كۋرس بويىنشا ساباقتار سەرجانتتار قۇرامىمەن جۇمىس باسقارماسى مەن اسكەري پوليتسيا باس باسقارماسى ماماندارىنىڭ باسشىلىعىمەن, سونىمەن قاتار, قورعانىس مينيسترلىگى كادەت كورپۋسىنىڭ نۇسقاۋشىلارىمەن بىرلەسىپ ءوتتى.
ءبىر اپتا ىشىندە اسكەري قىزمەتشىلەر تاۋەكەلدەردى باسقارۋ, قارۋ-جاراق پەن وق-دارىلەر, اسكەري تەحنيكامەن جۇمىس كەزىندە قاۋىپسىزدىكتى قامتاماسىز ەتۋ, ورتكە قارسى قاۋىپسىزدىك شارالارى, العاشقى مەديتسينالىق كومەك كورسەتۋ, جول-كولىك وقيعالارىنىڭ الدىن الۋ, قارجىلىق ساۋاتتىلىق جانە وزگە دە تاقىرىپتار بويىنشا ءبىلىم الدى.
نۇسقاۋشىلاردىڭ ايتۋىنشا ءبىلىم الۋشىلار ساباق تاقىرىبىنا ۇلكەن قىزىعۋشىلىق تانىتتى. ال, كۋرستىڭ ءوزى وقىتۋدىڭ پىكىرتالاس ءتاسىلى بويىنشا ءوتتى.
"جەكە قۇرامنىڭ ءومىرى مەن دەنساۋلىعىن ساقتاۋ» – ساربازدارعا جاقىن كومانديرلەر رەتىندە سەرجانتتاردىڭ نەگىزگى مىندەتى بولىپ تابىلادى. وزدەرىڭىز بىلەتىندەي, قارۋلى كۇشتەر قۇرىلىمىندا 2019 جىلى قاۋىپسىزدىككە جاۋاپتى شتاتتىق جانە شتاتتان تىس لاۋازىمدار پايدا بولدى. بۇگىن اسكەري قىزمەتشىلەردى وسى تاقىرىپ بويىنشا وقىتا وتىرىپ, تاجىريبە مەن ءبىلىمدى بەرە الدىق دەپ ۇمىتتەنەمىز", – دەدى قارۋلى كۇشتەردىڭ باس سەرجانتى شەبەر-سەرجانت تەمىربەك حالىقوۆ.
ەستەرىڭىزگە سالا كەتەيىك, قازاقستان قارۋلى كۇشتەرىندە 2020 وقۋ جىلى "اسكەري قىزمەتتىڭ قاۋىپسىزدىك جىلى" بولىپ جاريالاندى. وتكەن جىلى اسكەري پوليتسيا ورگاندارىنىڭ قۇرىلىمىندا ارنايى بولىمشە قۇرىلعان بولاتىن. ونداعى ماماندار اسكەري بولىمدەر مەن مەكەمەلەردىڭ قاۋىپسىزدىك تالاپتارىنىڭ ساقتالۋىن باقىلايدى.
