەكتەر جەتكىزەمىز» دەپ قازىنانىڭ 145 ملن. تەڭگەسىن قولق ەتكىزىپ, بىردەن جۇتىپ جىبەرەدى.
اسقار بولدەشوۆ بۇعان دەيىن الەۋەت قۇرىلىمدارىنا ازىق-ت ۇلىك جەتكىزۋمەن اينالىسىپ كەلگەن ءوزىنىڭ جاقىن دوسى تالعات جۇماحانوۆقا تيەسىلى «RG Trade» كومپانياسىن مەملەكەتتىك ساتىپ الۋعا قاتىستىرىپتى.
ءبىر قىزىعى, اسكەري تەحنيكادان ماقۇرىم فيرما الماتى وبلىسى بورالداي كەنتىندەگى قازاق اۋە قورعانىسىنىڭ نەگىزگى كۇشى س-300 زەنيتتى-زىمىران كەشەنىنە قوسالقى بولشەكتەر جەتكىزۋى ءتيىس بولعان. كەيىن اكەلىنگەن قۇرال-سايمان جارامسىز بولىپ شىقتى. ونى ورناتقاندا زىمىراندار ۇشۋعا جاراماي, ال راديولوكاتسيالىق ستانسا شەكارا بۇزعان بىردە-ءبىر ۇشاقتى تابا الماس ەدى.
تەرگەۋ ماتەريالدارىنا سۇيەنسەك, ىم-جىمى ءبىر قوس سىبايلاس بيۋدجەتتەن تەندەرگە بولىنگەن 200 ملن. تەڭگەنى ءوزارا ءبولىپ الماق بولعان. سونىڭ 145 ملن. تەڭگەسىن «RG Trade» فيرماسىنىڭ ەسەپشوتىنا اۋدارىپ تا ۇلگەرگەن ەكەن. كەيىن قارجىنىڭ ءبىر بولىگىنە كاسىپكەر دوسى اسقار بولدەشوۆتىڭ اۋىلداعى اكە-شەشەسىنە مونشا تۇرعىزىپ بەرگەن. سوتتا شەندىنىڭ باسقا بىلىقتارى دا اشكەرەلەندى.
اسكەري پروكۋروردىڭ ايتۋىنشا, بولدەشوۆ ءتۇرلى مەرەيتويلار, حالىقارالىق «كادەح» قارۋ-جاراق كورمەسىن وتكىزۋ جەلەۋىمەن اسكەري ءبولىم كومانديرلەرىنەن 10 مىڭنان 90 مىڭ تەڭگەگە دەيىن اقشا الىپ وتىرعان. قارجىنى جەكە بانك كارتوچكاسىنا اۋدارتقىزىپتى. ونىڭ ءنومىرىن تەلەفونمەن بولماسا سمس حابارلاما ارقىلى جولداپ تۇرىپتى. ول ەكى جىل بويى وفيتسەرلەردەن وسىلايشا 1 ملن. 648 مىڭ تەڭگە جيناپ الىپ, قالتاسىنا باسقان.
سوت پروتسەسى ءۇش ايعا سوزىلۋى مۇمكىن.
قۇرىش نۇرىمبەت.
