ءبىلىم • 11 قىركۇيەك، 2020

ەلوردادا كومپيۋتەرلەر ۇنەمدەلگەن قاراجات ەسەبىنەن الىندى

25 رەت كورسەتىلدى

مەكتەپتىك تاماقتانۋدان ۇنەمدەلگەن قارجى 1،6 ملرد تەڭگەنى قۇرادى، دەپ حابارلايدى Egemen.kz ەلوردا اكىمدىگىنە سىلتەمە جاساپ.

قاشىقتان وقىتۋعا كوشكەننەن كەيىن ۇنەمدەلگەن قاراجات كومپيۋتەرلىك تەحنيكا ساتىپ الۋعا جانە مەكتەپتەردە بەينەباقىلاۋ جۇيەسىن ورناتۋعا باعىتتالدى. بۇل تۋرالى بريفينگ بارىسىندا نۇر-سۇلتان قالالىق ءبىلىم باسقارماسىنىڭ باسشىسى شولپان قادىروۆا مالىمدەدى.

"2020 جىلعا ارنالعان بيۋدجەتتە 1-4 سىنىپ وقۋشىلارىنىڭ تاماقتانۋىن ۇيىمداستىرۋعا 5،2 ملرد تەڭگە قارجى قاراستىرىلعان. وتكەن وقۋ جىلىنىڭ ءتورتىنشى توقسانىندا قالىپتاسقان تاماقتانۋدان ۇنەمدەلگەن 1،6 ملرد تەڭگە قارجى قاشىقتان وقىتۋدى ۇيىمداستىرۋعا قايتا ءبولىندى. ونىڭ ىشىندە كومپيۋتەرلىك جابدىقتار ساتىپ الۋعا، بارلىق ءبىلىم بەرۋ ۇيىمدارى ءۇشىن ينتەرنەت-بايلانىس پەن بەينەباقىلاۋ ورناتۋعا ءبولىندى. مىسالى، 5200 مارشرۋتيزاتور، 2613 دانا كومپيۋتەرلىك تەحنيكا ساتىپ الىنىپ، ءبىلىم بەرۋ ۇيىمدارىندا بەينەباقىلاۋ ورناتىلدى"، دەپ ءتۇسىندىردى ش.قادىروۆا.

سپيكەردىڭ ايتۋىنشا، بۇگىندە 9700 وقۋشى مەن مۇعالىم مەكتەپ قورىنان كومپيۋتەرلىك تەحنيكامەن قامتاماسىز ەتىلگەن. سونداي-اق 22600 وقۋشىعا روۋتەر تاراتىلدى.

"قازىرگى ۋاقىتتا 34 372 كومپيۋتەر ساتىپ الىندى. ۇكىمەتتىڭ رەزەرۆىنەن 26472 دانا كومپيۋتەرلىك تەحنيكانى ساتىپ الۋعا بيۋدجەت قاراجاتى ءبولىندى. سونىمەن قاتار جەرگىلىكتى بيۋدجەتتەن 8 مىڭ نوۋتبۋك ساتىپ الىنادى"، دەپ ءتۇسىندىردى ش.قادىروۆا.

بۇل رەتتە ءبىلىم باسقارماسى ءبىرىنشى كەزەكتە جەتىم بالالارعا، ەرەكشە قاجەتتىلىكتەرى بار بالالارعا، از قامتىلعان جانە كوپ بالالى وتباسىلارعا كومپيۋتەرلىك جابدىقتار بەرىلەتىندىگىن اتاپ ءوتتى.

ەستەرىڭىزگە سالا كەتەيىك، قازاقستاندا 5-11 سىنىپتار ءۇشىن وقۋ جىلى قاشىقتان باستالدى. اتا-انالاردىڭ قالاۋى بويىنشا سانيتاريا ەرەجەلەرىن ساقتاي وتىرىپ، 1-4 سىنىپتار ءۇشىن كەزەكشى توپتار ۇيىمداستىرىلادى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار