وڭتۇستىك قازاقستان • 11 قىركۇيەك، 2020

ومىرزاق شوكەەۆ تۇركىستان قالاسىنداعى اباتتاندىرۋ جۇمىستارىن باقىلادى

35 رەت كورسەتىلدى

ومىرزاق شوكەەۆ تۇركىستان قالاسىنداعى اباتتاندىرۋ جۇمىستارىن باقىلادى، دەپ حابارلايدى Egemen.kz

وبلىس اكىمى ومىرزاق شوكەەۆ تۇركىستان قالاسىنداعى قۇرىلىس جۇمىستارىن ارالاپ، اباتتاندىرۋ جانە كوگالداندىرۋ جۇمىستارىنىڭ بارىسىن باقىلادى.

ءوڭىر باسشىسى الدىمەن نۇرسۇلتان الاڭى مەن وعان جاقىن ورنالاسقان گۇلزارعا باردى. بۇگىندە نىساننىڭ قۇرىلىس مونتاج جۇمىستارى وندىرىستىك كەستەگە سايكەس جۇرگىزىلۋدە. نىسان اۋماعىندا جاياۋ جۇرگىنشى جولدار مەن سۋبۇرقاقتارىنىڭ بەتونداۋ جۇمىستارى اياقتالعان.

سودان كەيىن ايماق باسشىسى تۇڭعىش پرەزيدەنت ساياباعى مەن "ازىرەت سۇلتان" قورىق-مۇراجايىنىڭ اۋماعىن اباتتاندىرۋ جۇمىستارىن باقىلاپ، جەلىلىك ساياباقتى ارالادى.

تۇڭعىش پرەزيدەنت ساياباعىندا سىرتقى سۋعارۋ جۇيەلەرىنىڭ قۇرىلىسى، اعاشتاردى وتىرعىزۋ، گازون توسەۋ جۇمىستارى، سونىمەن بىرگە، اياقجولدار، كەرۋەن جولدارى جانە كانال جۇمىستارىنىڭ 95 % اياقتالعان. وسى ايدا 295 ءتۇپ اعاش جانە 6500 بۇتا وتىرعىزۋ كوزدەلۋدە.

"ازىرەت سۇلتان" قورىق-مۇراجايىنىڭ اۋماعىن اباتتاندىرۋ بويىنشا جۇمىستارى 4 كەزەڭگە بولىنگەن. مۇراجاي اۋماعىندا جەر تەگىستەلىپ، سۋ جانە كارىز جۇيەسى تولىق اياقتالعان. سۋبۇرقاق الاڭىنا بەتون قۇيۋ جۇمىستارى ورىندالدى. ال كوگالداندىرۋ ايماعىنا سۋارۋ جۇيەسىن ورناتۋ جۇمىستارى 60%-عا ورىندالىپ، گازون ەگۋ جۇمىستارى اتقارىلۋدا.

ايماق باسشىسى سونداي-اق جەلىلىك ساياباقتا بولدى. "جەلىلىك ساياباق" اباتتاندىرۋى اياقتالۋعا جاقىن. قازىرگى تاڭدا سىرتقى سۋعارۋ جۇيەلەرىنىڭ قۇرىلىسى، اعاشتاردى وتىرعىزۋ، گازون توسەۋ جۇمىستارى، سونىمەن بىرگە، اياقجولدار، كەرۋەن جولدارى جانە كانال جۇمىستارى اياقتالۋعا تاياۋ.

سونىمەن قاتار، "كونگرەسس حول"، ستاديون، وقۋشىلار سارايى، درام تەاتر،" Rixos Turkestan" قوناق ءۇيى، " ۇلى دالا ەلى"، عىلىمي-امبەباپ كىتاپحاناسىنىڭ قۇرىلىس جۇمىستارى قارقىندى جۇرگىزىلۋدە. ونداعى جۇمىس بارىسىن باقىلاپ، جۇمىسشىلارمەن تىلدەسكەن ومىرزاق شوكەەۆ جاۋاپتىلارعا جۇمىستى كۇشەيتۋدى تاپسىردى.

سوڭعى جاڭالىقتار

قۇبىجىق ءمۇسىن

ونەر • كەشە

كابۋلدان باستالعان كوش قازاق ەلىنە قالاي كەلدى؟

تاۋەلسىزدىكتىڭ 30 جىلدىعى • كەشە

ىندەت ءورشىپ بارادى

كوروناۆيرۋس • كەشە

التىنمەن پارا-پار تاۋەكەل

ەكونوميكا • كەشە

كوكپار تارتقان قىز

تانىم • كەشە

ۇقساس جاڭالىقتار