وبلىستىق اۋىل شارۋاشىلىعى باسقارماسىنىڭ مالىمەتى بويىنشا, 11,0 مىڭ گەكتار مايلى داقىلداردىڭ 7,1% ياعني, 10,5 مىڭ توننا ءونىمى جينالدى. ورتاشا ونىمدىلىگى گەكتارىنا 9,6 تسەنتنەردەن اينالدى. كارتوپ, كوكونىس جانە باقشا داقىلدارى 51,3 مىڭ گەكتار القاپتان 1 264,7 مىڭ توننا باقشا داقىلدارى جينالدى. ول 66,6% پايىزدى كورسەتەدى. ءونىمنىڭ ورتاشا ونىمدىلىگى گەكتارىنا 246,4 تسەنتنەردى كورسەتتى.
جينالعان استىقتى قابىلداۋ ءۇشىن سىيىمدىلىعى 771 مىڭ توننانى قۇرايتىن 265 استىق قويماسى, ونىڭ ىشىندە 58,6 مىڭ توننا سىيىمدىلىعى بار 2 ليتسەنزيالانعان استىق قابىلداۋ كاسىپورنى بار.
2021 جىلى ەگىن جيناۋ ءۇشىن 99,1 مىڭ توننا اۋىلشارۋاشىلىق تۇقىمى نەمەسە قاجەتتىلىكتىڭ 42,1% تولتىرىلدى. ونىڭ ىشىندە استىق – 63,4 مىڭ توننا (80%), مال ازىقتىق داقىلدار – 0,4 مىڭ توننا (42,6%), كارتوپ – 35,3 مىڭ توننا (25%).
مال ازىقتىق داقىلدار ءۇشىن 2816,7 مىڭ توننا پىشەن (100%) 443,8 مىڭ توننا پىشەن (82,9%), 488,5 مىڭ توننا سابان (72,8%), 349,1 مىڭ توننا جەمشوپكە ارنالعان ءدان جانە 93,6 مىڭ توننا (51,8%) سۇرلەم جينالدى.
وبلىستا اۋىلشارۋاشىلىق جۇمىستارىنا 15 مىڭعا جۋىق ارنايى تەحنيكا جۇمىلدىرىلعان. بۇل رەتتە, ەنەرگەتيكا مينيسترلىگى كۇزگى دالا جۇمىستارىن ارزان وتىنمەن قامتاماسىز ەتۋ ءۇشىن 19,2 مىڭ توننا ديزەل وتىنىن ءبولدى. جانار-جاعارماي ماتەريالدارىن جەتكىزۋ بەكىتىلگەن كەستەگە سايكەس جۇزەگە اسىرىلادى. سونىمەن قاتار, شارۋا قوجالىقتارى نارىقتان 5 مىڭ توننا ديزەل وتىنىن دەربەس ساتىپ الدى.
كۇزگى دالا جۇمىستارى جۇيەلى تۇردە جالعاسۋدا. ەگىندى ساپالى جيناۋ جۇمىسى تىكەلەي وبلىس باسشىلىعىنىڭ باقىلاۋىندا.
